أخي الوحداوي .. من برأيك الأنجع لرئاسة الاتحاد السوري لكرة القدم

[Abu Waseem]

السلام عليكم

خلال أكثر من أسبوع سنكون على موعد مع انتخابات اتحاد كرة قدم سوري جديد
نعلم إلى أي مدى من الإحباط قد وصل إليه جمهور الرياضة السوري وفقدانه الأمل بوجود اتحاد رياضي يلبي طموح الشارع السوري الرياضي واتحاد كروي مناسب ينفذ آمال الجماهير ولكن مازال أملنا إن شاء الله بقيادتنا السياسية أن تتدخل وتعيد بناء الرياضة السورية من جديد وهذا عشمنا بها

المرشحون أضحوا الآن ثلاثة فقط للتذكير فاذا مافاتتكم حلقة البارحة من الكرة بملعبك فكان الضيف المرشح فاروق سرية الذي سبق وكان رئيساً للاتحاد منذ عام ١٩٩٩ حتى ٢٠٠١ ومن ثم أقيل اتحاده ليعاود ويكون أميناً لسر اتحاد الكرة في أحد السنوات ومن ثم مديراً لمكتب الألعاب الجماعية وعضو للمكتب التنفيذي في الاتحاد الرياضي العام وكما سبق له أن كان على ما أعتقد سكرتير للاتحاد العربي لكرة القدم وفي حلقة الأمس هوجم بشكل جيد من المحاورين وكان دفاعه ضعيفاً جداً وخصوصاً في موضوع ضربه للاعب الوحدة السابق ومنتخب سورية في دورة المتوسط في حلب في لقاء مع تركيا سامر درويش على أثر طرده من اللقاء أو ضربه لنجمة سورية بالريشة الطائرة إيفا قطريب.

المرشح الثاني الدكتور أحمد جبان وهو برأيي وباطلاعي رجل ليس بالسارق ولكن كلنا يتذكر حرمان جمهورنا من الاحتفال بالفوز بأول بطولة دوري للبرتقالي بطريقة انتقامية وتحمل الكره في طياتها.

المرشح الثالث هو العقيد حسن سويدان مدير الكرة في نادي الجيش ومحبته لنادي الوحدة لا تحتاج لسرد أعتقد...

[An@s]

الجبان تاريخو معنا سيء جدا وما بتمنا يرجع عالاتحاد
السويدان بيكره الوحدة أكتر من الشيطان...
السرية سمعتو ........

ما بتمنا ولا واحد بصراحة....

[أبو عرب]

لا حول ولا قوة الا بالله أحسن شي.
انا مع نائب الرئيس............ اما تاج الدين فارس او عبد الحفيظ عرب
يعني بتمنى بعد ما تصير الانتخابات ويتعين الرئيس...... يتورطلو بشي قضية
ويستلم النائب تبعو.................
هادا احسن سيناريو

[Abu Waseem]

تاج الدين فارس رجل نظيف بس لا يخلى من العقد بصراحة ولكن منصبه نائب رئيس وتم رفض ترشيح عبد الحفيظ عرب عن نادي الكرامة لمخالفته الشروط والتي تقتضي أن يكون نائب رئيس الاتحاد من دمشق

[wassim80]

والله بصراحة (ال3) سيئين جدآ

بس أخف ضرر علينا هو السرية :blok:

[Samerk]

كلو أضرب من بعضو :cry:cry:cry..... بدنا حدا جديد عالساحة :box::box:

[خيرو]

كله اضرب من بعضه ..... ولا واحد منيح
وتي تي متل مارحتي متل مااجيتي

[ميمو الرايق]

:blok:كلو الا السويدان ......

[bashardo الوحداوي]

تيتي تيتي متل مارحتي متل ماجيتي
من سيئ الى اسؤا وهكذا
ان شاء الله التلاتة بيموتوا بحادث واحد لنرتاح منهم ونشوف اسماء جديدة ممكن تساوي شي منيح للكرة السورية

[أبو الياس]

إذا ما صفي غير هدول ال 3 فالجبان أحسن واحد
بس أنا عندي غير مرشحين - حسب التسريبا

1- أبو وسيم الخطيب ومعاونو عمار ابن الفرواتي :bd)
2- أبو شام (أب عادل) ومعاونو عمار عبار :blok:
3- هنو وأبو كريم :teas

[bmekhaled]

قال شو جابرك عالمرّ قللن اللي أمرّ

أنا من صف فاروق سرية
مو لأنو عاجبني لا سمح الله بس هاد الموجود

[Orange Blood]

ولا واحد من المذكورين

[برتقالي للعظم]

ولا واحد بيستاهل يكون على رأس الهرم

[ابو احمد]

احمد جبان احسن واحد بالسيئين

[عمار عبار]

ولا واحد
:box:

[abouabdoo]

إذا خيروك بين الشلل والسرطان والايدز

أي منهم بتختار


والله صعبة .. مو هيك ؟؟

[ابو وسام]

متل اللي حكم عليه بالاعدام وخيروه ب3 طرق
الشنق والقواص والخوزقه

[رامي الوحداوي]

ولا واحد :?

[الكتلوني]

التلاتة اضرب من بعض بس السرية احسنون

[khaldoun-sy]

الثلاثة سيئين بس إذا السويدان طلع أحليين، ليش لأنو موفق جمعة رئيس نادي الجيش سابقا والسويدان مدير كرة الجيش حاليا رؤساء الاتحاد الرياضي العام واتحاد كرة القدم وفهمكم كفاية . وطبعاً جلال نقرش رئيس اتحاد السلة كمان كان لاعب بالجيش يعني حتصير عنا اللجنة العليا للرياضة الجيشاوية مو السورية

واسمحوا لي حسن السويدان هو رئيس اتحاد الكرة القادم وبكرة منزكر بعض،

وبعديييييييييييييييين

[khaldoun-sy]

ياجماعة الشغلة بدها دم جديد وروح جديدة وإلا نحن على ما نحن وبالانتظار سنين وعقود قادمة

[Orange Blood]

ولا واحد

وبالنهاية يلي ناقصو شوية عملة حيستلم مشان يكمل ميزانيتو

[نستول]

هلئ بصراحة وبعرف انكون لح تزعلوا مني (لاني انا كمان لح ازعل من حالي )بس يلي شايف انو ممكن ومن خلال تاريخو وانجازتو يحدث نقلة نوعية بكرة القدم السورية هو حسن سويدان طبعاغ اذا كان حيادي فهو احسن الموجودين لقيادة الكرة السورية وانجازاتو مع نادي الجيش وبغض النظر عن طريقتها (نحنا قبلانين انو يستعمل نفس الاساليب لتطوير كرة القدم السورية ) بتحكي عن نجاحو كقيادي
بس الله يسترنلا اذا حطنا ببالو :blok:

[ضياء الدين]

والله اختيارات أحلاهم مر
يعني أنا بصراحة مليت من هل الوجوه الكالحة
مليت كتير
بدنا دماء جديدة بدنا خطط واستراتيجيات جديدة مختلفة عن العصور الوسطى
كلها وجوه مجربة وما قدمت شيء للكرة السورية وأي واحد منهم أضرب من التاني
فلذلك ما بعطي صوتي لحدا :blok:

[تراث الشام]

من الأفضل أن يكون الفائز هو فاروق سرية لأنو الكل بيعرف أديش صار مشاكل بين الجيش و الوحدة فمو من مصلحتنا أنو يكون سويدان

[عمار عبار]

برايي انو السويدان ما جربناه لسى

ليش لا
وشو ورانا
مهي الايام عم تركد ركد

بيجوز يطلع احسن من غيره

[العاشق الوحداوي]

والله ال3 ما بيستاهلو كلو اضرب من بعضو

[العاشق الوحداوي]

ههههههههههه واحلى الشي بكورة بملعبك كان لطفي الاسطواني مستضيف فاروق سرية فواحد بعت ايميل للطفي الاسطواني قلو فيها انو قبل ما يرشح نفسو يتذكر لعبة الجيش وتشرين عام 2002 كيف نزل بنفسو على ارض الملعب ليقرر انو هدف تشرين صحيح وهو هدف مو صحيح بس من شان يعطي الدوري لتشرين وكمان حاولو يسألو من الطريق فأحد الناس قلهم انو كل شي الا فاروق سرية قلو ما صدقنا ايمتا ارتفع مستوى كرتنا بدو يرجع يوطي راسنا وكمان واحد قلو اتذكر لعبة المنتخب مع السعودية كيف كان الطقم من كتير ما عرقو الشباب الكنزات صارت تحل طلع راسمها رسم
والله يا جماعة كل شي الا يستلم فاروق سرية والله مصيبة اذا استلم