حاج نزيف بأبناء النادي

[هاني]

وماذا بعد
قرأت موضوع أنتقال وائل زبداني الى الشرطة بس السؤال الذي يحز بنفسي أدارة النادي وعلى رآسها المدرب نزار محروس قال سوف نبني فريق من أبناء النادي ولآن مابحك جلدك غير ضفرك بس للآسف الشديد أنا مالي شايف غير كل يومين عم بروح لاعب من أبناء النادي طبعآ بغض النظر على لاعب منيح ولا ماله منيح بس صار فريقنا بجد فريق التحويشة وهلآ الكابتن نزار بده يتعب على هؤلاء اللاعبين سنة أو سنتين بعدين بصير هدول اللاعبين بدن يرجعو لمحافظاتن وأنديتهم الآم يعني نحن بهذا الموسم فقدنا عدد من أبناء النادي سابقآ ماهر و الآن زبيدي و العلايا و الزبداني وغيرهم يعني بكرا بصير فريق الوحدة ثلاث أرباع لاعبيه بالملعب من خارج دمشق فهل معقول هاد الكلام ؟؟؟

[ابو كريم]

لا تعليق أفضل الشي
أحلى الشي صار الزبداني اذا راح بدنا نعد نقول ليش راح
ولا العلايا اذا انتقل ليش ما حافظنا عليه
انتظروا مني توضيح كامل لكافة الانتقالات وبما يتعلق بخصوص قصي

[وحداوي موت]

لك يا حبيبي على مين زعلان أنت

هدول اللعيبة كلها صرلها سنين عم تستفيد من النادي .. بس نحنا شو أستفدنا منن


بدك نبني فريق ويكون فيو وائل زبداني
فريق صرلو خمس سنين هم يهرب من الهبوط على مين زعلان

الزبيدي عسكري راح .. العلايا ما رضي بلمقدم والراتب تبعو .. ماهر شفت شو صار معو ..

على مين زعلان انت على الظهير العصري وائل زبداني


ينال أباظة .. غسان معتوق .. كمال عاجي .. عمر العاقل .. معتصم علايا .. وائل زبداني ..

علي موصلي .. باسل الشعار .. مهند خراط ..

هي تسع لعيبة ولاد النادي بأستثناء غسان وينال لكبر العمر


الباقي شو أستفدنا منن

صرلن سنين عم ياخدو مصاري من النادي بس شو عطوا للنادي


خلينا نغير شكل الفريق ونجيب لعيبة جديدة

خلي التمرين يكون فعلا تمرين مو مؤامرة على الفريق وتفشيل الفريق

[bmekhaled]

والله أنا ماني شايف مشكلة بالموضوع منوب
اللي بيلعب بقميص النادي هو ابن النادي و منحطه على عيننا و راسنا
واللي ما بدو الله ييسرله
و اللي كان عنا و استغنى فالله يسعده و يبعده مليون مرة

نظرية ولاد النادي بلعبة القدم بالذات أثبتت فشلها

و موضوع فريق التحويشة ... يا عمي هاد لقب نادي الجيش و بس
و القصة معروفة أنو نادي الجيش كان يسحب لعيبة كل أندية البلد لعنده و يربح البطولات كلها و هاد سبب التسمية
حالياً اختلف الوضع بس مو معنها صار الوحدة التحويشة
هاللقلب لو شو ما صار لزقان بنادي الجيش
هلأ انتقال لعيبنا عالجيش و الشرطة بس أنا بظن أسبابه هو رغبة هالفريقين بسحب لعيبة الوحدة أولاً حتى لو مو لازمينه و تانياً رغبة اللاعبين نفسهم بالبقاء بالشام و بالتالي خياراتهم محدودة

أنا بشوف أي لاعب مستعد يخلص للفريق أهلا و سهلا فيه
بعدين خلينا نشوف دول هالعالم ... يعني فرق عالمية و عندا بطولات مو لاحقة هيك شغلات
شوفوا مثلاً مانشستر يونايتيد (و لتوضيح فكرة مو للتشبيه أبداً) بيجيب أجانب و بيجيب من خارج مدرسة النادي و أبناء المدينة و ما حدا عنده مشكلة
المشكلة صارت بس لما انباع النادي لأميركي ... بس !

[ابو كريم]

تمام أبو الخل
لسى اذا منجيب لعيبة بقلولك فريق تحويشة
يا حبيباتي روحوا شوفوا شو معناة كلمة تححويشة
وبعدين احكو على فريقكن انو تحويشة
واذا ما بدك تتعذب اقرأ رد خالد بتفهم منو شو معناة تحويشة

[وحداوي موت]

اخي هاني اذا انت بتحب اللعيبة اكتر من النادي هدا شي تاني

بس عود بينك وبين حالك
قران لعيبتنا بغير لعيبة

شفلي كل اللعيبة يلي راحت من النادي شو قدمت للفريق


وعطيني النتيجة

وقت عم يصير مشاكل بلنادي اول لعيبة ما بتتمرن هنن ولاد النادي

كل المشاكل شوفها ولاد النادي بيساووها هنن
كل المدربين يلي طفشوا ولاد النادي طفشوهن

بقا الله يرضى على اسمك لا تقلي نادي وولاد النادي

هلا الحمد لله عندك الجيل الجديد
ياسر شوشرة وعلي رحال والموما وخربين والعجان هدول يلي بينشد الضهر فيهن لانو كلن أوادم ومهذبين

الحمد لله ما تعلموا الفساد من اللعيبة الكبار

[khaldoun-sy]

بالنهاية الآراء كتيرة على هالموضوع بين مؤيد ومعارض، بس في شغلة مهمة جدا أنو نحن مع النادي وأحمد قوطرش ونزار محروس (مع حفظ الألقاب) لأبعد الحدود لأنو في عمل دؤوب وشغل متواصل لنادي الوحدة.. وما حدا يزعل على أي لاعب وإنشاء الله منشوف فريق على مستوى عالي.
وفي نقطة حلوة أنو كان في متابعة للاعبين من فرق الدرجة التانية وهي بتدل على خبرة ومتابعة وشغل، بقا توكلوا على الله وقولوا بسم الله ومعك يا وحدة

[صقر قريش]

لسه ولاد النادي ولاد النادي
خلص بدنا لعيبة ماتعرف بعضها
تحط راسها بالتمرين وتسمع الكلمة
وتشغل متل ما الله اراد لحتى تقبض معاشها
وترجع على بيتها من تم ساكت وبس
ومستواها يلي بيخليها تزل عالملعب مو مؤامراتها

[عمار عبار]

شو بدي اتذكرك يا سفرجل
كل عضة بغصة:mrgreen:

[هاني]

لك والله معكم حق ياشباب لا تلوموني بس والله شي حلو وئت بكون جل لاعبي الوحدة من الشام مو كل لاعب من محافظة لآنه هيك لاعبين مافيك تحافظ عليهم فترة طويلة وأنا كل كلامي من حرقت قلبي ليش مابكون فريقنا من شامنا شام العز وآسف عالموضوع

[ابو احمد]

من يلعب بإخلاص للنادي هو ابن النادي
ولو كان من نيكاراغوا

[وحداوي موت]

لك والله معكم حق ياشباب لا تلوموني بس والله شي حلو وئت بكون جل لاعبي الوحدة من الشام مو كل لاعب من محافظة لآنه هيك لاعبين مافيك تحافظ عليهم فترة طويلة وأنا كل كلامي من حرقت قلبي ليش مابكون فريقنا من شامنا شام العز وآسف عالموضوع



اذا هدا المقصود بكلامك فكلنا معك
بس رح وضحلك المشكلة باختصار

قواعدنا سيئة جدا جدا هل شي بيتطبق بلأتحاد والكرامة بس عنا للأسف لا

بس في برنامج جديد عاملو الكوتش نزار على فرق القواعد ورح يكون مستلم فريق الشباب مساعدو الأول فواز مندو

هيك بيصير عنا فريق شامي من قواعد النادي بعد فترة سنتين او تلاته

بس حاليا لا اخي مستحيل يصير هل شي

[love barca or die]

غير مأسوف على دهابهم

[سامي حرح]

حاج نزيف بأبناء النادي
--------
حاج حكي فاضي...

[وحداوي_موت]

لا تعليييييييييق

[wahdawi-alsham]

كل اندية البلد بتجيب لعيبة من غير محافظات عادي , بس يفضل يكون القسم الاكبر من ولاد النادي

[جيرارد]

سيدي المهم مصلحة الوحدة اهم من اي شي او من اي لاعب
وكل التوفيق للوحدة وبس

[محمد قطاش]

ياأخي كل يلي راح ما بينزعل علية لأنو يروح أحسن ما يضل ويلعب بلا نفس ولا تسدأ انو فية لاعب منيح والادارة الموجودة حاليا مع المعلم أبو حامد يفرطو فية وهنن عم يعطو كل واحد متل ما بيستاهل

[عيون برتقالية]

هلا الحمد لله عندك الجيل الجديد
ياسر شوشرة وعلي رحال والموما وخربين والعجان هدول يلي بينشد الضهر فيهن لانو كلن أوادم ومهذبين



نسيت الأومري أبو عمير :mrgreen:

[f.torres]

المهم يكون فريق قوي بغض النظر عن الاسماء

[علي1991]

ولله الكل عم يحكي صح بس اذا بدك تكب لاعب بدك تجيب لاعب احسن منو اذا مو احسن منو متلو

[MHDFA]

كلو خير .............

[wahdawi4ever]

معلم هلئ مو فارقه بطولات عطيني وبالبحر رميني ابناء النادي ولا مو ابناء النادي المهم الالقاب

[فادي النابلسي]

ياسيدي نحنا لما أخدنا الدوري والكأس كان عنا كتار من برات النادي ..الجمهور بيعرف شي أسمو نتيجة وبس ومع هيك وائل لاعب ماشي حالو الله يسرلو

[Orange Blood]

بالتوفيق للبرتقالي