السيد مع الجيش لثلاثة مواسم قادمة

[samersabsoub]

http://www.syrian-soccer.com/photo//soccer-jaish11-7-2010-maher-4c3b1fb888077.jpgنجحت إدارة نادي الجيش في الاتفاق مع قائد المنتخب السوري ونادي الجيش ماهر السيد للعب في صفوف النادي لثلاثة مواسم قادمة.
ويتضمن الاتفاق شرطاً يمكن السيد الاحتراف خارج سوريا في حال تلقيه أي عرض على أن يدفع مبلغاً مالياً للنادي لقاء ذلك.
وسيوقع الاتفاق رسمياً بين الطرفين فور صدور الصيغة الجديدة للعقود الاحترافية من اتحاد الكرة .
ويعتبر السيد ابن الثلاثين عاماً من أبناء نادي الوحدة وأحد أبرز نجوم الكرة السورية في العقد الأخير مثل المنتخب في (105) مباريات ولعب لأندية الوحدة والجيش حالياً وأحرز معهما العديد من البطولات واحترف مع النصر الكويتي 2002 و2003 .

[هنو]

الله ييسرلو

كنت بتمناه معنا او ع الاقل لاعب متل مهارتو بارض الملعب فقط

[maxteero]

الله يسرلو

وأخيراً خلصنا من هالقصة

والشباب يلي عنا بأذن الله بيعملوا أحسن

[AMIN]

اي منيح يتهنو

[طارق الغبرا]

الحمدلله الحمدلله الحمدلله

[طارق الغبرا]

الوحدة أكبر من أي لاعب

[أبو عرب]

hahahahahaha
darb ysed ma yred
go to hell

[الوحدة اولا أحد]

خبر عودته الى النادي عمل فتنة بالمنتدى بين الاعضاء
وهلأ متل ماقال ابوعرب درب يلي يسد مايرد

[WALID STAR]

مع السلامة

[bmekhaled]

خلصنا أخيراً

[فادي النابلسي]

يعني الواحد مافي شي يقولوا غير كلمة (ياخسارة )

[MHDFA]

مع السلامة والدرب سلطانة

[ابو احمد]

خسارة كبيرة هيك لاعب مايكون بالنادي

[رامي الوحداوي]

الحمد لله يلي خلصت هالقصة

[أبو الياس]

أنا تعليقي على مصداقية المصدر... ومصداقية الموقع هون
من فترة كانوا المشرفين جازمين بالانتقال وناشرينو كخبر موثوق
هلأ شو صار؟ فينا نثق شي بأخبار المنتدى شي؟

[عمار عبار]

أنا تعليقي على مصداقية المصدر... ومصداقية الموقع هون
من فترة كانوا المشرفين جازمين بالانتقال وناشرينو كخبر موثوق
هلأ شو صار؟ فينا نثق شي بأخبار المنتدى شي؟

الزلمة اتفق مع ادارة النادي انو يرجع
وطبعا ما وقع عقد لانو العقود موقفة حاليا
ورد غير رايه ورجع جدد للجيش

فالعلة مو بالي نقل الخبر
العلة بلي عم يوعد ويخلف

[Orange Blood]

بالتوفيق للبرتقالي

[طلال عباس]

زلمة مذبذب وصاحب عي ومشاكل هو اخو من يوم يومو دري يسد ما يرد

[ميت على قيد الحياة]

شكرا ايها السيئ
شكرا لانك بعدم عودتك حافظت على كرهنا لك وحافظة على وحدة الصف الوحداوي
والوحدة اكبر منك اذهب فامثالك غير ماسوف عليهم احضان السويدان با نتظارك
واطلب من اعضاء المنتدى عدم ذكر سيرة السيئ وان حصل فلا يتم ذكر انه من ابناء الوحدة لان نادينا لاينجب الخونة

[أسامة الوحداوي]

الله يسعدو ويبعدو

[هاني]

حاج تقولو ياخسارة على شو يا خسارة زلمة خاين لناديه ولجمهور ناديه منقول عليه ياخسارة
أول الموسم الماضي كتير عالم نزلت بساحل ماهر لآنه وقع للجيش وطبعآ بلش ماهر يدافع عن حاله بأن أدارة النادي بتلك الفترة لا تريد لاعبين أعمارهن عالية لذلك وقع للجيش وطبعآ أنا لم أقتنع بحجة ماهر ولكن آلت بكرى بذوب الثلج وببان المرج مع عودة نزار محروس واذا كان كلام ماهر مظبوط أكيد لح يرجع للوحدة بعد أنتهاء عقده أما الآن بما أنه لم يعد ولا يوجد مانع من عودته الى ناديه يلي ساواه زلمة وفضل نادي الجيش والعسكر على ناديه وجمهوره لذلك لا تقولو حرام على هيك لاعب هيك لاعب حرام ينزعل عليه خليه بحضن حسن سويدان أحسله نحن بدنا لاعبين مخلصين للوحدة وليس لاعبين بتحب المصاري والمصالح الشخصية

[محمد سكر]

الحمد لله يعني ماعاد نشوف وشو بنادينا منوب لأنو بعد 3 سنين بكون خلص كازو نهائياً :chee2 خلصنا من صاحب الفتن والشللية ويلي مابهمو غير المصاري :!: وخلي نادي التحويشة يعملو مباراة اعتزال كونو فضل ينهي مسيرتو عندهم بس ياعيب الشوم وياهيك الوفاء والاخلاص يابلا ؟؟؟؟

[ابن الصالحية]

الحمد لله خلصنا من هالسيرة
ان شاء الله بيطلع عنا احسن منو

[الكتلوني]

بااااااااااااااااااي ماهر

[wassim80]

لاتخافو ياشباب , والله يلي طلع السيد والمحملجي وغيرهم قادر أنه يعمل غيرهم كتير

من قلبي مبسوط عالخبر


على الهامش.....
مبارح شفت لعبة منتخب سوريا vs مصر للشباب (ودية)

ولما نزل اللاعب رقم 8 (أسامة أومري) بالشوط التاني غير اللعبة بشكل كامل
سريع ومراوغ وعمل مشاكل كتير لدفاع المصري لاعب عم ينتظره مستقبل رائع "وبكرة بتقولو أبو كريم قال":chee2

[wassim80]

وخلصت اللعبة 1-0 لشبابنا (مع أنه الفريق المصري مستعد بشكل هائل ومعسكرات وتدريبات الخ...)

والله فريق ازا بيشتغلو عليه غير شكل:chee2

[وحداوي_موت]

الحمد الله خلصنا من هالقصة

[ضياء الدين]

سبحانك يارب الحمد لله
ارتاح وريح
وإن شاء الله بيعتزل هنيك وما منشوفو برتقالي


الزلمة اتفق مع ادارة النادي انو يرجع
وطبعا ما وقع عقد لانو العقود موقفة حاليا
ورد غير رايه ورجع جدد للجيش

فالعلة مو بالي نقل الخبر
العلة بلي عم يوعد ويخلف


هي العشم فيه للسيد أفندي
يعني شو متوقع منو غير هيك