نتائج اجتماع مجلس الادارة.......

[wahdawia.net]

استمر الاجتماع الذي عقد مساء أمس لمدة ثلاث ساعات و نصف
و بعد وقت طويل من النقاشات قرر مجلس ادارة ننادي الوحدة مايلي:

1- تنبيه كلا من عمر العاقل و عمر خليل بسبب تصرفاتهما الغير
مسؤولة بالفريق .

2- ايقاف حسين قيشاني حتى اشعار آخر بسبب سوء سلوكه و تعامله .

3- خصم 25 % من راتب كل لاعبي الفريق الذين شاركوا بالاربع مباريات
السابقة بالدوري .


فيما لم يرد شئ بخصوص المدرب الذي فيما يبدو جددت الادارة الثقة به
على أمل التعويض بالمباريات القادمة .
يذكر أنه سارت شائعات مفادها أن ادارة النادي استغنت عن خدمات المدرب
كوستيكا و لدى اتصالنا بعدد من اصحاب القرار بالنادي لم يؤكد أحد هذا
القرار و تركوه لاعضاء مجلس الادارة في اجتمعهم يوم امس ....

[wissam82]

إن شاء الله هالعقوبات تكون رادعة ومفيدة للفريق ككل ..

ولازم كمان يكون فيه مكافأت للاعبين يلي بيجتهدوا وبيعطوا كل شي عندهم بالملعب .


وأهم شي بالاجتماع منح الفرصة لكوستيكا لانه فعلا الاستقرار الفني والإداي هو الأهم وظروف التحضير كانت صعبة وكان رح ينظلم بهيك قرار

فهلئ إن شاء الله بيثبت نفسه مع الفريق وبينجح كل النادي ...

[samersabsoub]

فرصة كوستيكا جيدة.....
بس شو عمل حسين قيشاني ؟؟؟؟؟؟؟؟؟؟؟؟؟؟

[فراس الوحداوي]

والله هالادارة فهمانة وعلى عيني وراسي

[حسان الحسيني]

هنن ادرى بالوضع
بس ممكن كجمهور نعرف شو عمل حسين قيشاني
وشوهية تصرفاته الا مسؤولة

[nebomrj]

هاد التصرف الصح
من ادارة واعيه ومحترفة
لأنه اكبر غلط الأستغناء عن المدرب حاليا
كل التوفيق للوحدة الغالي
وكلنا وحداوية شو ما يصير

[عمر نصري]

بس خبرونا سبب كل العقوبات

عمر خليل

عمر عاقل

حسين قيشاني

[ديدو84]

بالناقص من القيشاني وياريت يفصخوا عقدو بفرد مرة

[سامو]

أول شي ليش ما شفنا للعاقل بالمباريات , بكل الأحوال بدنا نعرف شو عملو العمرين الرائعين
بالنسبة لحسين شو ما عمل بضل أحسن من العلي و الأقرع

[M-AL MN@GED]

برابو إدارة والله عم يشتغلوا صح ياجماعة
الله يعطيون العافية

وأكيد الشباب رح يرجعوا لمستواهون المعهود

[Zizou]

طيب فينا نعرف شو عملوا اللاعبين المعاقبين مشان غذا شفناهم بالطريق و بزقنا بنص خلقتهم نعرف ليش عم نبزق ؟؟؟؟

[wissam82]

هلئ حسب المكتوب المعاقب فقط هو حسين قيشاني ...

اما عمر العاقل وعمر خليل فوجهولهم تنبيه ,,

يلي عنده علم ليش تعاقب حسين وليش العمرين تنبهوا يخبرنا ...

[Ammar Alfarawati]

اووف هلا سبب خساراتنا هنن عمر خليل وعمر عاقل ولا حسين :b(

[أبو الياس]

ليش الإدارة عاقبت كل يلي كان عم يلعب؟؟
في منهم لعب من قلب ورب طول المباريات الأربع
هل جزاء الإحسان إلا الإحسان

عجبي عليكي يا إدارة

[حمودي اليوفاوي]

شو ما عمل حسين قيشاني فهو متوقع منو
بعد اللي شفناه منو الموسم الماضي

[messi]

وشو دخل كنان ديب وياسين الأقرع باسل العلي ؟؟؟؟؟

[M o H a M e D]

ياريت يتم العمل بمبدأ الثواب و العقاب بنفس الوقت ..

على كل الله يقدم يلي فيه الخير ..

[<IBRAHIM>]

بتمنى عدم التساهل مع القيشاني بالذات لانو الشي يلي عم نسمعو عنو مو معقول

[ABOU MALEK]

حسين قيشاني ***********************

اللي كان معنا السنة الماضية بيعرف هالشي و الله ستروا من جمهور تشرين

[مستر مدريد]

3- خصم 25 % من راتب كل لاعبي الفريق الذين شاركوا بالاربع مباريات
السابقة بالدوري .



طيب في لعيبة ادت يلي عليها و الله حرام ينخصم منها

[anas kamleh]

منتمنى من الشباب يكونو محترمين ، وما يكون في الفاظ خارج نطاق الادب خاصة انو اللعيبة اولاد عالم وناس ،
وبتمنى من المشرفين يحزفو التعليقات المسيئة بحق اللاعبين

[الرومانسي الحزين]

منتمنى من الشباب يكونو محترمين ، وما يكون في الفاظ خارج نطاق الادب خاصة انو اللعيبة اولاد عالم وناس ،
وبتمنى من المشرفين يحزفو التعليقات المسيئة بحق اللاعبين



هاد الكلام الصح
وبالنسبة لحسين عقوبة بسبب شتم الاداراة

[wassim80]

هلئ أبو مالك بصراحة معو حئ أنو حسين غير متزن ولا يستطيع كظم غيظه باللادئية كان حيضرب الإدعشري ومسكوه اللعيبة وسب علينا وصرخ بعالي الصوت ...


بالنهاية هاد لاعب رياضة ولازم يكون شوي متزن أكتر من هيك ورغم هيك نحنا نسينا تصرفاته لأنو بالنهاية ابن الوحدة وبيلعب بكثير من المباريات إن لم نقل أغلبها من ألب ورب ..................

الله يسامحك ئيشاني علسنة الماضية .......


ونحنا معك ومع كل اللعيبة ومنشد أزركون ؟؟؟

بس شو عامل مابعرف بس ممكن يكون أسائ مع حدى بالفريئ أو المدرب والله أعلم ؟؟؟؟؟؟؟؟؟؟؟


عمومآ مشكلة الئيشاني إنو ماعندو كونترول منيح عنفسو

[rami832]

برافو ادارة

[kashi]

تصرف جيد من الادارة وانشاء الله خير

[أحمدهريدي]

من أول خسارة كان لازم تطلع هل قرارات