لو كنت رئيس أي نادي رياضي بأي بلد ماذ تفعل لو....

[هنو]

لو كنت رئيس نادي رياضي ( أي نادي بأي بلد )

و انتهى الموسم الرياضي و لديك ألية عمل ناجحة من البداية وجميع أو أغلب لاعبيك موقعين لك لسنوات قادمة

فجاء فجأة احد اللاعبين و أخبرك انه لايريد الاستمرار معك
بل لديه رغبة باللعب لناد آخر
فماذا تقرر ولاعبك هو ملك ناديك لسنين قادمة

 - البقاء عليه بناديك واشراكه وكأن شيئا لم يكن وكأنه لم يقل شيئا

 - البقاء عليه و عدم اشراكه ابدا (حرقه)

 - بيعه بسعر معقول

 - اعارته لمن يرغب اللعب معهم واعادته لاحقا

[bmekhaled]

مع إني ما عم أفهم شو هالمربعات اللي عم تطلع بكل مواضيعك عمي هنو

و مع أنو هالموضع جلطني من اللي بدك تقوله بعده أكيد

فالخيار عندي
2

و اللي بدو يستفيد من الوحدة و بعدين يكبه ورا ضهره فشرت عينه مين ما كان يكون

إن شاءالله يكون اخي
الوحدة اكبر منو و من أي علاك بدو يتكبر على النادي

[هادي2]

أخي هنو رح قلك اني مع اعارة اللاعب وهاد الشي حتى استفيد منو ماديا
تاني شي وقت بتخلص مدة الاعارة بشوف اذا كنت بعدني بحاجته وقتها برجعو على النادي واذا ما كنت بحاجة خدماتة وقتها اما أن يتم بيعه نهائيا أو بجدد اعارة وهيم بكون استفدت منو أكبر قدر ممكن

[Salloh]

بحرئوا وبحرء الأرض من تحتوا
لأنو الموضوع مالو ولدنة ولعب ولاد صغار ساعه بدي وساعة ما بدي

بس بما انو عالأغلب اللاعب إلي عم تحكي عنّو مكلّف هديك الحسبة
وبيقبض بالشهر المبلغ الكبير الفلاني
بعيروا لسنة وبرجع السنة الي بعدها بحرئوا وبالسنة التالتة بكبو برّات النادي

[وحدة قدم و سلة و طائرة]

ليكون قصدك على قصي حبيب ؟؟؟؟؟؟

برأيي نعيروا للشرطة لمدة سنة واحدة قابلة للتجدبد لسنة أخرى ( بيكون خلص عسكرية )
بالمقابل بيحصل الوحدة على مليون ليرة سنويا ً و لاعب أو لاعبان ( ناشئين أو شباب او رجال )
بمبداء الأعارة لنفس المدة


أو



خلونا نبيع قصي ب 6 ملايين ليرة ليش لاء
( رغم أنو مو من قلبي و بتماناها ما تصير )



:holland_team :holland_team :holland_team


هوووووووولندا و بس

[wahdawi4ever]

والله اذا مبلغ محرز بيعوا وبجيب احسن منو لان ما رح يعطي شي بهل السنتين ومبين ماعندو انتماء للنادي

بئى لشو لحتى خليه وادفعلو وهوه ما عم يعطي شي للنادي لا بيعوا وبستفيد من حقوا

وبيروح محب بيجي الف مشتاق

[bashardo الوحداوي]

اذا بيدفع الشرط الجزائي ويلي لازم يكون ثلاثة اضعاف عقده الله معو والقلب داعيلو هاد اذا كان في شرط جزائي

[وسيم م]

أنا برأي المبدأ التجاري بيقول

أنو نحنا نعيير النادي يلي بدو ياه بمبلغ معقول و لسنتين مثلاً و بعدين نستردوا يلعب معنا سنة و بعدين نبيعوا

هيك بنستفيد منو اقصى فترة ممكنة

[صقر قريش]

دويخة هالصيفية
لك بيقانلنا شوية جهل وتخلف بدهم يخلصونا ياهم
لك خلص يحلوا عن قصي
والله يعين هالادارة

[sameer.adawi]

بيعوا واستفيد من حقوا واعتبروا ما كان من اساسو

[وحداوي انا]

اذا لاعب كبرتوا وتحملتوا وساويتوا نجم ولسعتوا صغيربلسن

فاكيد رح ازعل كتير وخصوصا اذا بحيبوا الجمهور ورح ازعل

اكتر اذا انا بحبوا شخصيا

لذلك انا بفضل عيروا لمدة سنة على الاقل

[أبو شام]

أنا مو مع الاعارة منوب ..
يا ابيض يا اسود ..
ما بدها الشغلة لعب ..
متى ما راح يعني راح ..
يا بيروح بلا رجعة ..
يا بيضل ع طول ..
انا بحبو لقصي وبعرف ظروفو ..
بس اكيد بحب النادي اكتر

[نستول]

بيعوا واستفيد من حقوا واعتبروا ما كان من اساسو
هاد الحكي الصح الصح الصح

[محمود الصفدي]

يا شباب أذا كان المقصود هو قصي لازم ما نستغني عنه بيسهولة

[mmrdem]

انا مع مبدء الاعارة قصي محكوم بالعسكرية وفي ناس عمتتغرب خمس سنين مشان العسكرية بس لهيك انا بشوف انو نعيرو سنتين وبعدين بيرجعلنا شرط يوقع عقد معنا لمدة طويلة لانو اللاعب صغير وامكانية الاستفادة منو كبيرة بالمستقبل ولا تنسو كلام الكابتن نزار اللي قال انو قصي عمبينصاب لانو بلش اللعب وهو كبير لهيك هو بحاجة لمزيد من التدريبات ليصير بالفورمة وهيك خليه يقضي هالموسمين بالشرطة احسن مايقضيون عنا وهو مصاب وانا ضد الاجبار باللعب وخصوصي مع لاعب متل قصي

[SH@@MI]

إعارة


.

[الكتلوني]

لا أعارة ولاشي مابدو النادي الله مع دواليبو النادي مابيوقف على لاعب

[لؤي الصالح]

انا مع اعارة اللاعب والحصول على مقابل مادي لقاء ذلك
خلي النادي يستفيد شوي ماديا وبس تنهي الاعارة اما بتم تجديدها او بيع اللاعب او اذا كنا بحاجة للاعب بيبقى معنا
بحياتي ما سمعت انوا نادي الوحدة اعار لاعب او باع لاعب وقبض ثمن انتقالوا
دايما منخسر لاعبينا بسبب انتهاء عقودهم وبالتالي بيروحوا ببلاش.
شوفوا نادي المجد قديش صار عامل مصارى مو ورا لاعبينوا وخصوصا رجا رافع