اااااااااااااااااااااااه يا وحدة [الأرشيف]

مشاهدة النسخة كاملة : اااااااااااااااااااااااه يا وحدة

الرومانسي الحزين

10-19-2007, 09:51 PM

بعد كل خسارة تقوم القيامة بالمنتدى ونبدا بالمطالبة براس اللاعبين والاداريين ونظرا لوجودي ضمن لجنة التنظيم قررت ان اقف في موقف المحايد ولكن اليوم انا لا اريد لا اللجنة ولا الرابطة ولا اي شي بالدنيا انا بدي احكي الوجع ويلي بدو يوقفني يوقفني ويلي بدو يزعل يزعل ويلي بدو يسبني يسب مسامحين
غسان معتوق ليش ماعم يلعب (لغاية في نفس يعقوب ) وانا بالنادي وشايف وما عم اتغيب الا للضرورة القصوى
عمر العاقل لاعب شوط واحد ليش ما عم نستفيد منو
كمال العاجي افضل بديل بنادي الوحدة وينو ( اتذكرو ايام نزار ونيناد وقت كان ينزل ويجيب اهداف حاسمة)
الشوشرة لاعب الشباب الذي اثبت موهبتو بالتمرين
ايمن الخالد صاحب اللمسات الفنية وافضل محترف تعاقدنا معو وينو
عمر خليل حمل الفريق على اكتافه الموسم الماضي وكان افضل لاعب ( جماعة ماهر لا تزعلو من الحق)
احمد الخالد اسرع لاعب بالفريق وينو
كنان ديب هداف تشرين واللاعب الشاب ليش بغير مركزو عم يلعب

كل هالاجوبة بتلاقوها عند حسام السيد واخوه ماهر ويلي بدو يناقش انا جاهز
ماهر شو عمل الموسم الماضي وشو عمل بهالاربع مباريات ( مع احترامي لايام نجوميتو )
حسم السيد اتعاقدت مع لاعبين ليش ماعم يشاركو وقلت بدي العب بالشباب وينهم

كلام من قلب الفريق ولنجوم لامعة لازم كل باص لماهر لازم كل تمريرة لماهر لازم كل ضربة ركنية لماهر
معناها نحنا عن نلعب بلاعب واحد بالملعب
بمركز ماهر الاساسي بيلعب عمر خليل وايمن الخالد وبشرفي الاتنين مستواهم هالايام احسن من مستوى ماهر يلي متراجع كتير
لك ليش ما عنا الجراة لنحكي لايمت بدنا نخاف الكل سكت عن مشكلة غسان يلي هو جمع اللعيبة قبل الدوري وقت ما كان لافي اداراة ولا مدرب مشان اللياقة امتى هالحركة بعصت العالم بنلاقيه برا عالسكور عم يادبو مسان بحياتو ما يرفع راسو هاللاعب
بس بيبقى الوحدة كبير واكبر من كل هالاسماء يلي عم نحكي فيها
اكبر من نزار ومن نيناد ومن ماهر ومن حسام ومن غسان ومن الدكتور ممتاز لانو الوحدة باقي وكلهم راحلوووووووووووووووووووووووووووووووووووووووووووووو ون
اسف على الاطالة

zhoor

10-19-2007, 10:01 PM

http://www.9m.com/upload/17-09-2007/0.25301189985168.gif

فعلاً عمي هادي الاعتماد بالملعب ع ماهر أكتر من 70 % لكل هجمة .... وعن اللعيبة اللي ذكرتها كلها ثقتي فيها كبيرة واللي جالطني بأرضي انو ما عم نحصد نتاج هالثقة لسوء استثمار قدراتهن بالملعب .........

10-19-2007, 10:01 PM

اولا مرحبا هادي
تانيا احمد الخالد لعب مبارايتين ونص من اصل 4 لعب وما غاب غير عن لعبة الاتحاد
تالتا مسألة الضربات الحرة انا معك انو ماهر مو هاللاعب الفلتة بالطابات الحرة بس بسوريا كلها مافي لاعب بيعرف يلعبها وخلينا نحكي عن فريقنا مين برأيك بيعرف يلعب ضربات حرة غير ماهر
رابعا ماهر السيد اداءو مالو سيء متل ما عم توصفو وحسب حكي الغريب قبل القريب
خامسا اتهامك لحسام وماهر انو هنن وراء عدم مشاركة غسان وانو حسام بيحط التشكيلة عكيفو فهل عندك ادلة على هالحكي واثباتات على هالشي
لانو اتهام العالم جزافا ذنب كبير والله صعب يغفرو وياريت ما نكون مقلدين لكلام الاخرين ونردد يلي بيقولوه
وتقبل تحياتي هادي وبرجع بقلك اذا ما كنت متأكد من اتهاماتك فانك تتراجع عنها اذا مو مشان النادي فمشانك لاني متل ما قلتلك الظن بالعالم اثم كبير
وماتنسى شو قال سبحانه وتعالى "ان بعض الظن اثم"

الرومانسي الحزين

10-19-2007, 10:08 PM

ابراهيم ولاول مرة راح اكتبها هون بالمنتدى انا صديق مقرب من غسان وابن عمي عضو ادارة يلي هو السيد بسام وكلامي عندي ادلة عليه فوق ما تتصور واكبر دليل اي شب بينزل عالتمرين او شاف لعبة الهلال السوداني انو غسان افضل بكتير ولياقتو صارت عالية جدا وبس سالت السيد كوستيكا عن غسان كان جوابو لسا مو جاهز فنيا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وعمر خليل يلي عم قلك افضل من ماهر فيك تسال ايمدرب وطني او اجنبي بسورية عن عمر خليل وهو بيجاوبك مافي شي مخبا

10-19-2007, 10:21 PM

ما بعرف هادي انا ما قلتلك حكيك خطأ لاني بعيد عن البلد وما عندي اي فكرة
بس ياريت بهل الحالة يصير لقاء مع غسان هون بالمنتدى بما انو صديقك ويقوم بتوضيح هالشي ونسمع رد كوستيكا عالكلام

WASSEEM

10-19-2007, 10:24 PM

أخي هادي تحية
معنى كلامك ان الادلة التي لديك هي مستسقاة من السيد بسام صباغ
و الكابتن غسان معتوق ؟؟؟؟؟؟؟

الرومانسي الحزين

10-19-2007, 10:26 PM

اي نعم ومن عيوني يلي عم شوف فيها التمرين يا وسيم

الرومانسي الحزين

10-19-2007, 10:32 PM

سيد وسيم ليش ما عم تحكي بالشي يلي عم تشوفو بالتمرين اذا عم تنزلو بس انا راح قلك شو المشكلة اذا حكينا بدنا نزعل العالم انزلو عالتمرين واتفرجو يا عالم روحو شوفو شو عم يصير بالسلة او بالقدم تطفيش اللاعبين حسب امزجة البعض وفهمكم كفاية

wissam82

10-20-2007, 04:33 AM

أخي هادي تحية
معنى كلامك ان الادلة التي لديك هي مستسقاة من السيد بسام صباغ
و الكابتن غسان معتوق ؟؟؟؟؟؟؟

http://www.wahdawia.net/vb/images/orangeblack/misc/progress.gif

اي نعم ومن عيوني يلي عم شوف فيها التمرين يا وسيم

بدون تعليق ....... :?

حسان الحسيني

10-20-2007, 04:44 AM

بتعرف هادي
هل بينت انك غشيم
مع الاحترام الك
:neutral::neutral::neutral:

حسان الحسيني

10-20-2007, 04:45 AM

كان لازم بدل ماتجيب اسماء تجيب صور او حتى فيديو للتمارين وتثبت هل الشي
عرفت وين غلطة الشاطر
وانا بئلك لسة عندك كتير احسن
من يلي عم يلعبو وملحوشين برة

وحداوي موت

10-20-2007, 07:34 AM

والله يا هادي اذا بتحكي كل شي بيصير بلتمرين منكون ممنونينك
لانو نحنا باخر الدنيا وكل الاخبار والمعلومات يلي عنا من المنتدى

EmadAsfour

10-20-2007, 08:14 AM

هو فعلا
الابتعاد بالاعتماد على عمر وغسان ؟؟؟؟؟؟؟؟؟ لماذا

messi

10-20-2007, 06:37 PM

بالنسبة لغسان انا بأيد هادي مية بالمية

هاللاعب نزل مستواه متلو متل ماهر بس ما صبروا عليه
انا مو ضد ماهر والله وبحبو من كل قلبي بس هي شغلة المراكز صفيت شغلة المدرب

برأيي انو نرجع نشوف عمر خليل وغسان معتوق طالما نحنا عم نجرب ونجرب
وبالنسبة لأيمن الخالد هيك لاعب ممكن نستفاد منو بشوط وبالشوط التاني ممكن كنان ديب الرااااااائع
واحمد الخالد برأيي يضل اساسي

يمان القدة

10-20-2007, 06:57 PM

من زمان احكي لسا بتسايرلي هل الناس وبعدين

حسام الوحدة

10-20-2007, 08:17 PM

ياشباب حبوا فريق الوحدة ككل وليس من اجل لاعب او لاعبين حاولوا نكتشف أخطاء الفريق كامل مو نتعاطف مع هاد وهاد بالنهاية هي اللعيبة كلها رايحة ومابيضل غير اسم الوحدة

عاشق دمشق

10-20-2007, 08:54 PM

والله حكيك يا هادي صحيح ومبارح لما قلت انا مو بس نبيل سبب الخسارات وانو ماهر متراجع مستواه كتير كلامي ماعجبون بس لانوا الناس ما بتحب الحقيقة

الرومانسي الحزين

10-20-2007, 09:43 PM

شكرا سيد وسام على مسخرتك على تعليقي وكلامي وبالفعل يا حسان انا غشيم لانو بنزل عتمرين فريق بحبو رغم مالي اي منصب بهالمنتدى بس كرمال انقل الحقيقة للعالم ويمان القدة حبيبي انا ما بساير حدا بس واخيرا طق عرق الجنان براسي من هالعالم يلي شايف بس حاطة منخل على عيونها لانو بجد يلي بدو يدعي بانو بحب النادي يورجيني حالو شو عم يعمل لهالنادي لك بس اااااااااااااااااااااااااه من هيك منتدى الكل لازم يكون فيه على راي واحد لانو اذا لم تكن معي فانت ضدي وعاشق دمشق على راسي حبيبي لانو بالفعل قلال يلي متلك
وبحب اشكر الوحداوية يلي فعلا وحداوية بكتابتهم وبافعالهم واولهم حسن عودة المغترب وابو عمر يلي اصلو من حماة وعامر ال رشي بالامارات هدول عينة مو الكل بس هدول زكرتهم لانو ابعاد عن النادي بس قلبو بالنادي مو متلنا بيتنا قدام النادي وعلى المباراة ما بنجي

أبو عمر الحموي

10-20-2007, 09:51 PM

على راسي يا هادي

في نقطة بدي احكيها لك وين جمهور الوحدة لما بتكون اللعبة برا الشام ؟؟

حمودي اليوفاوي

10-20-2007, 10:26 PM

هلأ ايمن الخالد صار احسن واحد تعاقدنا معو هالموسم ؟؟

ايه بشرفي .. بلعبة الاتحاد اللي لعب فيها اساسي
والله ما شفتو لحامل الرقم 7 ( ايمن ) الا وقت تم تبديله بالدقيقة 70
بلعبة الجيش ما كان احسن بكتير
ومنيح انو صار احتياطي

غسان معتوق لاعب محبوب جماهيريا متلو متل ماهر
بس في كمان الشاب محمد زبيدي عم يتألق ..
بس بما انو عم تقول انو غسان صار جاهز فنيا .. فيا ريت يكون اساسي بلعبة جبلة .. لنشوف الجاهزية الفنية لوين وصلت .. والاحق باللعب بيلعب

اما بخصوص ماهر ..
ماهر صحي مو بمستواه
بس هو باسوأ حالاتو .. = افضل لاعبي الوحدة
يعني مثلا بلعبة الجيش ما كان بمستواه .. وبلمسة سحرية صنع فرصة انفرادة لنبيل الشحمة مع الحارس

وبلعبة الاتحاد ..كمان ما كان بمستواه منوب .. = بس كمان بلمسة سحرية صنع فرصة لنبيل الشحمة على مبدأ ( صدق او لا تصدق ) الفرصة اللي انفرد فيها نبيل الشحمة بالشبك مو بالحارس لانو الحارس كان واقع

وبلعبة الكرامة .. الشوط الاول .. ماهر السيد كان نجم الشوط الاول
فهو كان افضل واحد متحرك .. وهو اللي رفع الرفعة المتقنة لنبيل الشحمة وعلى راس نبيل .. بس نبيل طيرها كالعادة
وهو مرر تمريرة بالكعب (بشكل جميل ) لمحمد زبيدي .. وسددها محمد بجانب القائم الايمن

وحتى افضل مدرب سوري ابو شاكر .. حكى لقناة الart بعد اللعبة
" ماهر السيد في الشوط الاول رغم المراقبة التي وضعتها عليها .. قام بازعاج دفاعاتنا .. وفي الشوط الثاني

wassim80

10-20-2007, 11:10 PM

يسلم تمك ياحموده
وطول بالك أبو الهود وخصوصآ عماهر واللهي أنا سمعت إنو نفسيتو من سيئ لأسوئ ياجماعة ماهر السنة الماضية عانى كتير وهي السنة هية الأسوئ للآن بتاريخ تواجدو بالنادي وخصوصآ مع النتائج يلي حئئناها لهلئ ؟؟؟؟؟؟

يعني ماهر بيضل ماهر والدهب لو توسخ بيضل دهب ..................

أبو عمر الحموي

10-21-2007, 01:57 AM

حمودة بعتذر منك يمكن معك حئ بلعبة الاتحاد

بس بلعبة الجيش ايمن كان احسن لاعب وبشاهدة كل يلي كانو بالملعب وانا واحد منون

وبالنهاية ان شاء الله الافضل رح يكون على ارض الملعب

Abu Waseem

10-21-2007, 07:12 AM

لك آاااااااااااخ آاااااااااااااخ من جمهور الوحدة
والله يا أبو مالك وينك؟؟ رحت معي يمكن 6 سنين تانيات لتابع فريق القدم الفلتة و جديدي هالسنة فريق السلة

أنا مو ضد أنو يقول أي واحد رأيو
أنا الكل بيعرف كنت مابحب ماهر بسبب محبة الناس لشخص بترفعه للسما وانا ضد هالشي لكن ماهر وبلعبة الكرامة للموسم الأسوء الماضي بحمص وخسرناها 4-0 باصرار اللاعبين والأزور الحارس وقتها
الوحيد يلي كان دمه عم يغلي عالفريق هو ماهر أنا صعقت لهالشي الرائع من ماهر بفريق مافيي قول عليه غير انو كان ميت متوفي يعني
هلأ شو دخل غسان بماهر ماعم افهم؟؟؟؟؟!!!!!!!!!!!!
بيلعبو بنفس المركز شي؟؟
هلأ أنا الغشيم , قولولي شو في بالضبط؟؟؟ ليش كل مادق الكوز بالجرة منبلش نيناد - محروس - ماهر السبب - السيد الكبير السبب - المعتوق رائع

لك عصبتوني والله شي بيقرف الرياضة فوق قرفها:x

wissam82

10-21-2007, 07:35 AM

شكرا سيد وسام على مسخرتك على تعليقي وكلامي
ايه انا ما علقت على كلامك وردك مشان ما زعلك ,, روح راجع ردي منيح وشوف ,,
انا بس أخدت اقتباس من سؤال وجواب بيبين مصدر الكلام وبس ...:neutral:

أبو وسيم ,, جمهورنا أغلبه حسب السوق بيسوق يعني على مبدأ معهم معهم عليهم عليهم فحسب الموضة على مين بتكون الحملة بتلاقي الكل عم يأجر فيها بدون ما يعرف الأسباب الحقيقية للحكي يلي عم ينقال أو شو الهدف منه ...

messi

10-21-2007, 04:51 PM

حمودي انت عم تحوص تحوص مشان تصل انو نبيل الشحمة اسوأ لاعب

يعني من قصة ماهر صرنا بنبيل:m(