شو مشان حمدي المصري ؟؟؟؟

[هنو]

؟ اتصل مدير نادي النواعير الأستاذ عبد الفتاح لبابيدي »بالرياضية« ليعلن للجمهور النواعيري عن تجديد عقد اللاعب حمدي المصري لموسمي قادمين مقابل مقدم عقد جيد متحفظاً عن ذكر قيمة مقدم العقد، »الرياضية« ومن خلال وسائلها الخاصة عرفت أن مقدم العقد للاعب حمدي المصري (http://www.alwa7da.net/vb/showthread.php?t=12638)بلغ مليوناً و أربعمئة ألف لكن المفاجأة الأخرى التي ظهرت أن اللاعب حمدي كان وقبل أيام قليلة قد وقّع مع نادي الوحدة الدمشقي ليلعب في صفوفه الموسم القادم، »الرياضية« حاولت جاهدة الاتصال باللاعب حمدي لمعرفة الحقيقة كاملة لكنه لم يجب على اتصالاتنا أو على اتصالات إدارة نادي الوحدة، كما علمنا من مصدر موثوق أنه من المتوقع أن يتوجه وفد عن إدارة نادي النواعير لمدينة دمشق للاجتماع مع الإدارة الوحداوية لحل الإشكال الحاصل، فهل ستنجح الإدارة النواعيرية في الحفاظ على لاعبها حمدي (http://www.alwa7da.net/vb/showthread.php?t=12638)أم إن الإدارة الوحداوية ستصر على حقها باللاعب كونها حصلت على توقيعه أولاً أم إن العلاقات الودية بين رئيس نادي النواعير د. غزوان المرعي و رئيس نادي الوحدة الأستاذ أحمد قوطرش ستحسم الأمر دون خلافات، الأيام القليلة القادمة كفيلة بجلاء الصورة.



الرياضية 26-6-2010

[wahdawi-alsham]

ههههههههههههههههههههههههههههههه

[wassim80]

العلاقات الطيبة بين الرئيسين ستحسم الأمر لصالح النواعير.....!!!!!!!!!!!!!!!!!!!!!!!!!!!!!!!!

[هنو]

العلاقات الطيبة بين الرئيسين ستحسم الأمر لصالح النواعير.....!!!!!!!!!!!!!!!!!!!!!!!!!!!!!!!!

انا برأيي هيك لاعب مزبزب بلاه كلو

انا بعرف انو الواحد بس يوقع خلاص ارتبط

الا عناااااااااااااااااااااااااااااااااااااااااااااااا


عجبي عليكي يا رياضتنا

[wissam82]

عيب على هيك لعيبة ،، شو هالولدنة والتصرفات هي ..؟؟

اللاعب قابض مصاري من نادينا ومتفق على كل شي ،، بعدين بيجي نادي بيدفعله 100 ألف زيادة
بغير رأيه وبيروح بيوقع معهم ..!!!

لعيبة مسخرة و ولاد ....

[wassim80]

هو حمدي ولد ما اختلفنا بس لاعب منيح , وعم يفكر كتير فجر بضمه للمنتخب..!!
بس الحركة صبيانية وولادية كتير أنه مايرد على اتصالات الادارة البرتقالية

بصراحة يلي هيك من البداية (الله لايرده) بس لازم مايضيع حقنا بتبويس الشوارب وبس؟؟لازم يكون في تمن لهلقصة ..

لماراح أبو الروض ووقع للمجد , حاولنا نرجعه وهو كان بده يرجع بس ادارة المجد عارتنا ياه بـــ600ألف ورقة تكون ابو عمر..

لازم نكون متلون ونراعي مصلحة النادي أولآ وآخرآ , لأنه هاد نادي رياضي عنده قانون مو محل شاورما على كوع شارع ؟؟؟؟؟

[عمار عبار]

هو حمدي ولد ما اختلفنا بس لاعب منيح , وعم يفكر كتير فجر بضمه للمنتخب..!!
بس الحركة صبيانية وولادية كتير أنه مايرد على اتصالات الادارة البرتقالية

بصراحة يلي هيك من البداية (الله لايرده) بس لازم مايضيع حقنا بتبويس الشوارب وبس؟؟لازم يكون في تمن لهلقصة ..

لماراح أبو الروض ووقع للمجد , حاولنا نرجعه وهو كان بده يرجع بس ادارة المجد عارتنا ياه بـــ600ألف ورقة تكون ابو عمر..

لازم نكون متلون ونراعي مصلحة النادي أولآ وآخرآ , لأنه هاد نادي رياضي عنده قانون مو محل شاورما على كوع شارع ؟؟؟؟؟

كلامك صحيح
بس لاتنسى انو جميع العقود اصبحت لاغية وغير معترف بها
من قبل لجنة السرقة والمهازل الكروية بامتياز
والتي صرح اكبر لص بها هذا اليوم للرياضية
بانهم قد حققوا اهداف اللجنة

[SH@@MI]

طيب بركي ما وقع للنواعير وهيك حكوا ادارة النواعير بس لسا ما وقع

[wassim80]

كلامك صحيح
بس لاتنسى انو جميع العقود اصبحت لاغية وغير معترف بها
من قبل لجنة السرقة والمهازل الكروية بامتياز
والتي صرح اكبر لص بها هذا اليوم للرياضية
بانهم قد حققوا اهداف اللجنة


حسبي الله ونعم الوكيل , والله هالشطارة علينا خص نص
شافونا بلشنا تعاقدات على بكير صارو يطلعوا قرارات وسخة جاية من عند السعدان والفيل؟؟؟؟

[رامي الوحداوي]

يعني مو معقول يكون موقع للوحدة وبعدين يوقع للنواعير

يمكن الصحفي مبهرها أو إدارة النواعير

[برتقالي للعظم]

بكرة بدو ب التلج وببان المرج

وتستمر المهازل ضد نادي الوحدة
سرقة اللاعبين كترانة و الحرامية كترانين
كنا بالسويدان والعقيل
هلأ طلعتلنا ادارة الجهاد الخالصة وادار النواعير الفرافير

بس نادي الوحدة أكبر من الجميع

[mmrdem]

لهلهلهلهله مو على اساس عمنعتم على الموضوع وماعمنقول اسماء لحتى ماحدى يدرى وكلشي سري و ح م وس ش ص ض طلع كل هاد بس على جمهور المنتدى والكل دريان والنواعير متفقة مع اللاعب وادارتنا اخر من يعلم يمكن لو ماالرياضية كتبتها كانو لساتون عمبيتصلو فيه

[ابو احمد]

ياخوفي بكرا كل اللعيبة اللي على اساس جايين لعنا

تنحل شغلتن يشكل ودي وعلاقة طيبة

ناموا ما في احلى من النوم

[هنو]

د . منير عفوا منك بس الرياضية دريت من النادي مو العكس وإذا كنت ضد فكرة التعتيم فللأسف رياضتنا هيك بدا و يلي دري بالقرار عرف و ادرك انو شغلنا صح بس ابو حامد عرفان شو الوضع و عرفان يشتغل و منخبركن بوقتا شو عمل ابو حامد

و وقت كتبنا خبر تعاقدنا مع الاسطنبلي تاني يوم ايجاه عقد من الشرطة و رفضو

[mmrdem]

طيب اخي هنو دريت من النادي يعني النادي عمبيعطي كل الاخبار للرياضية وهي مو اول مرة الرياضية بتحط اخبار لاعبين بدنا نتعاقد معون وبتنشرها لكل العالم ونحنا منكون عمنعتم عليها انا بصراحة ماكتير فارقة معي اعرف لانو قاطع الامل من هالادارة اللي لساتها بزمن الهواية والاخلاق الرياضية مع انها بزمن البيزنس وصدقني في مية طريقة انو يربطو هاللاعب بالنادي لما يتعاقدو معو وبدون عقد نظامي وهالطرق عمتتبعها اغلب الاندية هلق لتربط اللاعبين اللي تعاقدت معون بس ادارتنا لساتها عمتطبق معايير الاخلاق وكلمة الرجال كانو قاعدين بباب الحارة
هلق انا موفارقة معي لانو متل ماقلتلك قاطع الامل منها بس انا بتدايق لانو ليش عمبيدايقو المنتدى ويحرجو المشرفين ويطالبون بالسرية وبعدين يسربو الاخبار للرياضية وبتتزكر بموضوع سابق لما قلتلي انو مو معقول لاعب نتعاقد معو يروح يخبر الاندية انو تعاقد بهالقد لحتى هنن يجو يتعاقدو معو وقصة هاد اللاعب اثبتت صحة كلامي
لانو للاسف لاعبين دورينا عشرة الاف ليرة بتسوا كل كلامون

[هادي2]

أنا شايف انو نترك الامر لأصحاب القرار وننتظر اللعبة الاولى للنادي بالدوري
وعلى أساسها هنن بيحملو مسؤولية اختياراتهن ونتائج الدوري هي يللي رح
تثبت خطأ أو صواب عمل الادارة على أساس هاشي ممكن تصير المحاسبة أو الحكي
أما هلأ فأنا شايف انو كل هالحكي مالو طعمة
وعندي احساس كتير كبير انو الادارة والكوتش والداعمين عم يشتغلو كتير صح
والله يوفقهن لكل قرار في خير للنادي:brazel_team:germany_team

[وسيم م]

اللاعب وقع بالفعل للوحدة

بس ما بنعرف اذا وقع للنواعير

و إذا كان موقع فلأنو أولاً ولد

و ثانياً لأنو لجنة الكرة البطيخية لغت كل العقود فــ على هاد الاساس حسن أنو يملص من توقيع العقد

على كل حال يومين و بيبين شو صاير انطروا بس

[tiger]

مشان الله حدا يفهمني
ليش ما بكون في بنص العقد شرط جزائي على اللاعب(ممكن يكون مادي)
في حال تولدن وغير رأيه بعد التوقيع؟؟؟
على كل يلي بيبيعك بيعو
مين هاد حمدي المصري كمان
شي بهوي ..بالناقص منو يا شباب
هيك شكيلات مادية ما بيجي منها غير وجع الراس
بكرا بيتأخر راتبو يومين بينقطع عن التمرين شهرين

[ابوالعبد الوحداوي]

ضيعة ضايعة

[MHDFA]

ضيعة ضايعة
حيتي أنت أبو العبد
ذكرتوني بغنية كاظم الساهر
كثر الحديث عن اللتي اهواها
كثر الحديث من اللتي اهواها
ما عمرها ما اسمها
سمراء أم بيضاء