مسلسل قصي حبيب

[وسيم م]

اليوم خبرتني العصفورة بلأسماء الحقيقية للكواليس يلي عم تصير

((يبدو العصفورة سأمت من الوضع الحالي))

و قالتلي كلمة

أنو يلي عم تخبيه الإدارة بكل شي عم يصير عم يتخبى بس عن جمهور النادي

لأنو باقي الجمهور عم يعرف شو عم بيصير بالتفاصيل المملة أحياناً

و نحنا جمهورنا مالو جمهور غشيم أو ولد فلذلك قررت العصفورة أنها تحكي بالأسماء الحقيقية لمشكلة قصي


قالتلي العصفورة أنو رائد كردي خبرها أنو قصي وقع مع الشرطة و هو عم يتمرن معهون صرلو كم يوم

ردت العصفورة سألت مصدر بنادي الوحدة أكد هاد الخبر

أنو عم يتمرن بالشرطة بس لسا ما وقع و أنو عم يتمرن بس مشان اللياقة

لأنو نحنا ما عنا ملاعب بالنادي أو لأنو ما خرج يتمرن عنا

ما علينا

المهم خبرتني العصفورة خبرية بتمنى أنو ما تكون مزبوطة و هي انو عبد الناصر حسن طبعاً

الكل بيعرف أنو عم يحاول كتير يسحب قصي عالشرطة

بس الشي الجديد حالة الطرد يلي اكلها عبد الناصر بلعبة الشرطة

و يلي تسببت بخسارتنا بالإياب مع انو كنا الأفضل قبل حالة الطرد هي حالة مقصودة و بالإتفاق مع الدب

و أنو هي مو اول مرة بتصير من هاد اللاعب

أنا بتمنى انو تكون عصفورتي غلطانة بس حبيت انقلكون شو سمعت لأعرف رأيكون

و السسسسسسسسسسسسسلام

[محمد قطاش]

ياأخي ليش مكبرين موضوع قصي كتير حب يضل أهلا وسهلا ماحب الله ييسرلو الادارة والسيد غياث عملو يلي عليهون وأكتر أصلا طوال الدوري الماضي كان مصاب

[هنو]

اذا قصة عبد الناصر مظبوطة

فرب يسد ما يرد


بس برجعك و بقلك انت ع راسي من فوق

بس اولا بدك تحكي هيك حكي يا فوت باسمك يا قول مين هالشحرورة هي يلي عم تخبرك

و تقبل تحياتي

[sameer.adawi]

والله ما بستبعد شي

[رامي الوحداوي]

منقول خير

...

[فادي النابلسي]

ياسيدي يستر عرضكون خلي يروح شو بدنا نبوس ايدو

[wahdawi4ever]

خلص بدو يروح الله معو ويسرلو ليش عاطيين الشغله اكبر من حجما

يعني رح يكون احسن من ابناء النادي يلي تركو النادي

ومو الحق غير علي عم ينزل موضوع عن قصي اي خلص نحنا منشجع قصي ولا الوحده

لان كل واحد صايرين عم نعطيه اكبر من حجمو وعم يكبر راسو اكتر عيفونا قلبنا من الحامض لاوي

[wassim80]

والله أنا بلشت مل من هالقصة, بده يضل قصي أهلا وسهلا بده يمشي (درب يسد)
موضوع عبد الناصر ممكن يكون مظبوط كتير خصوصآ أنه كان كرته مجاني جدآ وقلب موازين المباراة 100%

[Ammar Alfarawati]

رجاء لاتتسرعوا بالحكم على قصي ولاتظلموا
وقريبا رح تعرفوا اكتر

[ابو احمد]

يعني ازا بدو الزلمة يروح الله يسرلو ويوفقو
والفريق مابيوقف على لاعب

[هنو]

يعني ازا بدو الزلمة يروح الله يسرلو ويوفقو
والفريق مابيوقف على لاعب


انا معك بس مو هيك

انو انت موقع و خلاص

[Ammar Alfarawati]

الفريق بعمره ماوقف على لاعب .. بس الجواهر قليل لتتعوض ,,,

[bmekhaled]

والله أحسن شي و اللي هو رأيي من زماااان ننفض ايدنا من لعبة القدم بهالنادي بئى

يا عمي ركزو عالسلة و الطائرة و خلونا نشوف فريقنا السلة متل أيام زمان
والله اشتقنا لآسيا و أيامها

فريق القدم مشكلته كبيرة كتير لأنه الشغل كله ترقيع و تمشاية حال
طالما القواعد عنا ما عم تعطينا لعيبة للرجال معناها بعمرنا ما منصير

[علي1991]

يوم يلي حكيت هاد الحكي على عبد الناصر عترضو المشرفين ليك هي الدليل وفي ادلا كتير
بصراحة انا فرحت انو عبد الناصر راح ومتل ما قال هنو درب يسد ما يرد:portugal_team

[f.torres]

انا بدي قصي يضل والكل معي اكيد

[ابوالعبد الوحداوي]

العمى على هالمسخرة ....
قصي عميتدرب مع الشرطة وعبدالناصر انطرد بمباراة الشرطة مشان يئلب كفة المباراة لنادي الشرطة ......
فعلاااااااااااا هزللللت ومسخرة .......

[SH@@MI]

يعني شو مشان هي القصة تبع عبد الناصر

الزلمة كان عنا ودافع عن أولان النادي بكل شرف
مو ضروري اذا راح نحكي عليه

الله ييسرله

بس انو أكل الطرد قصداً بالاتفاق مع الدب


يعني عمل فاول وأوقف انفرادة خطرة للشرطة بس مشان تتغير موازين المباراة

لأ كان بقي بالملعب وما لعب منيح أحسن ما يروحلهن غول شبه محقق للشرطة

[khaldoun-sy]

نحن منشجع فريق الوحدة، بوجود قصي أو ماهر أو بعدم وجودهم
بوجود كوادر إدارية متل يلي بنادي الوحدة قادرة على تكوين فريق على مستوى عال ومنافس والجماعة ما بقصروا بأي شي وهاد يلي بخلينا نتفاءل بنادينا والوحدة لا يقف عند لاعب

:wahdawia:

[وسيم م]

اولا بدك تحكي هيك حكي يا فوت باسمك يا قول مين هالشحرورة هي يلي عم تخبرك

و تقبل تحياتي

حبيبي هنو

أنت على راسي من فوق

أول شي أنا فايت بإسمي و هاد اسمي و بإمكانك تتأكد من عمار فرواتي

تاني شي ما في داعي مصادري انا خبر مين هي

لأنو هاد سر و أنا ما بفشيه و بعدين انت في شي مرة خبرت عن مصادر معلوماتك

مو هون القضية

القضية أنو يا ترى في شي مرة طلع كلام شحرورتي غلط

هون السؤال؟

و بعدين اذا زعجتك الشحرورة بسكتلك ياها

[وسيم م]

يوم يلي حكيت هاد الحكي على عبد الناصر عترضو المشرفين ليك هي الدليل وفي ادلا كتير
بصراحة انا فرحت انو عبد الناصر راح ومتل ما قال هنو درب يسد ما يرد:portugal_team

أنا الي مشاركة سابقة بهاد الخصوص

و يوم يلي حكيت عليه

طالعوني خاين و عميل للظابطية

وصرت جيشاوي كمان

[omarjeroudi]

:algeria_teamمع احترامي للكل بس قصي أخذ أكتر من حقو بكثير من النادي و هذا بيدل أديش الجمهور وفي و بحب نا ديه و لعيبته بس بالنسبة إلي قصي ما بيعنيلي كتير و بشوفو لا عب جيد مو أكتر من هيك يعني أحسن شي عملو الدوري الماضي لما نزل بديل بالشوط الثاني بلعبة عفرين و قلب اللعبة و باقي الدوري متلو متل باقي اللعيبة أوقات منيح و أوقات بيخبص و بحب أختم بمتل ( كتر الدلال بهرب العاشق ) و الباقي عندكم:algeria_team

[هنو]

بعد الاتصالات تم تأكيد قصة طرد عبد الناصر وتم ذكر خبر آخر يفيد بأن عبد تظاهر بالاصابة قبل مباراة جبلة باياب الكأس ما اضطره للبقاء بدمشق (و هو متل القرد مافيو شي بس ياحيف ) و منيح يلي اتيسر

[bmekhaled]

بعد الاتصالات تم تأكيد قصة طرد عبد الناصر وتم ذكر خبر آخر يفيد بأن عبد تظاهر بالاصابة قبل مباراة جبلة باياب الكأس ما اضطره للبقاء بدمشق (و هو متل القرد مافيو شي بس ياحيف ) و منيح يلي اتيسر

يا عيني يا عيني !!!
الله يسمعنا الأخبار الطيبة

أبصر معناها مين في غيره

و الله الحالة بتبكي

[وسيم م]

بعد الاتصالات تم تأكيد قصة طرد عبد الناصر وتم ذكر خبر آخر يفيد بأن عبد تظاهر بالاصابة قبل مباراة جبلة باياب الكأس ما اضطره للبقاء بدمشق (و هو متل القرد مافيو شي بس ياحيف ) و منيح يلي اتيسر


معناها عصفورتي ما بتكزب

مو هيك هنووووووووووو؟؟؟؟؟؟؟؟؟؟

[وحدة قدم و سلة و طائرة]

حاجتكون حكي على عبد الناصر

يا قولوا مين مصدر هالاخبار
لأانو بنادينا كثييييييييييييييييييييييييييير تعودنا نسمع حكي من أهل القدم و على بعضهم البعض و معظمهم حكي خاطئ و غير صحيح


لأ كان بقي بالملعب وما لعب منيح أحسن ما يروحلهن غول شبه محقق للشرطة


لو بدو يخون الوحدة كان أستمر بالملعب و غلط غلطة بطعمينا كول

بكرة بقولوا أنطرد من لعبة الشرطة كرمال أنو يغيب عن اللعبة يلي بعدها ( يمكن الاتحاد ) لانو قابض من نادي الاتحاد أخخخخخخخخخخخخخخخخخخخخ


طيب تعو نحكي على الأزهر و الشعار هدول الجوز من مين قبضوا و كم مرة
أممممممممممممممممممممم

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[عمار عبار]

بلاها هي اساليب التخوين والاتهام بدون دليل

فعلا مسخرة
معناتها الزبيدي خاين
اتطرد بلعبة الجيش
ووقع للجيش

[وسيم م]

نحنا ما عم نخون حدا نحنا عم نطرح قضية عم نسمعها للنقاش

بعدين اكتر من مصدر و اكتر من جهة

و اكتر من لاعب هنن يلي حكوا على هاد الموضوع ماااااااااااشي

نحنا اساس حديثنا أنو عم يلعب بعقل قصي مشان يجر رجلو على الشرطة

لأنو قليل أصل

[wassim80]

بس وطاوة وخساسة من عبد الناصر يجر معه قصي بهالأسلوب ؟؟؟؟.. خلص اعتقه لوجه الله يافهمان!!!!!!!!!!!

[وسيم م]

بس وطاوة وخساسة من عبد الناصر يجر معه قصي بهالأسلوب ؟؟؟؟.. خلص اعتقه لوجه الله يافهمان!!!!!!!!!!!


اي ابو السيم

و حتى لاعب من الشرطة أكد الحديث كمان

[wahdawi-alsham]

وقت قلنا زبيدي كذاب ومافي انتماء و غير محترم في ناس هون بلشت دافع عنو, لوقت ما حكا الكابتن نزار والاستاذ غياث والاستاذ احمد اكدو هشي..
وهي عبد الناصر طلع بلا اصل يا حيف على ترباية اهلو يلي ربوا عالغدر,وكمان في ناس دافعت عنو للاسف....
بس عبد الناصر هتشوف شو هيصير فيك و هذكرك


حاج اصحو انتو عايشين بغابة مو بمجتمع مثالي

[wassim80]

يبدو أن عجلة الدوران مازالت مستمرة في البيت البرتقالي سعياً في الحصول على بعض التعاقدات المهمة لاكتمال الخطة التي وضعت لاعداد الفريق الأول في كرة القدم فكثرت الاشاعات والاخبار والأكاذيب فتارة تجد شخصاً يدعي بأنه يملك أخباراً مهمة وحصرية ما أن يلبث أن تصبح هذه الاخبار مجرد حبات من الفوشار المحروق وعندما تواجهه يبادرك الاجابة بأنه تكتيك متبع وينصب نفسه بأكاذيبه رجلاًَ مقرباً من الأوساط الأدارية وأن الأمور بخير ولكن السؤال الذي يطرح نفسه هل وصل نادينا الى هذه الدرجة من العظمة والسخرية باّن واحد ؟؟؟


http://*********.com/vb/images/statusicon/wol_error.gifنقره على هذا الشريط لتكبير الصورةhttp://www3.0zz0.com/2010/06/23/12/673592913.jpg (http://www.0zz0.com/)

فهذه المرة وبعيداً عن العصافير والصقور والنسور وحتى الغربان قررننا أن نستعين بالسلحفاة العجيبة كونها تسيير متمهلة في عملها وعالية في تركيزها عسى أن تأتي لنا بالبشائر السارة

1- الادارة مستعدة للتنازل عن قصي حبيب لصالح نادي الشرطة بطريقة قانونية مقابل ثلاثة لاعبين من نادي الشرطة من بينهم حارس المرمى ( شيفان اوزي ) ومليون ليرة تعود لصالح خزينة البرتقالي

2- ماهر السيد عائد ولكن ماهي النسبة ( الله أعلم ) أما عن قيمة العقد وبعيداً عن أكاذيب ( أحد مواقع السماسرة السوريين ) هي مليون ليرة فقط عن الموسمين وراتب 35 ألف شهرياً

3- ثلاثة مستويات من الرواتب الشهرية اعتمتدها اللجنة السباعية لتعاقدات ا للاعبين لهذا الموسم هي 25 ألف - 30 ألف - 35 ألف ( أما عن مايدفع تحت الطاولة الله أعلم )

4- كل الجهود والاتصالات والمساعي تبذل لتأمين معسكر اعداد للفريق في احدى الدول المجاورة والنسبة الأقوى هي للدولة الصديقة تركيا مع احتمال دخول دبي على خط المنافسة

5- محترفان على مستوى جيد سيتم تأمينهم الى جانب السي شيخ والاخبار تفيد بأن امورهم منتهية وبانتظار الاعلان عنهم قريباً

6- تسعة لاعبين جدد سيتم الاعلان عنهم في المؤتمر الصحفي القادم بعد ان كانت الاشاعات تشير الى خمسة عشر لاعباً ولكن الوضع وباختصار هو ( تكتيك اداري )

7- وائل عقيل مدير الكرة في نادي الشرطة لم يهدأ محرك سيارته الشخصية في السبعة أيام الأخيرة وهو يبحث ويتحرى عن أسماء وتعاقدات اللاعبين في نادي الوحدة أملاً منه في الدخول




(منقول : بقلم يمان القدة)