موضوع مهم جدا جدا ارجوكم الدخول

[عاشق دمشق]

من يوم الاثنين الماضي والبعض من جماهير نادينا موقوفين لدى الشرطة والاغلبية اعمارهم صغيرة وقد يكون بعضهم مذنب لكن الاغلبية ليست كذلك لذلك نرجو من ادارتنا اذا كان بامكانها ان تساعدهم فورا او من منكم انتم احبائي في هذا المنتدى يقدر على مساعدتهم ان يساعدعم فورا

[حسن عوده]

له له شو هالحكي ؟؟ليش صار شي بعد المباراة حرزان هالتوقيف ؟

[ABOU MALEK]

متل ما قال عاشق دمشق في ناس راحت عالمخافر و لساتها جوا

و جمهور الكرامة طالع برا الملعب مفكر حاله بحمص و في منهم اكلوا طيارات و رفس و حجار و بزق و شق علام و بوجود الشرطة الي كانت عاجزة عن فك كل العلقات و انا شفت سيارة هيونداي ايلانترا مكسور قزازها و لساتو ما وقع و صاحبها ماشي بسرعة ليهرب من الناس بس ما عرفت مين كسرها الوحداوية ولا الكرماوية و شفت زلمة لاحق السيارة و الشرطة ركدة ورا وبعد شوي لقيت الشرطة كامش زلمة ما بين معنا شرطي ولا شخص عادي لانو لابس نفس لون الشرطة

لو ما حرارتي 40 و معي كريب بالمعدة يا شباب و الله لكنت قتلت كم واحد قتلة حشك و لبك و اللي مو مصدق يسأل طوني قوزمة

[Ammar Alfarawati]

بدك تشوف الرابطة ..

[kashi]

مو رايحة غير على المظلوم والشرطة بتتعامل مع الجمهور متل فرصة لتعبير عن قوتهم وبينسو هذا الجمهور هو ابن البلد مو عدو

[حسان الحسيني]

شو هل الحكي
؟؟؟؟؟؟؟؟؟؟؟؟؟؟؟؟؟؟؟؟؟؟؟

[M o H a M e D]

بالفعل يلي صار بعد المباراة مأساوي ... ضرب حجار عشوائي من الجمهورين و الحمد لله أعمال ساحة العباسيين موفرة ذخرة ممتازة للجمهورين ...

أنا شفت كتير عالم شاحطينهم ...و بجم حفظ النظام عبس التعامل معهم ...

كنت بدي صور كيف عميكمشوا العالم و ****وا أبو أفطاسهم بالضرب بس خفت روح بالمعية ... قسما بالله شي بيبكي ...

حتى واحد كان عميساوي شواطات بوطو .. كمشوه شي 10 من البجم و نزلو فيه بضرب مبرح ...

[وحداوي موت]

حسان شوف بركي شي حدا من الادارة بيقدر يتكلم بهل موضوع
لا حول ولا قوة الا بالله لا زمها حل الشغلة
مسكين يلي تعبوا

[الوحدة يا عشق كل دمشقي]

مظبوط هاد الحكي وانا كنت وائف بالساحة محل ما كانو عميتجمعو حفظ النظام بئى كان القائد تبعن عميحكي مع العميد وئلو يا سيدي نحنا بساحة العباسين في جماعة من الوحدة قاعدين ميتذعرنووو ولميناهن ومشي الحال ئول مافي غير جمهور الوحدة كان عامل المشاكل وعل الطريئ للكراجات كانو جماعة حمصية ماسكين عصايات وماشي تئول مفكرين حالن بحمص وئاعدين عميتذورا بالراحي والجاية بس العتب عل النظر حفظ النظام ما بشوفوا غير الوحداوية والله يطلعن بالسلااامة يارب

[أغيد الفرا]

اي مظبوط .. انا شفت شوفات عجبة بعد المباراة

بس معقول لسا في عالم قاعدة لهلأ ؟؟