ماذا تتمنون من لاعبين البرتقالي

[وحداوي موت]

مساء الخير شباب
بهل يومين رح يفوت شخص ويقراء هدا الموضوع بلذات
وهدا الموضوع رسالة من كل الاعضاء للاعبين البرتقالي
وباذن الله بطريقة ما رح نحاول نوصل هل رسالة للاعبين

شو الشي يلي بتتمنوه او اشتقتولوا او بتنتقدوا فيه او بتحبوا شغلات خاصة بللعيبة

رح بلش من عندي مثال على الموضوع

الهلامي .. الله يوفقك ويحميك يا رب اليوم كنت نجم مع المنتخب منتمناك تكون دائما هيك مع الوحدة

الاقرع .. كنت نجم النجوم بدفاع تشرين وكنت مميز بدفاع الجيش منتمناك تقدم الافضل مع البرتقالي

العلي .. انت لاعب كويس ومنيح كتير ومتمنالك التوفيق بكل المباريات

زبداني .. قدمت مستوى كبير وهي فرصة الك انك تثبت حالك بلفريق

زبيدي .. ما عليك حكي ابدا عم تقدم مستوى منيح ولازمك شوية خبرا بلمباريات

علي خليل ... وين علي الجوكر المعروف بكل المراكز تالق يا علي ورجاع متل ما كنت

عمر خليل .. على ايام نيناد كنت نجم وعلى ايام الحكيم كنت كبير استلم الفرصة والمع مع البرتقالي

ايمن الخالد ... نوكاية كبير ونجم ولامع مع الطليعة وباول لعبة مع البرتقالي بيضتها خلينا نفرح فيك وتفرح فينا شي كول بلعبة حطين وكتر الله خيرك يا نوكاااااية الغالي

احمد الخالد ... دخيل عيونك مافي منك انت نجم ونجم ورح تضل نجم لانك لاعب اصيل وغالي على قلوب حميع الوحداوية

ماهر السيد ... منتمنالك اليوم قبل بكرا ينفك النحس عنك لانو انت بلملعب كبير وبدنا ياك وبدنا كوالك واهدافك لا تنسى الجمهور شو عملك بلعبة تشرين من سنتين وانت شو عملتلنا بهل لعبة كبير يا سيد والله انك كبير

نبيل ... كنت كويس عنا على ايام نيناد وكنت نجم بكل معنى الكلمة بدنا نشوف رقصتك المعروفة بلمباريات القادمة الجمهور زعلان منك كتير شد حالك ورجع ثقة العالم الك

كنان .. صفقة ناجحة وقوية كتير منتمنا منك تثبتلناهل شي لانك لاعب معروف مع تشرين وبدنا ياك تشنهر مع الوحدة اكتر من تشرين الله يقويك


مهند .. السنة الماضية كنت كويس ومنيح كتير لاتنسى انك لابس كنزة المحملجي يلي العالم لهلا بتترحم على ايامو الله يوفقك شد حالك منيح الضغط مبين عليك بلعبة الاتحاد بس هلا بدنا ياك تتغير


عامر اسلام .. انا صراحة ما بعرفك من قبل بس بلعبة الجيش وبلدقائق القليلة يلي لعبة فيها
بينت انك لاعب كبير والك مستقبل كبير مع الوحدة بتمنالك التوفيق



شباب على حب النبي لا حدا يكتب كلام بيجرح بحق اللاعبين اي لاعب ومه ما كان
الله يخليكن طولوا بالكن شوي وكل واحد يكتب رائيو باي لاعب بس رجاء من دون تجريح بحدا
ولكم الشكر
عـــــــــــــا مـــــــــــــــــــر

[أحمدهريدي]

لله يوفق الجميع يارب

[هنو]

لن اتكلم عن اللاعبين كل على حدة
سأتكلم عن الفريق بشكل عام

نحن كجمهور نادي الوحدة جمهور عاطفي
نعشق كل لاعب يرتدي الفانلة البرتقالية

ندرك أنه يعشق البرتقالي كما نعشقه و نهواه
نفرح لأدائه الراقي ( و هي سمة كل لاعبي الوحدة دون استثناء )
و نحزن لانخفاض مستواه بعض الوقت ( و ندرك أنها مرحلة و ح تعدي )
و لكن عاطفتنا الزائدة تقودنا لأن نتكلم بالسيء عن من نحب و نعشق

نعم جميع جمهور الوحدة يعشق كل لاعبي الفريق
و من منا سينسى كل من دافع عن لون الشام المحبب بكل اخلاص



أنا أتمنى من لاعبي الوحدة كافة دون استثناء
أن يبقوا على حب البرتقالي الغالي
و ان يلعبوا بحماس كما عودونا
كل ابناء النادي نحن معهم
و لكل الوافدون للنادي نقول قلوبنا لكم انتم الآن تشاطرون ابناء النادي في قلوبنا
لما لا و قد اصبحتم عشقنا

يا لاعبي البرتقالي :
جمهور الشام وخحداوي و سيبقى وحداوي
لا نطلب منكم سوى أن ترسموا الفرحة على شفاهنا و في قلوبنا
و و الله العظيم أنتم أهل لها
و نحن معكم و لن نتخلى عنكم
و شكراً

[السامر]

اتمنى التوفيق للجميع
وينفك النحس الهجومي

[Ammar Alfarawati]

بتمنى من اللاعبين النقاط الثلاث في المباراة القادمة ... وان شاء الله ببقية المباريات :whi

والتسجيل طبعا مهم ... ان شاء الله ينفك النحس .. ونسجل كم من الاهداف..:idea:

[kashi]

بس اقول انو لاعبين الوحدة في قلوبنا واريد منهم ان يعرفو انو اهلي شام تدعو لهم في التوفيق

[حسان الحسيني]

رح اطلب طلب صغير مابدكم تلعبو لااسم النادي وجمهوره لعبو لااسمكم انتو مشان يرتفع سعركم بالموسم مارح نطلب اكتر من هيك

[بهاء 2]

ما بعتقد نفوز عحطين
آسف بس هاد شعوري

[الرومانسي الحزين]

اااااااااااااااااااااااااااه يا نادي الوحدة عودتنا على عشقك ورضعنا من صغرنا حبك
فيا لاعبين الكرام اتمنى ان تشعرو بنا ان تشاهدو دموعنا ان تفكرو ولو للحظة مالذي حصل بنا نعلم انكم كبار فاثبتو لنا ولانفسكم كم انتم كبارا

[عمر نصري]

حب الله


حب رسول الله


حب الوطن

حب الوالدين

حب المعلم و المؤدب

حب الحياة


حب العائلة


هذا الحب الذي تربينا عليه و عشنا لأجله

حب نادينا و انتماؤنا لبرتقالتنا الدمشقية رضعناه منذ الصغر

من منا لا يعشق البرتقالي

أقسم أن كل اللاعبين في صفوف البرتقالي عندهم ذات الشعور

و أكثر منا كمشجعين لأنهم ينتمون إليه و يعيشون به و يتواجدون في

داخله أكثر من بيوتهم تربو فيه على حب الوطن و حب النادي و الدفاع عن ألوانه


أرجو من جميع اللاعبين أن يبرهنوا انتماءهم للنادي و للوطن


لكل جواد كبوة

أرجو أن تكون كبوتنا و هفواتنا قد انتهت و حان وقت الجد

بس بتمنى اللعيبة تقدر حبنا لهم و لنادينا

[EmadAsfour]

يا نبيل ارجوك ارجع كما كنت قناص من المستوى والطراز الرفيع

[سامو]

الله يوفق الكل , بس بدي قول لنبيل انو شو ما صار كلياتنا معك و بانتظار رقصتك الشهيرة
و الله يحمي كل لعيبة الوحدة

[M o H a M e D]

بتمنى من كل لاعبينا يكونوا على قدر المسؤولية و و يتذكروا أنو وراهم جمهور كبير صرلو فترة طويلة ماداق طعم الفرحة يحسوا بمشاعره ...

بعض الرسائل الخاصة ...

الهلامي ... عندك إمكانيات ممتازة .. ياريت تكون ثقتك بنفسك عالية و وتكون معنا متل ماكنت مبارح مع المنتخب ..

الزبداني ... قدمت مباراة مرضية للجمهور نوعا ما مع الكرامة .. هي فرصتك لتاخد المكان الشاغر بالفريق ..
زينة اللاعب أخلاقه ... فياريت ما تبادل إساءة الجمهور بإساءة .. متل ماحصل بالمباراة الماضية ..

زبيدي .. أنت خامة رائعة .. ومن زمان عمنستنى هيك موهبة من أبناء النادي . لا زال بينقصك كتير من الخبرة .. وياريت تبتعد عن الغرور و الثقة الزائدة بالنفس لأنك بالأخير حتكون الخاسر الوحيد ...

عمر خليل ... أحببناك لفنياتك و أخلاقك .. لا تضوع حالك بالتهور و اللامبالاة و عدم الالتزام ...

أيمن الخالد ... مع الجيش كنت رائع بدنا نشوفك بالتشكيل الأساسي و تثبت أنك على قدر هالشي ..

أحمد الخالد ... فدائيتك و روحك القتالية جعلت منك لاعب نُحسد عليه .. ان شاء الله تستمر بهالروح هي ..

ماهر السيد ... كابتن أنت من أفضل من لبس القميص البرتقالي .. لحد الان ماشفنا ولا 50 % من مستواك .. نحن على يقين بإذن الله بأنك ستعود ماهر الماهر .. بس لا تطول علينا .. :wink:
بتمنى نرجع نشوف ضرباتك الحرة المتقنة يلي عودتنا عليه ...

مهند الخراط .. عندي ثقة فيك أنك قادر تثبت نفسك و أحقيتك بمكان بالبرتقالي .. بتمنى تركز أكتر مع الفريق و لا تخلي شغلات تانية تضوعك دنيا واخرة ..

و تحياتي لكل من يلبش القميص البرتقالي .... :f)

:fw:fw:fw:fw

[khaled rihawi]

اثبتو للجميع انكم تستحقون أن ثمثلوا كرة الوحدة و كرة الشام!!!