هل الرقم 9 لم يعد له قيمة

[أبو رائد الوحداوي]

اول شي السلام عليكم
اما بعرف شو سر السكوت عن اعطاء القدور الرقم 9 وشلون هيك بين ليلة وضحاها بيجيبوا لاعب مع احترامي له وبيعطوه الرقم الاغلى بنادينا يعني انا اكتر واحد متفاجى فيه هو الكابتن نزار يعني هادا الرقم هو يللي من اجله صار له معنى ومن بعده لبسه الكابتن لؤي والكل بيعرف مين هو لؤي طالب ومن بعده ماهر السيد بغض النظر عن كل شي صار من السيد بس بضل لاعب كبير وحمل رقم كبير بتاريخ النادي يعني غربلة بالاعبين وتحويشة من هون وهون هادا الوضع كان زمان وانا بغض النظر عن ارائي بالكابتن نزار كمدرب وطريقة لعبوا الدفاعية ساكت لانو حاسس في ارضية عم يشتغل عليها والشي يللي بيطمني ومخليني مرتاح انو الكابتن نزار اذكي من انو يفوت فوتة مو عرفان انو اسمو رح ينحفر فيها ويعمل بصمة وتاريخه بيشهد بهل الشي وحالة الاستقرار يللي موجودة بالنادي كمان حالة بتبشر انو النادي رح يرجع يفرخ مواهب من ابناء دمشق فليش نفرط بهل رقم يعني مثلا ليش ما منعطيه الى لاعب ناشى كلاومري مثلا يا ترى اديش رح يعطيه دافع بينما القدور شو الدافع يللي رح يعطيه ياه مع احترامي لاله يعني الرقم عشرة فقد قيمته بعد المحملجي و21 كمان شرحو بعد عشاف مع احترامي للعلايا بس رقم 9 ضل محافظ فليش نخليه يفقد قيمتو انا ضد بل اكثر من ضد انو هل رقم يلبس حدا غير ابناء النادي واذا كان ولا بد فقصي صار مننا وفينا وموقع معنى 3 سنين الولد فاكيد هو اولى ولا شو رايكم ما بعرف اذا الادارة قادرة ترجع عن قرارها يا اما بتمنى يفهمونا وجهة نظرهن ويللي بيعرف يحكي والسلام ختام

[الكتلوني]

ليش شبو القدور

[طارق الغبرا]

سبع سنين الوحدة عم يحارب للهروب من الهبوط و بتقلي 7 و 9 و3 انسى هاد زمن المصاري و بس

[<IBRAHIM>]

معلم بس مع احترامي الك موضوعك مالو علاقة نهائيا
اللاعب هو يلي بيصنع الرقم مو الرقم يلي بيصنع اللاعب
يعني كلشي عاجبك بالنادي ووقفت على شغلة مين ياخود الرقم تسعة

[mmrdem]

لك هاد القدورررررر يازلمة صفقة الموسم يلي اتكتمنا عليها شهر وتكللت بالنجاح بفضل اللجنة السباعية وبدك مانعطيه الرقم تسعة لك بس بدي حدى يقلي هاد اللاعب وين بيلعب شو مركزو شو انجازاتو قديش عمرو

[W@SEEM]

الرقم آخر شي بيفكرو فيه

ومابقى في شي أسمه أبن نادي ... أصلاً ما عم نشوف الويل إلا من أبن النادي

مع إحترامي للموجودين بالنادي

بقى 9 - 10 كلو ماشي

[bmekhaled]

والله بعد عمايل ماهر أفندي هالحكي ما عادله معنى

و إن شاء الله بيعطو الرقم لمارادونا أو لولد صغير
أنا بيهمني يكون اللاعب بيحب ناديه و مستعد يلعبله من قلبه
بدون الفصول الناقصة اللي ما عاد جاية عبالي احكي فيها

[SH@@MI]

بتمنى اعطاء قصي الرقم 10

بس هللأ مو وقت هالقصص
خليه يرجع النادي للأوائل وبعدين منفكر بهالقصص

bd:)

[f.torres]

مو مشكلة كبير اذا القدور اخد الرقم 9 ما بتعرف يمكن هل لاعب يصنع التاريخ للنادي بهل مواسم الجاية


أما قصي فلازم يعطو الرقم 10 لانو بيستاهلو

[wassim80]

ان شاء الله بيعطوه رقم عشرطعش المهم يكون منيح
وموضوع الارقام والرموز دفنوها بنفس التابوت تبع عصر الهواية:crdr

[W@SEEM]

بتمنى اعطاء قصي الرقم 10

بس هللأ مو وقت هالقصص
خليه يرجع النادي للأوائل وبعدين منفكر بهالقصص

bd:)



مو مشكلة كبير اذا القدور اخد الرقم 9 ما بتعرف يمكن هل لاعب يصنع التاريخ للنادي بهل مواسم الجاية




أما قصي فلازم يعطو الرقم 10 لانو بيستاهلو




قصي ما بيحب الرقم 10

بيبحب الأرقام الغريبة .. والرقم 30 :))

[عمار عبار]

شو المشكلة بالرقم
هي زياد كان رقمه 10 وقبله الاغا
شو استفدنا منهم

[DIABO MAN]

سبع سنين الوحدة عم يحارب للهروب من الهبوط و بتقلي 7 و 9 و3 انسى هاد زمن المصاري و بس


.........................
:))

[Orange Blood]

كان للارقام معنى

[البوابة الدمشقية]

يعني وقت بنحكي عن رحيل ماهر وتخليه عن النادي

بيصر الجواب أحتراف


ولما بنعطي الرقم 9 للاعب من خارج الوحدة بيصير الرقم لولاد النادي


علي الحلال جمهور الشام للوحدة وبس ؟؟؟؟؟؟؟؟؟؟؟؟؟؟؟

[سامي حرح]

يعني وقت بنحكي عن رحيل ماهر وتخليه عن النادي

بيصر الجواب أحتراف


ولما بنعطي الرقم 9 للاعب من خارج الوحدة بيصير الرقم لولاد النادي


علي الحلال جمهور الشام للوحدة وبس ؟؟؟؟؟؟؟؟؟؟؟؟؟؟؟
ياعيني عليك على هالاجوبة...
:)):)):))

[love barca or die]

شو بدنا بالرقم
بعدين ما شفنا خيرو من شرو

[الساهر12]

ليش القدور من شو بيشكي

الاعب هو بيصنع الرقم والعكس

[kashi]

بالتوفيق للوحدة وبعتقادي الاهم النتائج

[ابن الصالحية]

يا سيدي الله يوفقو ليرفع هالرقم ويكون أدو

[ابن الصالحية]

يا شباب بعد إذنكن واحد منكن ينزل شي فقرة عن مسيرة القدور
حتى نتنور

بمعيتكن

[حسان الحسيني]

دكتور ماعاجبك القدور
مين بدك يعني النادي يجيب ورجينا اسماء
ونزلينا عل النادي تبرعلك بكم الف ليجيبو لاعب ع كيفك

[هنو]

طول بالك حسون
بعدين برأيي انا انو لو القدور لاعب عادي لما اختاروه هو بالذات للاحتراف بعدين نحن مامنعرف عن لاعبي دورينا شي لانو مامنتابع حدا غير نادينا و يبرز اسم هالكم لاعب السوبر من الاندية التانية
عطيني مثلا لاعب للكب طلع احترف من عنا بدول الخليج

[محمد سكر]

مالي شايف اي مشكلة بالموضوع ؟؟؟
وهي مثال رونالدو وقت أجا على الريال أخذ رقم 9 وماحدا اعترض وقال ليش ...

[جيرارد]

وين المشكلة معلم

[WALID STAR]

اللاعب هو المهم

مو الرقم :mrgreen:

[أبو رائد الوحداوي]

دكتور ماعاجبك القدور

مين بدك يعني النادي يجيب ورجينا اسماء
ونزلينا عل النادي تبرعلك بكم الف ليجيبو لاعب ع كيفك


يا أستاذ انا بموضوعي كلو ما جبت سيرة القدور وانو عاجبني ومو عاجبني انا كل يللي ما استهضمتو انو يجي لاعب بين ليلة وضحاها ياخد رقم مر عليه احسن لاعبين بتاريخ النادي بعدين يا حلطفوظ زمانك من فضل الله ما بخلي لعبة بالشام وبرات الشام الا ما بحضرها وانت بتعرف هل الشي وانا زلمة شوفير تكسي لو معي مصاري ادعم النادي ما بقصر

[شمعة الشام]

ما دخل الرقم المهم يكون عند حسن الظن

[عاشق الكابتن]

يا أستاذ انا بموضوعي كلو ما جبت سيرة القدور وانو عاجبني ومو عاجبني انا كل يللي ما استهضمتو انو يجي لاعب بين ليلة وضحاها ياخد رقم مر عليه احسن لاعبين بتاريخ النادي بعدين يا حلطفوظ زمانك من فضل الله ما بخلي لعبة بالشام وبرات الشام الا ما بحضرها وانت بتعرف هل الشي وانا زلمة شوفير تكسي لو معي مصاري ادعم النادي ما بقصر

كيفك علوش انا متل حكايتك استغربت انو ينعطى رقم الكابتن للقدور وقال شو ؟؟؟؟؟
ماهر جايي عقد بالامارات وهاد الحكي مالو مظبوط بنوب
بس انا ما حبيت احكي لانك بتعرف انو الكل رح يهاجمك
بالنهايه الوحده فوق الكل بس حابب قول شغله للكل
حاليا ماهر مو موقع مع حدا يعني بامكان الاداره تفتح قنوات الاتصال معو
بس مو بعد جمعه اذا وقع مع شي فريق نبلش نشلي عليه للزلمه
بعدين بشرفكون القدور بيتشبه بماهر على حب النبي جاوبوني ؟؟؟؟؟؟؟

[البوابة الدمشقية]

كيفك علوش انا متل حكايتك استغربت انو ينعطى رقم الكابتن للقدور وقال شو ؟؟؟؟؟



ليش الرقم مسجل طابو بأسم نجم العرب ماهر السيد ودافع حقو لحتى تستغرب


ماهر جايي عقد بالامارات وهاد الحكي مالو مظبوط بنوب


أحمد قوطرش كذاب ؟؟؟؟؟؟؟؟؟؟؟؟؟


بس انا ما حبيت احكي لانك بتعرف انو الكل رح يهاجمك


طالما الكل رح يهاجم معناها الكل رضيان رحيلو عنا



بالنهايه الوحده فوق الكل بس حابب قول شغله للكل
حاليا ماهر مو موقع مع حدا يعني بامكان الاداره تفتح قنوات الاتصال معو


أنشالله بس يجينا شي عشرين مليون بنفكر بالاتصال وخاصة أنو ميسي طلباتو كتيرة

وهيك عودنا السيد




بس مو بعد جمعه اذا وقع مع شي فريق نبلش نشلي عليه للزلمه



ليش بعد جمعة رح يوقع حبيبي ماهر السيد ما بيوقع لأخر يوم بالمهلة يلي بيحددها اتحاد الكرة




بعدين بشرفكون القدور بيتشبه بماهر على حب النبي جاوبوني ؟؟؟؟؟؟؟




أكيد ما بيتشبه بنوب ليش ماهر في حدا بيشبهو


ابن النادي البار والله أشتقنا للتقسيمات بالنادي وحرب اللاعبين

و قصص العقود الوهمية والمصالح الشخصية


فعلا ألو وحشة

كان عامل جو


حتى وهو بالجيش عمل جو حلو خصوصا بمباراة الذهاب ضد نادي الوحدة الدمشقي الاصيل


مع ناديه الذي يعشق نادي الجيش

[حسان الحسيني]

يا أستاذ انا بموضوعي كلو ما جبت سيرة القدور وانو عاجبني ومو عاجبني انا كل يللي ما استهضمتو انو يجي لاعب بين ليلة وضحاها ياخد رقم مر عليه احسن لاعبين بتاريخ النادي بعدين يا حلطفوظ زمانك من فضل الله ما بخلي لعبة بالشام وبرات الشام الا ما بحضرها وانت بتعرف هل الشي وانا زلمة شوفير تكسي لو معي مصاري ادعم النادي ما بقصر

؟؟؟؟؟؟؟؟؟؟
غريب كلامك ابو رائد مو

[حسان الحسيني]

لك هاد القدورررررر يازلمة صفقة الموسم يلي اتكتمنا عليها شهر وتكللت بالنجاح بفضل اللجنة السباعية وبدك مانعطيه الرقم تسعة لك بس بدي حدى يقلي هاد اللاعب وين بيلعب شو مركزو شو انجازاتو قديش عمرو

ابو رائد للتوضيح بس هاد هو الدكتور منير
وهو المقصود بكلامي

[حسان الحسيني]

ع فكرة القدور سئل انو اذا رجع ماهر شو رح تعمل
حكى كلمة مابتطلع الامن شخص محترم
ماهر لاعب كبير وماعندي مشكلة بالرقم نهائيا

[أبو شام]

لك شو رقم ما رقم اب رائد ..
عليي الحلال اذا بيلعبوا بطقومة رسمي وبلا نفس رح يجننونا ..
واذا بيلعبوا بالقمصان الداخلية بروح قتالية رح يريحونا ..
ما خص المظاهر شريك

[أبو شام]

كيفك علوش انا متل حكايتك استغربت انو ينعطى رقم الكابتن للقدور وقال شو ؟؟؟؟؟
ماهر جايي عقد بالامارات وهاد الحكي مالو مظبوط بنوب
بس انا ما حبيت احكي لانك بتعرف انو الكل رح يهاجمك
بالنهايه الوحده فوق الكل بس حابب قول شغله للكل
حاليا ماهر مو موقع مع حدا يعني بامكان الاداره تفتح قنوات الاتصال معو
بس مو بعد جمعه اذا وقع مع شي فريق نبلش نشلي عليه للزلمه
بعدين بشرفكون القدور بيتشبه بماهر على حب النبي جاوبوني ؟؟؟؟؟؟؟

بس لنشوف مستواه بعد 4..5 لعب منجاوبك

[أبو رائد الوحداوي]

كيفك علوش انا متل حكايتك استغربت انو ينعطى رقم الكابتن للقدور وقال شو ؟؟؟؟؟
ماهر جايي عقد بالامارات وهاد الحكي مالو مظبوط بنوب
بس انا ما حبيت احكي لانك بتعرف انو الكل رح يهاجمك
بالنهايه الوحده فوق الكل بس حابب قول شغله للكل
حاليا ماهر مو موقع مع حدا يعني بامكان الاداره تفتح قنوات الاتصال معو
بس مو بعد جمعه اذا وقع مع شي فريق نبلش نشلي عليه للزلمه
بعدين بشرفكون القدور بيتشبه بماهر على حب النبي جاوبوني ؟؟؟؟؟؟؟
حبيب قلبي ماهر بيك انا بغض النظر عن ماهر الرقم تسعة مالازم ياخدوه غير ابناء النادي هي وجهة نظر يعني قبل ماهر في لؤي نزار لبسوه يعني شارة الكابتن والرقم تسعة لازم تكون لابناء النادي حصرا وما بعرف وين الهجوم وعلى مين بموضوعي متل ما عم يتفسر يعني شو الغلط لو الاومري مثلا بياخدوه او اي حدا من الشباب المترفعين بعدين انا ما حكيت على القدور وانتقدوه ان كان منيح ولا لاه بس سبحان الله شلون الناس بتفسر الكلام على كيفها واحلى عمي ماهر خلينا نشوفك يا رروح

[أبو رائد الوحداوي]

أكيد ما بيتشبه بنوب ليش ماهر في حدا بيشبهو


ابن النادي البار والله أشتقنا للتقسيمات بالنادي وحرب اللاعبين

و قصص العقود الوهمية والمصالح الشخصية


فعلا ألو وحشة

كان عامل جو


حتى وهو بالجيش عمل جو حلو خصوصا بمباراة الذهاب ضد نادي الوحدة الدمشقي الاصيل


مع ناديه الذي يعشق نادي الجيش

ليك تاج راسي الاخ ماهر دردر وحداوي للعضم بوجود السيد وبدونه وللتذكير بس هو نفسه يللي من غير اليوم انصاب السنة الماضية بلعبة الطليعة براسو والله ستر وتنذكر وما تنعاد ولهلى ما روح لعبة للوحدة برغم روحة ماهر من النادي مو متل بعض جماعة يللي اذا فلان عميدرب نحنا وحداوية واذا ما عم يدرب فنحنا طوووووط

[أبو رائد الوحداوي]

ابو رائد للتوضيح بس هاد هو الدكتور منير

وهو المقصود بكلامي


سيد حسان انا ما جبت سيرة القدور على انو مو منيح وانت مو عامل اقتباس بردك المهم انت شخص وحداوي للعضم وما حدا بيشك بهل الشي برغم تعصبك لنزار مع انو في الي عتب عليك من وقت روحة حماه يعني انا ذكرت بموضوعي انو في شي عمينطبخ صح بالنادي بس لازم تعرف والادارة تعرف انو غالبية جمهورنا بدو نتائج سريعة وشغلة كتير حضارية شيت الصحيفة الاسبوعية يللي عم تتوزع مجانا بس لازم نستوعب جمهورنا انو عاطفي وسريع الانفعال لازم نهديه باسلوب حضاري مو نتهجم عليه

[أبو رائد الوحداوي]

لك شو رقم ما رقم اب رائد ..
عليي الحلال اذا بيلعبوا بطقومة رسمي وبلا نفس رح يجننونا ..
واذا بيلعبوا بالقمصان الداخلية بروح قتالية رح يريحونا ..
ما خص المظاهر شريك

هل الصوت مو غريب عليي وين سامعوه وين ياربي
يحرء حريشك مو اب عادل انت شلونك يابي شو عامل بحالك بتصدق ما عرفت بس حليان عاللوك الجديد :?المهم والله كلامك طابو بس يعني ما ضل غير هل رمز صعبة نحافظ عليه لولادنا

[أنس العرقسوسي]

ياجماعة الخير يلي عم بترد على الموضوع
أنتو فهمتو الزلمه شو كاتب عم يحكي على رقم 9 أنو يكون حصرآ لاشي لاعب من أبناء
نادي الوحدة متل الأومري مثلآ وما ينعطى لحدا من برات النادي قدوتآ بالسيد أبو حامد
والكابتن لؤي وهاد الشي مو غلط بنوب مشان يضل شارة الكابتن ورقم 9 ألو خصوصيه بنادي الوحدة

[Radwan]

6 سنوات ونحن صامدون وبعد مجيئكم سنبقى سنتين صامتون وبعدها يا من تحملون راية نادينا سنرى ماذا انتم فاعلون

:)) :)) :))

:f) :f)

:roll:

[حسان الحسيني]

سيد حسان انا ما جبت سيرة القدور على انو مو منيح وانت مو عامل اقتباس بردك المهم انت شخص وحداوي للعضم وما حدا بيشك بهل الشي برغم تعصبك لنزار مع انو في الي عتب عليك من وقت روحة حماه يعني انا ذكرت بموضوعي انو في شي عمينطبخ صح بالنادي بس لازم تعرف والادارة تعرف انو غالبية جمهورنا بدو نتائج سريعة وشغلة كتير حضارية شيت الصحيفة الاسبوعية يللي عم تتوزع مجانا بس لازم نستوعب جمهورنا انو عاطفي وسريع الانفعال لازم نهديه باسلوب حضاري مو نتهجم عليه

بس باين انو كلامي موجه لشخص تاني
وكل الناس وشغلها خير وبركة وانا ماقصدي متل ما انت حسبتها اني بتمئلس عليك
ومتل ما انت الك عتب
انا كمان فيني عاتبك لانك انت واحد من الناس يلي بتشغل المسبات وئت بتكون بالمنصة
وسحب هويتك من الضباط بوحدة من المباريات بتشهد بهل الشي
وهي شغلة بتخصني الي اذا انا متعصب لنزار او لا
بس لما كان نزار برات النادي انا ماتركت النادي
وحاج حجج واوهام عايشنها انتو

[محمد سفاف]

طيب ياجيبوا ماهر ياخلوا العالم تشتغل وهنن مسؤوليين عن النتائج

[أبو رائد الوحداوي]

بس باين انو كلامي موجه لشخص تاني

وكل الناس وشغلها خير وبركة وانا ماقصدي متل ما انت حسبتها اني بتمئلس عليك
ومتل ما انت الك عتب
انا كمان فيني عاتبك لانك انت واحد من الناس يلي بتشغل المسبات وئت بتكون بالمنصة
وسحب هويتك من الضباط بوحدة من المباريات بتشهد بهل الشي
وهي شغلة بتخصني الي اذا انا متعصب لنزار او لا
بس لما كان نزار برات النادي انا ماتركت النادي
وحاج حجج واوهام عايشنها انتو


انا اخدو هويتي او هوية ابن عمي لانو ما كان معي هوية ويومها لانو سبيت الحارس والله ما عاد اتذكر بانو لعبة يمكن مع الوثبة الله والعليم لانو ضيع وقت وكان عميلعب باعصابنا بعدين ياريت تفهمنا مين نحنا يللي عايشيين بحجج واوهام يا ترى هل نحنا القلة المندسة بين الجماهير ولا من جماعة عساف ولا الشومان ولا مين بدك انت والله عيب يللي ما بيجي على هواكن بتصنفوه متل ما بدكون سيد حسان انا بحترمك وبعرف انك ما بتترك الشاردة والواردة بالنادي والنادي فوق كل شي بحياتك وهو النمبر ون بس مو كل واحد خالفك بالراي هو عدوك كل واحد فينا اله رايي

[حسان الحسيني]

انا اخدو هويتي او هوية ابن عمي لانو ما كان معي هوية ويومها لانو سبيت الحارس والله ما عاد اتذكر بانو لعبة يمكن مع الوثبة الله والعليم لانو ضيع وقت وكان عميلعب باعصابنا بعدين ياريت تفهمنا مين نحنا يللي عايشيين بحجج واوهام يا ترى هل نحنا القلة المندسة بين الجماهير ولا من جماعة عساف ولا الشومان ولا مين بدك انت والله عيب يللي ما بيجي على هواكن بتصنفوه متل ما بدكون سيد حسان انا بحترمك وبعرف انك ما بتترك الشاردة والواردة بالنادي والنادي فوق كل شي بحياتك وهو النمبر ون بس مو كل واحد خالفك بالراي هو عدوك كل واحد فينا اله رايي

انتو يلي عم تسمونا انو نحن محسوبين على الكابتن
يا محلا هيك تهمة على ئلبنا احلى من العسل

[البوابة الدمشقية]

انتو يلي عم تسمونا انو نحن محسوبين على الكابتن
يا محلا هيك تهمة على ئلبنا احلى من العسل





أرفع راسك أنت عاشق ثاني افضل مدرب عربي 2007

وأحسن مدرب متطور بأسيا 2008

والنجم الاول بتاريخ الوحدة على الاطلاق

عدا عن أخلاقه الحميدة

وسمعته الطيبة

وقد اصبح اليوم حلم لكل جماهير الاندية السورية

بتدريب فريقها الاول



مو متل بعض جماعة بعكس هالكلام تماما