المساعد الشخصي الرقمي

مشاهدة النسخة كاملة : مــمــكـــن لــحـــظــة !!

حسن عوده
10-17-2007, 10:57 AM
الله يعطيكن العافية مشرفين و اعضاء و زوار منتدى البرتقال الدمشـــقي و كل عشـــاقـــه

لا اريد ان أذكــر أحـــد أن الوحـــدة هو الفريق السوري الوحيـــد الذي دخــل ذهبيات الكرة العربية في الحضور الجماهيري وكان بين أكبر 4 قواعد جماهيرية في الوطــن العربي
<< مع العــلم اننا كنا نفتقد للتتويج وكنا نتغنى بكأس أحرزناه بالتسعينات >>

اليوم فريقنا يحاول الصعود من هاوية مرعبة كادت ان تبتلعه في الموسم الماضي ويضع قدمه على سلم العودة للبطولات و الجماهير

اليوم فريقنا بحاجة الى الدعم أكثر من اي موسم آخر فلو أحرزنا دوري بدون جمهور لن يعترف التاريخ الا ان الوحدة أحرز الدوري .... لكن أن يعاني فريقنا من المشاكل والأخطار فلا يمكن للاعبين الصمود و التحدي الا باصوات الجماهير الهدارة في المدرجات

لا يمكن للاعبين ان يستمتعوا باللعب الا اذا شاهدوا الملعب باللون البرتقالي ... لا يمكن ان ينسوا مشاكلهم الا اذا شاهدوا ابتسامة أمل على وجه المشجعين والدمعة تقاوم السقوط على خدهم

لا يمكن لفريقنا امتلاك الشجاعة الا عندما يرون الجمهور يقاتل من اجل حجز مقعد في المدرج و يقاتل من اجل ان يرفع صوته فوق صوت الجمهور الخصم و يقاتل من اجل شحذ همة اللاعبين

متأسف على الاطالة في المقدمة لكنها كلمات أردت ان يتواضع أحدنا و يلتقطها من أرض المنتدى الراقي ويرفعها في سماء العباسيين عندما تدق الساعة معلنة مباراة للوحدة

اما الموضوع الرئيسي فيتبلور في وجود هذا المنتدى ....

ان هذا المنتدى و بكل الجهود المبذولة لرقي فيه يمكن أن ينقل كلمة جمهور غاضب و جمهور سعيد و جمهور متفائل و جمهور متشائم الى أذن الدكتور ممتاز و الى اعضاء مجلس الادارة

عندما نشاهد فريقنا يلعب و يقدم أداء الا انه يفتقد للتهديف او يفتقد الى صخرة دفاعية تشد ظهر الفريق فهذا بالتأكيد ليس خطأ كوستيكا

انا لم اكتب للدفاع عنه فانا لا اعرفه ولا تربطني صلة قرابة برومانيا كلها وانا اكتب لاقول لكم ان كوستيكا لديه لمسات ايجابية على اداء الفريق و من المتوقع ان يكون له مستقبل معنا اذا تسلحنا بهداف من طراز رفيع و انهينا الثغرات الموجود في ارض الملعب

بقاء كوستيكا او رحيله تقرره الادارة و بدورها الادارة منطقيا ستمنح الثقة بكوستيكا حتى تتعالى اصوات الجمهور هنا في المنتدى او هناك في الملعب مطالبة بازاحته ....

اذن فاصواتكم ليست مجرد همم للاعبين و ليست فقط مجرد معنويات للهدافين وانما صاحبة كلمة في القرار الاداري الذي يريد بالنهاية ارضاء الجمهور فالنادي ليس شركة للدكتور ممتاز او احد اعضاءه وانما وطن و عشق و قلب و وحب و هوى لاكثر من مليون دمشقي تسعى الادارة لارضاءهم .....

موضوع اقالة كوستيكا و الكلام عن ان طريق عودته من اللاذقية الى بوخارست فيما لم يعود بــ 3 نقاط قد تدفع الادارة التي قلنا اناها تريد ارضاء الجماهير الى اتخاذ قرار برايي سيكون خاطئ
<< عنوانه .... شكرا كوستيكا >>

اصوات جماهيرنا التي استنكرت اداء الشحمة والتي أأيدها فيها كنوع من الفورة على مصلحة النادي ونوع من القهر و الحزن ادت الى اتخاذ الادارة قرار باحضار محترفين لم يوقعوا لنادي وتركتهم كل اندية العالم لننظر نحن لهم صدقوني لن يكونوا افضل من ماهر او الخراط واننا سندفع رواتب لهم لنقول للجمهور ها قد اتيننا بمحترفين في محاولة لتخدير الجمهور الغاضب ريثما ينتهي الذهاب ......


زبدة الكلام ....
ارجوا ان تصبروا على كوستيكا و ان لا تبحوا اصواتكم في شتم هذا الرجل او الضغط على الادارة لاقصاءه فهذا ظلم بحق نادي طموح واعد يبدوا انه مع كوستيكا يمشي على خطى نيناد .... وفروا هذه الاصوات الشجاعة للشحذ المعنويات واطلقوها في كل زوايا العباسيين حتى يعود الوحدة الى عرينه الحقيقي

جمهور الشام للوحدة و بـــــــــــــس
wissam82
10-17-2007, 11:11 AM
يسلم تمك يا أخ حسن

والله كلامك رائع و واقعي كتير ...

لازم نكون نحنا كجماهير عامل شحن ايجابي للفريق والمدرب واللاعبين مو عامل سلبي .

بعدين ما لازم ننسى أبداً إنه من سوء حظنا إنه أول 3 مباريات كانت هي الأقوى والأصعب لفريقنا

والدكتور ممتاز ما وعدنا بالدوري هي السنة ,, وكمان كوستيكا قال بالأسبوع الأول من الدوري إنه بده أربع أسابيع أو خمس أسابيع على الأقل حتى يكون الفريق بحالة فنية جيدة ...
HasSsaN
10-17-2007, 11:18 AM
كلام جميل ,... بس ناقص الوعي من البعض او الأكثرية من جمهور النادي


الأستاذ ممتاز تصوروا كم اكن له المحبة هذا الرجل عندما انظر أليه اشعر النقاء و الإخلاص و الرياضة بحق انها الرياضة و الله يعطيه القوة لنشوف نادي الوحدة ككل كما تعودناه ....

انتظرو و اصبرو و تحلو بالصبر و لنكن مع نادينا أينمت كان

فهل هناك أجمل من أعلام البرتقالي ترفرف تحت سماء الشام :cry:
حسن عوده
10-17-2007, 11:23 AM
ايوه هيك ....هاد الكلام اللي بينسمع !!!!الله يا وحــداويــــة ......
عمر نصري
10-17-2007, 11:28 AM
هاد الصح صرلنا من أول الدوري و قبل عم نحكي بنفس الموضوع و أذن من طين و أذن من عجين
يعني الشباب ضايجة مظبوط حقها بس مو حقها مشان ضوجة تهد الفريق
و مع احترامي للكل
نص شباب المنتدى يمكن ما بيعرفو الوحدة غير من كم سنة
و اعمارهم من العشرين و نازل يعني ضوجة و فورة و ما عم يعرفو شو عم يقولو
و العتب كمان على الكبار اللي عم تعمل فتن بالمنتدى و تقوي براس فلان على علان
و الكل بيغلط و هالشي مو عيب
بس العيب نكمل بغلطنا
لازم نعترف و نرجع للمسار الصح
و نخلي هدفنا بالارتقاء بالمنتدى و اشخاصو (( و هي دعوة دعاها الاخ حسان الحسيني من اكتر من شهر ))
و الشباب التزمت فيها بس مع أول مطب رجعنا نحكي مع بعض على بعض


لازم نخلي شعارنا الوحدة أولا
الوحدة كنادي
الوحدة كفريق
الوحدة كعراقة و أصالة
لا علاقة له بأشخاص
أو أفعال و انما له علاقة باسم النادي الدمشق العريق
ذو المكانة العالية و الرفيعة بين الفرق
و صاحب اكبر قاعدة جماهيرية في سورية


كلنا أخوة
كلنا أصدقاء
كلنا وحداوية
كلنا إيد وحدة بتدعم نادي واحد


جمهور الشام الوحدة
و بس

:fb :fw :fl
M o H a M e D
10-17-2007, 11:35 AM
المطالبة برحيل كوستيكا مع احترامي لكل مين حكى بهالخصوص خطأ كبير و مطلب غير منطقي أبدا ...

حكيت بردود سابقة أنو الفريق مو سيء أبدا و قدم أداء مقبول جدا مع الأخذ بعين الاعتبار أنو كل مبارياتنا يلي لعبناها كانت هيي أقوى 3 مباريات إلنا بالدوري ..

ولو توفر عنا المهاجم ... ماحقول قناص .. بس مهاجم بيسجل من فرصتين غول كان ترتيبنا هلأ بين الخمسة الأوائل ...

مابعرف بخصوص المحترف يلي حيجيبوه شو وضعو ...
بس بما أنو حيخضع للتجريب و بما أنو صغير .. في احتمال ولو صغير يكون موهوب و ينمي موهبتو عنا و نستفيد منو ..
خاصة أنو هلأ مين ماكان بالهجوم من لاعبينا حيكون مضغوط كتير نفسيا من الجمهور و الصحافة و ... الخ
بقا برأيي خلينا نجرب هالمحترف عسى و لعل ...

و يعطيك العافية حسن على الموضوع و الكلام الراقي ... :f)

و وين يلي بدو ينزل على لعبة الكرامة ..؟!! :twisted:
حمودي اليوفاوي
10-17-2007, 11:36 AM
معاك حق حسنيعني حرام نظلم فريقنا ونطلب منو بطولة دوري .. وهو السنة الماضية نفد من الهبوط باعجوبة وهالسنة بلش الاعداد متأخر علما انو اول سنة اجا فيها نيناد .. ما اخدنا دوري .. اخدنا كااااس انا عن نفسي ما بطالب اكتر من مركز تالت لسادس يعني هاي مراكز مقبولةوبالعكس انا دافعت عن كوستيكا بعد الاداء الرائع اللي شفتو امام الكرامةبس انو يضيع مجهود فريق كامل لــ 3 مباريات بسبب لاعب واحد وهو مهمتو تسجيل الاهداف .. فهاد الشي مرفوض وخصوصا انو الفرص عم تيجيه .. ومافي احلى من هيك فرص ( انفرادات بالحراس )
حسن عوده
10-17-2007, 12:08 PM
هاد الصح

الله حيـــوا




نص شباب المنتدى يمكن ما بيعرفو الوحدة غير من كم سنة
و اعمارهم من العشرين و نازل


و أنا من جماعة العشرين كمان بس مو عيب شجع فريقي :f) ، و مو شرط كون سبب المشاكل على المنتدى :smile:




و الكل بيغلط و هالشي مو عيب
بس العيب نكمل بغلطنا
لازم نعترف و نرجع للمسار الصح

الله يديمـــــك شو فهمـــان :f)




و نخلي هدفنا بالارتقاء بالمنتدى و اشخاصو

معك حق وكلام رح يتطبق باذن الله





كلنا أخوة
كلنا أصدقاء
كلنا وحداوية
كلنا إيد وحدة بتدعم نادي واحد


جمهور الشام الوحدة
و بس

:fb :fw :fl




جمهور الشام للوحدة و بس
حسن عوده
10-17-2007, 12:15 PM
المطالبة برحيل كوستيكا مع احترامي لكل مين حكى بهالخصوص خطأ كبير و مطلب غير منطقي أبدا ...



و يعطيك العافية حسن على الموضوع و الكلام الراقي ... :f)

و وين يلي بدو ينزل على لعبة الكرامة ..؟!! :twisted:



معاك حق حسن يعني حرام نظلم فريقنا ونطلب منو بطولة دوري .. وهو السنة الماضية نفد من الهبوط باعجوبة وهالسنة بلش الاعداد متأخر علما انو اول سنة اجا فيها نيناد .. ما اخدنا دوري .. اخدنا كااااس انا عن نفسي ما بطالب اكتر من مركز تالت لسادس يعني هاي مراكز مقبولةوبالعكس انا دافعت عن كوستيكا بعد الاداء الرائع اللي شفتو امام الكرامة بس انو يضيع مجهود فريق كامل لــ 3 مباريات بسبب لاعب واحد وهو مهمتو تسجيل الاهداف .. فهاد الشي مرفوض وخصوصا انو الفرص عم تيجيه .. ومافي احلى من هيك فرص ( انفرادات بالحراس )

أهلين حبيب قلبي محمد شلونك ؟؟

و الله كلامك على العين و الراس و هاد الصح
وبالنسبة للعبة الكرامة والله ما حسنت لانه دوامي ببلش الاتنين مو الثلاثاء متل عندكن لانه عيدنا غيــــــــــر !!!! سامحنا و الجايات اكتر باذن الله


اما حمودي اليوفاوي ......
لك تطلع على ئبري شو انك بيانكونيري فهمان ....
والله ببصملك بالعشرة وكلامك كله صحيح .... ويمكن الادارة بتتحمل مسؤالية التقصير بجلب مهاجم والعودة الى الشحمة رغم تراجع مستواه سواء مع جبلة او تخبيصه في مباراته القليلة مع شباب الاردن ... لكن اللي صار صار هلأ وما في مجال نعمل شي لحتى يفتح سوق لانتقالات ولوقتها لازم نرحم كوستيكا اشوي و لازم نشد على ايدين اللاعبين كلهن و حتى الشحمة كمان معلش و ما بدي زكرك يا حمودي انه اليكس بحد ذاته تراجع مستواه و ضيع شغلات غريبة مع اليوفي بلعبة اودينيزي وروما و حرمنا من الفوز فشو رايك بنبيل ؟؟ ما يمكن يتراجع مستواه ؟؟؟ بس بهمتكن و دعمكن رح يتعب على حالهو يحط عقله براسه باذن الله
حسن عوده
10-17-2007, 12:26 PM
شباب عندي سؤال لو سمحتوا ؟؟
شو صار بموضوع لافتات التشجيع للاعبين اللي رح انحط صورهن عليها والله كتير رائعة هالفكرة ؟؟
SH@@MI
10-17-2007, 12:48 PM
الحكي اللي انقال كلو صحيح
كوستيكا ما لازم نتخلى عنو بأي شكل من الأشكال
وتاني شي أهم شي رأس حربة جيد وعالسريييع
لأنو بهيك هجوم مارح نحط ولا كول بالدوري غير من كرات ثابتة أو شوطة من بعيد وهي قليل لتصير
وغير هيك الفريق جيد جدا الوسط والدفاع والحراسة حتى ماشي الحال
:fw:fl:fb:fw
حسن عوده
10-17-2007, 07:00 PM
الحكي اللي انقال كلو صحيح
كوستيكا ما لازم نتخلى عنو بأي شكل من الأشكال
وتاني شي أهم شي رأس حربة جيد وعالسريييع
لأنو بهيك هجوم مارح نحط ولا كول بالدوري غير من كرات ثابتة أو شوطة من بعيد وهي قليل لتصير
وغير هيك الفريق جيد جدا الوسط والدفاع والحراسة حتى ماشي الحال
:fw:fl:fb:fw

كلامك على الشوارب يا شامي
بس هلا في الغيني اللي عم يتدرب معنا عم بيقولوا انا احسن من تراوري باييم عزه بس المشكلة انه مو راس حربة يعني متل ماهر بس بيلعب على اليمن
RAqlin
10-17-2007, 07:23 PM
اللهم أحمي الوحده
سعدي
10-17-2007, 08:08 PM
كلامك كتير حلو
و كلام عاقلين
و اغلب الشباب بعد اللعبة بيوم او يومين رح يأيدوك
بس لو منزل هيك موضوع اول ما خلصت لعبة الكرامة يمكن كان صعب ياخد كل هالتأييد
الجمهور بطبيعتو انفعالي .. .
بس اكيد الكل بيحب الفريق و بيتمنالو الخير
و الدليل التواجد الدائم للجمهور عالمدرجات


مشكور حسن
kashi
10-17-2007, 09:09 PM
كلام اكثر من رائع اخي حسن والله كلامك كبير متل جمهور الوحدة ويدل على انك وحداوي اصيل
محمد حجون
10-17-2007, 09:25 PM
يا الله يا شباب عن جد الدم بيحن وبيظل برداقاني لو شو ما صار الله يديم المحبة بين جمهورنا الغالي ويرجع متل ما كان يعبي العباسيين بكل مكان اخ اخ اخ نفسي شو ف الملب متل ما كنا متعودين نشوفوا متروس على الاخر واذا ما خاب ظني اخر مبارة كان الملعب فيها كومبليه هية لعبتنا مع القرداحة موسم يلي اخدنا فيه الدوري وقتها انتهت واحد صفر من ضربة جزاء با لوقت بدل الضائع لوليد اخ اخ يا شباب عبا اكتب واتزكر هديك الاحظات الله يذكرك با لخير يا نيناد ونرجع متل هديك الايام
حسان الحسيني
10-17-2007, 09:48 PM
الوحدة اولا واخيرا
wassim80
10-17-2007, 10:52 PM
يسلمو ايديك كلمات حلوة ومرتبة وموزونة .........................
الرومانسي الحزين
10-18-2007, 02:40 AM
انا بايد كلام سعدي لانو نفس الكلام انا قلتو بعد اللعبة ضاجو علينا الشباب
بشكرك يا حلو على الموضوع الرائع
EmadAsfour
10-18-2007, 07:49 AM
انا من جهتي عم دور على فرص
دائمة من اجل حضور مباريات البرتقالي

يجب ان يعود الفارس الدمشقي الى مكانه المعهود والصحيح
شكرا حسون على هذه الكلمات الرائعة
ahmada
10-18-2007, 08:36 AM
لازم يكون بالنادي لجنة خاصة بالاحتراف، تتأكد من جاهزية اللاعبين قبل توقيع العقد النهائي معهم، حتى مانشوف أمثال الشحمة يلي لحفظتوا كل الاندية، عبيلعب وياخد محل لاعب يمكن يكون أحسن منوا
حسن عوده
10-18-2007, 10:42 AM
كل الشكر و التقدير لكل وحداوي أصيل شارك او قرأ هذا الموضوع و وافق على ما كتب فيه

انا فخور جدا بتثبيت الموضوع لانه يدل على ما ذكرناه من عقلاني ةالمشرفين و الاعضاء اللي عنا و رقي مستوى الحوار عنا

شباب بتمنى من كل واحد وحداوب وبترجاه و الله يخلليه و يوفقه مشان الله لما يكون الوحدة لا سمح الله خسرا نحاو ما تكتب موضوع

حاول لما تشارك برد يعكس رايك باداء مو يعكس امنياتك لانه هالشي هوه اللي عم يخللي المواضيع تتحول الى مهاجمة و استفزاز و مناكفات سلبية

مشان الله لما تشاركو برد اتذكروا انه الوحدة و بس وانا شخصيا غلطت و حكيت بعصبية و كترنت حكي بس مو عيب نعترف بالخطأ

و نحنا ما بهمنا اسماء و ما بهمنا شخصيات المهم هوه الوحدة

وارجوا انه كمان نقترح شو في عنا الفكار للرقي بجمهورنا الكبير والوقوف جنب النادي وبرجع بذكر بفكرة حبيبنا حسا حسيني بالنسبة لصور اللاعبين واللافتات
ما تحرمونا من اراءكم مشان الوحدة شباب


جمهور الشام للوحدة وبس
حسن عوده
10-19-2007, 02:57 PM
شباب مشان الله ....

معلش نتحمل كمان اسبوع ؟؟ بس اسبوع واحد وبعد هيك انا اول واحد رح يطفح معي الكيل

بس لانه في شغلة لسه ما دوزناها تمام هيه الناحية المعنوية "والله بعرف اني عدت هالكلام اليوم شي 5 مرات "

بس لانه كتيير مهم قبل ما نتسرع .... اذا في مجال الاخ حسان حسيني ورابطة المشجعين ينسقوا قعدة بين اعضاء من المنتدى و بين المدرب و اللاعبين باسرع وقت لحتى ننقللهن دعمنا و تايدنا الهن و التاكيد انه نحنا جنبهن و بعدها لكل حادث حديث ....
Zizou
10-19-2007, 03:31 PM
[CENTER]
[SIZE=7][COLOR=DarkOrange]معلش نتحمل كمان اسبوع ؟؟ بس اسبوع واحد وبعد هيك انا اول واحد رح يطفح معي الكيل

لك أخي أنت أعد بالأردن مافي على بالك هم لا حلبية ينطوطو بوشك و حماصنة يشوفو حالهم على واعة وسخة ولا هم يحزنزن أما نحنا يللي مننزل لنتمشى بالشام منلاقي يللي اصلو حلبي وحمصي فرحانين بنتائج فرقهم ونحنا صرلنا سنتين عم ناكل ...........
بثا اتركنا بهمنا الله يخليك
suliman
10-19-2007, 03:44 PM
كوستيكا أكيد عم يعمل هلي عليه بس المشكلة بالأيادي الخفية اللي عم يكون ألها تأثير على تشكيلة الفريق ؟؟؟
وأود أن أطرح سؤال اللي هوة أنوفي عدد منيح مناللاعبين أبناء النادي ما كانوا موجودين على دكة الاحتياط في لعبة الكرامة العاقل العاجي المعتوق؟؟؟؟؟؟؟؟؟؟
محمد ضياء
10-19-2007, 04:54 PM
بغض النظر ان المدرب اثبت فشله

لكن اللوم الاول والاخير على

من يضع التشكيلة وان متأكد

من جميع الوحداوية انهم يعرفونه

لاداعي للصمت بعد الان كفانا

بهدلة ومسخرة
alwassouf
10-19-2007, 05:46 PM
لا تعليق لانو السبب معروف
حسن عوده
10-19-2007, 11:03 PM
بثا اتركنا بهمنا الله يخليك

حــــــــــاضــــــــــر





لاداعي للصمت بعد الان كفانا

بهدلة ومسخرة

و ليش حضرتك تلتزم الصمت عن اسمه ؟؟؟
حسن عوده
10-19-2007, 11:04 PM
لا تعليق لانو السبب معروف
اخي انا ملاحظ انه عندك 79 مشاركة منهن 78 مشاركة كلمة لا تعليق !!!

ممكن تتحفنا بشي فكرة بدل ما تلتزم الصمت انت كمان لانه انا واحد من الناس جاهلو ما بعرف بالسبب اللي عم تقول عنه معروف بئى خدني على قد عقلي . ...
orang
10-19-2007, 11:43 PM
انا اسف بس انا بعف لمنتدى من الشتوية الماضية تقريبا بس والله انو نحنا هوون منكتب بس ومن هااااجي من حرقة قلوووبنا ومن محبتنا لللنادي بس الفكرة انو معقووول لك فوووز واااحد بس يعيد علينا بهجتنا صرلنااااااا شهوووور عم نحلم فيه وكل مبارة منقوول ومن وااااسي حااالنا يلااا انشاء الله اليوم منرفع الراية ومطلع منصورين ومن عمر السهرة للصبح كرمال الوحدة ومنطلع من الملعب عم نغني ومنطللع بكل شوارع الشام عم نغني فرحااانيين عم ننادي زينتي الشام طيب وبعدين والله مو رايحة الاااا علينا نحنا الجمهووور كل مبارة هيك بيصير طيب وبعدين ما كنا نخلص من كلمة تعادل يلي هي دااا ئما ارحم من الخصارة المرةةةة كتير يلي خلت جمهور الكرامة بنهاااية المبارة يتمصخر علينا ويقول مهليش شو صار الوحدة متل النلر ولااااا شو رايكن بس ردوو معانا حق ولااا لاااا لما بيكون الكووول امام الا عبين ماااافي الدومري وبترووح الفرصة بالبحر شي بيحرق القلب ولااا لاااا بس كلمة اخيرة و اللله والله انو كلنا منحبك يا وحدة بس على الاقل ف ر ح و ن ا ا وقلعو عين العدا بالذهاااب ولو بالمركز الثالث وتحية لكل مين قرا وشكر خااص لادارة المنتدى يلي خلتنا نعبر عن رايناااااا مشكورين جدا جدا مع تحيات orng حتتى الصباح
SH@@MI
10-20-2007, 12:08 AM
أاااااااااخ أااخ
برجع وبقول
مشكلتان بس بقلب هجوم
بدنا لاعب اجنبي
قلب هجوم حريف
لأنو شفنا بلعبة الكرامة وبالاتحاد وبالجيش حتى
كيف الفريق منيح بس الهجوم هو اللي ناقصو
_________________
:fl:fw:fl