شريف الشريف لم يجدد مع الجلاء ..

[هنو]

خاص و حصري

بعد تداول خبر توقيع الحريف شريف الشريف مع نادي الجلاء لأربع مواسم قادمة و للوقوف عند صحة الخبر أجرينا اتصال هاتفي مع الحريف شريف أكد من خلاله أنه لم يوقع مع أحد إلى الآن و همس أنه مل من الغربة و اشتاق للشام و لعشاقه جمهور الوحدة

فهل سنراه بقميص البرتقالي من جديد

هذا ماسيعلمنا به الكابتن شريف خلال أسبوع حيث أكد أن موقع وحداوية نت سيكون أول من يعلم

[SH@@MI]

ان شاء الله
شريف بقميص البرتقالي

[ابو وسام]

اشتقنالك يا شريف

[جيرارد]

اي انشاء الله بيرجع على بيتوا

[-Halola-4444]

هاد كلام بينسمع
انشالله يرجع
والله انو هو حريف حقيقي
شريف عم نستناك بالوحدة عن قريــــــــــــب
:))

[bmekhaled]

أهلا و سهلا يا شريف

الله يعلم محبتك و غلاوتك بقلوبنا

و كل كلمة منحكيها والله العظيم هي من حبنا اولاً و أخيراً لنادينا

بتمنى نخلص من قصة الجلاء و نشوفك اليوم قبل بكرا عنا

[نستول]

ان شاء الله بترجع نوارسنا المهاجرة لعشها لانو هنن التنين بحاجة بعض

[الكتلوني]

انشا لله خير حيرتونا بس عساس اتفق مع الجلاء لا أربع سنين

[عيون برتقالية]

هداف حريف منحبك ياشريف
:lol::lol::lol::lol::lol:

[wassim80]

ان شاء الله بترجع نوارسنا المهاجرة لعشها لانو هنن التنين بحاجة بعض

هالنورس بيكفي , والباقي مو لازمينا :))

[W@SEEM]

الله يسمع منكن وإن شاء الله شريف برتقالي بالموسم المقبل

[عمار عبار]

الله يتمم الامور على خير
ويكون شريف وحداوي

[رامي الوحداوي]

إن شاء الله بيرجع

[wissam82]

الكابتن شريف راجع أكيد بإذن واحد أحد

وحكيت هالكلام من نص الموسم المنصرم ..:))

[Nassib kabbani]

وانا اتصلت اليوم بالحريف واكدلي نفس الكلام

[الساهر12]

جمهور الشام شتقلك ياحريف

[nemr]

يارب يرجع والله اشتقنالو بالبرتقالي

[DIABO MAN]

اذا بده يرجع رح يرجع انشاء الله

[ابن الشاغور الوحداوي]

والله هالشريف ما بيلبقلو غير اللون البرتقالي
:ban:ban:ban:ban:ban:ban:ban:ban:ban:ban
هداف حريف علمهم يا شريف

[Orange Blood]

ما بعرف شو عم يصير بالضبط

بس شو عم يستنو

لازم شريف يرجع لبيتو البرتقالي

[محمود الصفدي]

أنا شاء الله الموسم القادم بيكون الشريف واحد من نجومه

[وسيم م]

بتمنى من المشرفين الأعزاء

أنو يتأكدوا من أي موضوع قبل ما ينزل مشان ما يعمل شوشرة

يعني مبارح كان في موضوع أنو شريف باقي مع الجلاء اربع سنوات تانيات

و بلشت العالم الشاطر يلي بدو يسبو و يحكي عليه للزلمة

و انا عندي علم انو الزلمة بدو يرجع السنة الجاية على الوحدة

طيب نحنا منتدانا ما لازم يكون منبر للسب و الشتم على رموزنا على الأقل

أو يكون وسيلة ضغط على لاعبينا

يعني يلي بدو يسب و يشتم

مو هون مكانو

نحنا لازم نطبق الأحتراف قبل اللاعبين بهيك شغلة

مزبوط ولا انا مو غلطاااااااااااااااااان

[أسامة]

والله بآخر مباراة للجلاء مع الفريق الفلبيني وشريف قلب المباراة بعدها بنقول انه شريف لاعب لابد من التعاقد معه

[jeel_music]

استسمحكم بهذا الرد

بس شريف لو عاد للوحدة فده لان الجلاء لا يريده ولو ان الجلاء دفع شريف سيبقى في حلب

وهاد حقو الطبيعي ولا نستطيع سوى الدعاء له بالتوفيق

اعتقد انه من الاجدى العمل على اكتشاف شريف جديد من وسط المواهب

اعتقد ان ده حيكون انجح وارخص وافضل للمدى البعيد

[endless_lionheart]

يالله يارب تظبط ويرجع لناديه

[وحداوي انا]

بانتظار الخبر الاكيد

بعودة الشريف للعب مع الوحدة

[العرقسوسي]

وحداوي أصيل شو ما صار يصير
أهلا وسهلا ببيتك الأصلي يا شريف

[نستول]

هالنورس بيكفي , والباقي مو لازمينا :))
يعني مامرئت :mrgreen:

[kashi]

هذا كلام حلو

[ابن الصالحية]

إن شاء الله يرجع لبيتو

[هنو]

اخ وسيم م
انا اتصلت بالكابتن شريف بعد ماشفت انو أحدهم نائل موضوع خطأ من موقع رياضي فاتصلت بشريف وأكدلي انو بعدو ماوقع مع حدا (وأنا مسؤول عن كلامي) بس لنحط اعضاءنا كعادتنا بالصورة الصحيحة

[ابو احمد]

الله يخترلو الخير بيستاهل شريف

[bmekhaled]

اخ وسيم م
انا اتصلت بالكابتن شريف بعد ماشفت انو أحدهم نائل موضوع خطأ من موقع رياضي فاتصلت بشريف وأكدلي انو بعدو ماوقع مع حدا (وأنا مسؤول عن كلامي) بس لنحط اعضاءنا كعادتنا بالصورة الصحيحة

معلمنا هنو
أنا ما نقلت موضوع خطأ
الموضوع هاد هو و على ذمة موقع يفترض مصداقيته معقولة خاصة أنو مدير الموقع اللي أنا نقلت منو كلنا منعرفه و هو المدير السابق لمنتدانا هاد و بالنهاية إن كان صح أو غلط فهو على ذمة المنقول منه

و طبعاً أنا متل العادة لما أنقل موضوع بحط المصدر و التاريخ و بنسخه متل ما هو بدون إضافة شي و إذا حبيت ضيف تعليقي الخاص فبكتب بعد أول مشاركة

هاني أنت اكيد بتعرف من متابعتك للمنتدى إني بتمنى شوف شريف الشريف اليوم قبل بكرا بالنادي و مقتنع انو هو إضافة مهمة لفريقنا
و يوم المؤتمر كنا عم ننتظر خبر مفرح بكرة السلة و على لسان أبو أنس قال بعدين أنو هو التوقيع مع شريف و لما سألته إذا هالشي أكيد فللي أنو هيك قللو عامر اللي هو بالجو طبعاً

طيب هي لهلأ ما سمعنا شي

و أنا رأيي كان و ما زال و على شريف و على غير شريف
ما بيصير نحنا كنادي تكون خطة عملنا بهالشكل و لا حتى أنا لهلأ فهمان موقف شريف

يعني إذا شريف منتهي عقده مع الجلاء و حابب يرجع و نحنا بدنا ياه شو المشكلة لكن ؟؟
و إذا شريف حاطط رجل هون و رجل هنيك فنحنا ما بصير يكون موقفنا انتظار إدارة الجلاء لتشوف حالها بدها ياه أو لأ ! و كأنو نحنا الـ Plan B تبع شريف و برجع و بقول ما عم خص شريف بهالنقطة بالذات لكن حالياً هو حديثنا

مزبوط أو أنا غلطان ؟؟

و طالما أنت بدك تحطنا بالصورة الصحيحة طيب يا ريت تسأله شو الوضع هلأ ؟
شو مشكلته ؟ وقع مع الجلاء و بدو يتراجع ؟ أو مختلف مع نادي الوحدة عالمصاري مثلاً أو على غيرها ؟ أو لسه عم يفكر و متحير بين الفريقين ؟

و بصراحة أنا ما انتبهت أنو الموضوع انحذف و للأسف أنا هلأ اتضايقت من هالقصة و ما بعرف مين حذفه
أنا هالمنتدى كتير بحبه و بحترم سياسته بس أنو ينحذف الموضوع بهالطريقة بدون ما يرسللي مثلاً الشخص اللي حذفه ليش انحذف أنا مستغرب منها
و يا أخي إذا في إساءات للاعب صدرت عن ناس شاركت بالموضوع كان بكل بساطة ممكن تنحذف هالردود و ينحط رد بالتزام الاحترام بالردود و إبداء وجهة النظر بدون تشهير أو سب

و رح قولها للمرة المليون أنا ما بحب غير نادي الوحدة و مصلحته عندي فوق أي شخص مين ما كان يكون

[wissam82]

روء أبو الخل ،، وأكيد ما حدى شكك فيك أو بكلامك ومصداقيتك أبداً ..

الموضوع أنا حذفته لأنه تم نفي يلي فيه على لسان شريف نفسه يعني مشان ما يصير تضارب
بالأخبار وتشتيت للناس يلي عم تقرأ ،، وحقك عليي انه ما بعتلك رسالة وضحتلك هالشي
بس توقعت انه توصل الفكرة ..

ع العموم حصل خير يا غالي ،، إذا بدك رجع الموضوع تكرم ،، بس الفكرة كانت انه ما يصير
تضارب بالأخبار ،، وخاصة انه كتير أحيان بتكون أخبار المواقع والجرايد غير صحيحة وملطوشة
من المنتديات الجماهيرية ،، يعني ممكن شي عضو يكتب شي إشاعة بالمنتدى يروح يلطشها
الصحفي ويعملها خبر بموقعه أو جريدته ..:))

وشريف ما بعرف ليش لهلئ ما تم التوقيع معه بشكل رسمي
مع انه الأمور من أشهر كانت منتهية ع أساس ،،!!!

بس عنجد بنادينا ما حدا بيقدر يعرف ويفهم شو عم يصير قد ما كان قريب من الجو ..

[bmekhaled]

حبيبنا أبو أنس
أنا بقمة الرواء الله وكيلك

أنا متل ما قلت كتير بحترم سياسة الموقع
و صدقاً صار اليوم اللي ما بدخل فيه عالمنتدى بحس في شي كتير مهم ناقصني

بس عمي وسام أنا ما عم أفهم قصة حذف موضوع
أو أنو نكتب شي بأي موضوع او مجال أو ما نكتب لأي سبب كان

أنا من رأيي لازم كل شي ينكتب طالما ما في إساءة لأحد
و بتبقى مصداقية الموضوع على ذمة المنقول منه

يعني أولاً و أخيراً كلنا قدرانين نفتح شو ما بيخطر على بالنا من مواقع
و أنا دائماً بحب كل شي يكون عنا هون بالمنتدى
لأنه اللي رح يدور على شي ما يلاقيه ما في أسهل منها يشوف غير مكان
و اللي ما بدنا نحكيه هون رح نلاقيه أول على آخر

يا سيدي الكريم لنرجع لموضوع شريف

الموقع اللي نقلت منه الخبر حاطط لقاءات كاملة مع كذا لاعب من الجلاء أثناء وجودهم بقطر
و أنا تعمدت حط اللقاء كامل و ليس فقط الكلمتين اللي بيهموننا منهم
حتى ما يتم فهم الموضوع بناء على جزئية صغيرة منو

أنا صرت حاكي برأيي بقصة شريف مليون مرة
نحنا كنادي المفروض عم يتم التحضير للموسم القادم و المواسم اللي بعده
و لازم يكون في استراتيجية محددة لبناء الفريق و تحضيره

و معناها نحنا أمام حالتين إما تم التقييم على أنو نادي الوحدة بحاجة شريف أو لأ

إذا بحاجته معناها المفروض تكون الأمور منتهية من زماااااان و أول واحد
لأنو منعرف أنو شريف انتهى عقده مع الجلاء
معناها شو المشكلة ؟؟؟؟
مشكلة مصاري ؟ هل شريف وقع مع الجلاء متل ما انحكى و ما عرفان كيف يملص ؟ ولا شو في ؟؟
يعني توقعت شريف تاني يوم يخلص عقده مع الجلاء يكون موقع معنا

الحالة التانية يكون نادينا شاف أنو نحنا ماننا بحاجة شريف
معناها ليش هالعي ؟ خلص قولو شريف لا يدخل بخططنا و مع السلامة

و أنا أولاً و أخيراً ما بتهمني غير مصلحة النادي و هي فوق أي شخص أو لاعب
و الشي الأكيد نحنا لما نحب أي لاعب فالسبب الرئيسي هو لبسه للقميص البرتقالي

ببساطة أنا ضد مبدأ يكون نادينا على الفضلة
و ما بيصير يكون موقفنا هو انتظار إدارة الجلاء و جهازه الفني يشوفوا أمورهن
هل بدهن شريف أو لأ
و ساعتها شريف بيشوف حاله بدو الوحدة أو لأ

بتمنى تكون فكرتي وضحت
و معلمنا أبو أنس أنت بتمون علينا كلنا

[wissam82]

فهمان عليك أبو الخل

والموضوع رجعته يلي بقسم السلة ..

مع اني بتوقع انه كاتب الخبر بياغوول غير دقيق بكلامه
أو شريف الشريف حاطط بباله شي معين ..!!! الله أعلم والأيام الجاية بيبين كل شي ..

[bmekhaled]

أبو أنس أنا آخر همي ترجيع الموضوع من عدمه الله وكيلك
و إذا برأيك أنو الموضوع ممكن يعمل أي مشكلة فمعلش حذفه مانها قصة أو على الأقل قفله و خلصنا

اللي بيهمني ينفهم شو قصدي
و أهم شي أنك فهمت انت عليي شو الفكرة اللي عم أحكي فيها

على كل حال
يسلمو ايديك و الله يعطيك العافية على كل جهودك بالمنتدى

و آخر كلمة بئى رح احكيها بالموضوع
أنا برأيي (الخاص طبعاً) لو شريف ما قال هالحكي ما كان كتبه صاحب الموضوع

[أبو همام الوحداوي]

شريف الحرّيف

نشالله منشوفك عن قريب مع البرتقالة

صحيح أنو خطأ شريف اقل من خطأ ماهر بس بيضل ترك النادي خطأ

ليش يا جماعة منسامح شريف :f)

وما منفكر بنوب نسامح السيد

اعذروني ياجماعة :

بدها تفكير

:f)

[هنو]

ابو الخل الملك

انا ما فصدتك الك

انا تاني يوم اتصلت بوسيم و خبرتو انو نازل عندو موضوع مالو صحيح بال 100 100

فشكرني

انا ما قصدتك الك بكلامي انا قصدت ياغول

انت بتعرف معزتك الغالية بقلبي

و بعرف انك وحداوي وحداوي وحداوي

و بعرف انك مرحب برجعة الحريف

هلأ الي صار انو شريف قالي ما وقعت مع حدا لسا و صار لازم نرجع ع الشام حاجتنا

هلأ ما فينا نفهم من كلامو غير انو شريف الشريف راجع ع الكيد

بس للاسف صرت خاف من هالايام الةسخة

و ما بعرف شو هية مفاجآت الزمن

مشان هيك ما أكدت رجعتو بالمية مية


و ع راسي ابو الخل :f)

[bmekhaled]

حبيبنا هنو
متل ما بعرف معزتي عندك فأنت أكيد بتعرف معزتك بقلبي أنت و كتير من شباب هالمنتدى الغالي

أنا ما بعرف إذا انفهم من حديثي أول مرة أنو أنا معصب لا سمح الله

كل القصة و ما فيها إني أنا استغربت حذف الموضوع
و ما عاد بدي احكي كتير فيها لأنو بالمشاركات الأخيرة وضحت وجهة نظري تماماً

بس لأنهي حديثي بموضوع شريف ...
أنا برأيي في شي مو مزبوط عم يصير
و لو كان شريف حاسم أموره متل ما عم يحكي و حابب يرجع عالوحدة لكانت الأمور منتهية

و عموماً الله يقدم اللي فيه الخير للوحدة أولاً و أخيراً

و يا خبر اليوم بمصاري بكرا ببلاش

إذا شريف بدو يرجع و نحنا كنادي بدنا ياه فالله يتمم على خير و مليون أهلا و سهلا
أنا شريف كتير بحبه كلاعب و الزلمة دائماً بينمدح فيه و بأخلاقه
و إذا غير هيك من طرف نادينا أو من طرف شريف فالله يوفق كل واحد بشغله و حاجتنا صد و رد

و عمي هاني أنت على راسي من فوق و 100 وردة هنو الغالي

:f) :f) :f) :f) :f) :f) :f) :f)

[هنو]

ع الراسي ابو الخل الملك انا حاكيت شريف بواجد الشهر وقالي عشر تيام بخبرك ع الأكيد انا وقعت مع مين

فوينك يا ١١ الشهر

يلا عضة كوساية

[هنو]

ع الراسي ابو الخل الملك انا حاكيت شريف بواجد الشهر وقالي عشر تيام بخبرك ع الأكيد انا وقعت مع مين

فوينك يا  الشهر

يلا عضة كوساية

[-Halola-4444]

شو عم يلعب بأعصابنا؟؟!!
منتمى خير

[وسيم م]

حبيبنا هنو

الله يعطيك العافية على كل حال انا يلي قصدتو

مو مصداقية الموضوع من عدموا انا قصدت بعض الأعضاء عنا بالنتدى يلي بيطبقوا نظرية معون معون عليهون عليهون

يلي عم تسب الاعبين الموز تبعاتنا هيك قصدي

انو نوقف عن هي المهاترات يلي ما بتفيدنا ولا تفيد النادي

[هنو]

حبيبنا هنو

الله يعطيك العافية على كل حال انا يلي قصدتو

مو مصداقية الموضوع من عدموا انا قصدت بعض الأعضاء عنا بالنتدى يلي بيطبقوا نظرية معون معون عليهون عليهون

يلي عم تسب الاعبين الموز تبعاتنا هيك قصدي

انو نوقف عن هي المهاترات يلي ما بتفيدنا ولا تفيد النادي

الحق معك اخ وسيم

جمهورنا عواطفو بتحركو

و ع راسي :))