شاركونا بفك النحس يا وحداوية [الأرشيف]

مشاهدة النسخة كاملة : شاركونا بفك النحس يا وحداوية

وحداوي موت

10-16-2007, 05:50 PM

مرحبا يا شباب
بداية ما بعرف اكتب مقدمات لهيك موضيع
بس كل المووضع هو انو بمعيتكن بدنا نلم حق خاااااااروف وندبحوا باباذقية بلعبة حطين
لانو لازم نعمل شي لنفك النحس عن الفريق
الفريق عم يلعب لعب حلو واحسن من السنة الماضية بكتير
لعيبة عنا ونجوم عنا
بس لهلا النحس ملاحقنا
بركي بمعيتكن وبمصاريكن الحلال
منقدر نلم حق خاروف وندبحوا بلالاذقية ويكون فاتحة خير النا والكن
من سنتين دبحنا خاروف وعملوا عزيمة للاعبين عليه والحمد لله يوميتها فزنا
ومرة بحماه دبحوا خاروف وفزنا على الحرية ب3 اهداف للمحملجي
بقا شباب بركي اذا منقدر نعمل لمية بيكون كتر الله الف خيركن
شوفوا كل واحد بدو يتبرع يحط المبلغ يلي بدو يتبرع فيه رد هون بهدا الموضوع
الخاروف خقو عشرة الاف ليرة وتاذا طلع المجموع باذن الله اكتر من عشرة يلي بدو يتبرع يحط بركي منعملن بدال الخاروف خاروفين
واذا ما صاروا عشرين مندبح خاروف وادامو شي جاجة او جاجتين :mrgreen::mrgreen::mrgreen:
عم امزح شباب يالله باذن الله رح نوصل للمبلغ المطلوب
يلي رح يقوم لعملية لم المصاري حسان حسيني الله يعطيه الف عافية

بلشنا شباب قولوا الله التضحية محللة عند رب العالمين لا حدا ينسا هل شي
ويلي بدو يعمل خير معنا يدفع

وحداوي موت

10-16-2007, 05:51 PM

انا مني حطيت الف ليرة رح عطيها لحسان
بقيان تسعة الاف

حسان الحسيني

10-16-2007, 06:38 PM

ومني 500
والخاروف رح يندبح بلعبة تشرين بالشام
ومنوزع اللحم تبعه ع شي جمعية خيرية

سامي حرح

10-16-2007, 07:32 PM

اذا ضل كوستيكا...
ديناصور مابيكفينا...لفك النحس
لك النحس هو كوستيكا..فكو بقا ..حاجتنا انتيكا

messi

10-17-2007, 06:39 PM

سيمو مشان الله حاجة علاك
يا احكي متل العالم يا نقطنا بسكوتك

شباب الله يعوض عالجميع وانا اذا كنت مرتاح بخبر حسان مباشرة

وحداوي موت

10-17-2007, 06:41 PM

ميسي منك بتكفي مشاركتك الحلوة
الله يوفقك ويرزقك يا رب

عالم آخر

10-17-2007, 06:46 PM

عنجد الفريق كتير بجنن هيك بس ناقصو التركيز واللعيبة ماتشوف حالا الكل يأدي يلي عندو وهاد هو المطلوب لأنو الصراحة ما عمنشوف لحد الآن فريق عميلعب بس مجرد شبه باصات شبه رفعات شبه ؟؟؟؟؟!! لعب أقرب إلى كرة القدم والمطلوب التركيز وبس.. وحداوي أصيل شوما صار يصير.

حسن عوده

10-17-2007, 06:51 PM

هلا انا ما بعرف ليش عنا اي موضوع بعد تالت مشاركة بيخرج عن صلبه وببطل الاعضاء تحكي بالموضوع الرئيسي

الموضوع انه الشباب بدها تجمع حق خارووووووووف اللي بده يدفع كتر الله خيره و اللي مابده مافي داعي يتحفنا بتحليلاته الفنية لمبارات الوحدة والشؤون الفنية للنادي

سامحونا شباب ...
وانا رح حاول عن طريق المسنجر من الشباب اعرف اذا بقدر ساعد و شلون

وحداوي موت

10-17-2007, 07:07 PM

والله يا حسين منيح يلي مالي كاتب موضوع اختيار المدربين
كتبنا موضوع يلي بدو يدفع يدفع ويلي ما بدو يدعمنا معنويا على الاقل وخلصنا من هل شغلة كلها
صار حتى الخاروف برقبة كوستيكا

حسان الحسيني

10-17-2007, 07:11 PM

طيب مو مشكلة حئ الديناصور
500 الف شاركو معنا
المهم بدنا ندبح شي ونشوف دم
دم دم دم دم دم دم دم دم

حسن عوده

10-17-2007, 07:15 PM

والله يا حسين منيح يلي مالي كاتب موضوع اختيار المدربين
كتبنا موضوع يلي بدو يدفع يدفع ويلي ما بدو يدعمنا معنويا على الاقل وخلصنا من هل شغلة كلها
صار حتى الخاروف برقبة كوستيكا

معلش الشباب لساها حميانة وما عم تجاوب معاها المواضيع اللي نزلناها بهالخصوص

بدها طولة بااال

موفقين انشاء الله بينفك النحس

هنو

10-17-2007, 08:05 PM

قولوا الله يا شباب

الموضوع عم يحكي عن الخاروف و فك النحس

لا دخل كوستيكا و لا غيرو

بعدين ليعلم الجميع ان كوستيكا ممتاز

و ليس بيد الاداراة الآن افضل منه

المدرب كان ممتاو بلعبة الكرامة حسب فترة الاعداد مع الفريق

alwassouf

10-17-2007, 08:21 PM

الله يعطيك العافية ياعامر
بس ياشباب لاحدا يسب المدرب والله الفريق كتير منيح
بس مافي توفيق

Gazwan

10-17-2007, 11:46 PM

أنا جاهز من الليرة للعشرة
بس مع مين بدي أحكي ؟
و لمين بدي أدفع ؟
بالنسبة للمدرب أنا ما قلت عنو أنو مو منيح
بس أخط بالمباريات الثلاث
بلعبة الجيش لحش الخالد أحمد لآخر ربع ساعة
و بلعبة الاتحاد مع أني ما شفتا خربط بالتبديل متل ما سمعت
و بلعبة الكرامة تبديلاتوا خيالية
بهيك لعب ما لازم نجرب لاعبين
كوستيكا لستلم الفريق متأخر و ما كان عندو خيارات بالنسبة لإنتقاء الاعبين
بس لعب كم مباراة كان ممكن يستقر على تشكيلة ثابتة .

وحداوي موت

10-18-2007, 07:34 AM

غزوان كتر الله الف خيرك ويعوض عليك القرش بعشرة
حبيبي اذا بدك تدفع ابعت رسالة لحسان حسيني وبتتفق انت وياه

EmadAsfour

10-18-2007, 07:54 AM

اذا ضل كوستيكا...
ديناصور مابيكفينا...لفك النحس
لك النحس هو كوستيكا..فكو بقا ..حاجتنا انتيكا

ههههههههههههههههههههههههه

حسان الحسيني

10-18-2007, 10:22 AM

هاد يلي شاطرين فيه بس التفئيس
وئت الحزة واللزة مامنشوف حدى منكم

M o H a M e D

10-18-2007, 10:24 AM

شباب هاد الموضوع ( دبح الخاروف ) مالو أصل لا شرعا و لا علما و لاهم يحزنون ...

ماحقول خرافة .. بس مالو أصل ..

messi

10-18-2007, 07:40 PM

عماد عصفور

يمكن بدو يتبرع بخاروف كامل حتى فات ينكت:shock:

سامي حرح

10-18-2007, 07:53 PM

شو ميسي ....بدك تخانق يعني...
صلي عالنبي مشان الله...
احسن ما................................................ ..بوسك:mrgreen::mrgreen::)):chee1:grin:

messi

10-18-2007, 08:21 PM

مو خناق معلم

بس كل شي الو كلامو

وحبيبنا انت:))

سامي حرح

10-18-2007, 08:53 PM

على راسي ميسي...هزينا الورد مشن نشمو:lol::?

أبن الوحدة

10-18-2007, 09:31 PM

أول شي كيف لح تنجمع المصاري
تاني شي بدنا مهاجم صريح
تالت شي مني 600 ل.س

http://tbn0.google.com/images?q=tbn:we6eHSIktBfKwM:http://www.syrian-soccer.com/soccer/photo/SOCCER_WAHDA_TEAM1.jpg (http://images.google.com/imgres?imgurl=http://www.syrian-soccer.com/soccer/photo/SOCCER_WAHDA_TEAM1.jpg&imgrefurl=http://www.syrian-soccer.com/soccer/show.php%3Fm%3D3%26page%3Dleague%26id%3D28%26id_ke y%3D298&h=188&w=255&sz=16&hl=ar&start=7&tbnid=we6eHSIktBfKwM:&tbnh=82&tbnw=111&prev=/images%3Fq%3D%25D9%2586%25D8%25A7%25D8%25AF%25D9%2 58A%2B%25D8%25A7%25D9%2584%25D9%2588%25D8%25AD%25D 8%25AF%25D8%25A9%2B%25D8%25A7%25D9%2584%25D8%25B3% 25D9%2588%25D8%25B1%25D9%258A%26gbv%3D2%26svnum%3D 10%26hl%3Dar)
ئالو عنا مدرسة ئالو عنا فنية يلي بدو يتعلم طابة بوس أيد الشامية

حسان الحسيني

10-18-2007, 10:13 PM

وحداوي موت

10-20-2007, 08:31 AM

خخخخخخخخخخخخخخخخخخخخخخخخخخخخ
يحرق حريشك يا حسانو
بعرضي نهفة هل موضوع

وحداوي موت

10-20-2007, 08:48 AM

حبيبنا اين الوحدة
انت وين بلشام ولا برا الشام
على كلن فيك تبعت رسالة خاصة لحسان حسيني وعطيه رقمك وهو بيحكي معك
من بعد اذنك حسانو