يامحلاك ياايمن الحكيم

[يمان القدة]

انا من اول الناس يلي بتحارب هل الاسم بس هلا بشهدلو انو هل الزلمة فهمان كل العالم

هاجمتو وصبر وخلا الوحدة بالاولى بدون مصاري ولالعيبة هو يلي نزل الخالد بهل المركز

لعبة الكرامة كانت نص لعيبتو حرمانات وتعادل 2-2لعب شباب اول مرة بتلعب بدوري متل الزبيدي

خلانا بالاولى بدون مصاري وهلا اذابيرجعو لسا احسن من كوستيكا على المقلية عندو جراة انو

يزج بلاعب شاب ويتحمل ملامة الناس منشان الله حدا بيكون عندو لاعب متل احمد الخاد كل

الفرق بتتمناه وبيحطو احتياط

[M o H a M e D]

أي لااااءا يمانو بدك تسمحلي ... ماوصلت معنا لهون ...

مابدنا ننقلب ع الفريق ...

أصلا الوحدة السنة الماضية لعب لعبتين بس طول الدوري مع الكرامة و الاتحاد ... و شفت اللعب العقيم تبع الفريق الموسم الماضي بأكملو ..

أما هلأ و الله الفريق مو سيء .. يعني أداءو بال3 مباريات يلي لعبهم مقبول نوعا ما ... بس بينقصنا التسجيل ...

[يمان القدة]

لك ياحبيبي في مدرب محترف ببدل تبديلات موعرفان شو المدى البعيد اها في المباراة هذا الحكي لاحظناه بالامس مع مستر كوستيكا المشكلة انو محسوب علينا مدرب محترف دخل على المواقع الرومانية بحياة عمرون مو سمعانين بهل الزلمة

[حسان الحسيني]

خير ان شاء الله

[rami832]

كلو خير شباب الصبر مفتاح الفرج

[Ammar Alfarawati]

لو حط نبيل الغول

لكانت فرقت اللعبة 180 درجة... وحتى ردود افعالنا بتوقع .

بس الخسارة بتبين الفضايح ..


الحمد لله على كل حال .


يمان مو لدرجة نرجع لورا ... يعني كمان مو كل ساعة براي شو الشغلة تجارب ..

[وحداوي موت]

بلعكس يمان بدك تسمحلي بهل شغلة
شو جاب الحكيم لكوستيكا
يعني فارق كبير بين التنين
بعدين الحكيم استلم الفريق السنة الماضية فوق ال13 لعبة وما شفنا شي منو
لعبة الاتحاد والكرامة بس

حتى هدول اللعبتين لعبوا اللعيبة على كيفكن مو على كيف الحكيم
بعدين رح قلك شغلة
لو طابة نبيل فايته بلعبة الاتحاد
ومبارح طابة نبيل وطابة الخالد فايتين بلكرامة
شو كان صار اكيد كان كوستيكا صار احسن مدرب بلدوري السوري
الفريق عم يلعب بس ماعم يتوفق بلكوال
شو ينزل كوستيكا يحط الكول

على كلن خير ان شاء الله

[جوري]

الفريق عم يلعب بس ماعم يتوفق بلكوال
شو ينزل كوستيكا يحط الكول

على كلن خير ان شاء الله
والله عم تحكي جواهر شوط كامل ما تنفس الكرامة وتحير طابات بيجنن و لعب و تكتيك دفاع و هجوم ما سمعنا اسموا للهلامي
بس الحظ مسكر يعني كأنوا الغول مسكر بس نشالله خير علىرأيك

[Radwan]

أنا من محبي الكابتن أيمن الحكيم تماما" كما أحب الكابتن نزار محروس وأظن أنهم من كل النواحي الأفضل ولديهم الخبرة الكافية لقيادة فريق الوحدة .

ولكن في نادي الوحدة صعب أن ينجح مدرب من أبناء النادي ومن الظلم أن نزج بمدرب هو أبن نادي الوحدة لأننا سنجد ألاف المنظرين والجميع يصبحوا أفهم من المدرب .

ملاحظتي هي أن المسألة يتدخل فيها الحظ بنسبة كبيرة وكثير من المدربين أصحاب الأسماء الكبيرة لم ينجحوا مع بعض الفرق ولدي مثال هو نيناد الذي تألق مع الوحدة ولكن لنعترف أن الإمكانيات التي توفرت ووجود الأخ أبو عمر (صفوان نظام الدين )ساهمت في الإنجازات التي حققها .

أعود لأقول علينا إعطاء المدرب الحالي الوقت شرط أن يكون عادلا" في خياراته ولايقع تحت تأثير أيا" كان من الإدارة أو غيرها وإلا الله معه لأنه سيفشل بالتأكيد .

المهم أن يتوفر في المدرب العدل بي الاعبين وإتاحة الفرصة للشباب بشكل معقول والإهتمام بالنواحي النفسية للاعبي الفريق .

[kashi]

شباب طول بالكن شوي وانشاء الله خير

[حمودي اليوفاوي]

كوستكيا احسن بمية مرة
ومبارح فريقنا بدع بالشوط الاول

بس نبيل الشحمة قتل الابداع كل بفرصو الضايعة

[wissam82]

مع احترامنا لأيمن الحكيم بس لا تجوز المقارنة بينه وبين كوستيكا

أولا أداء الفريق حاليا أفضل بكتير من أداءه على أيام الحكيم

ومشان شغلة الزج باللاعبين الشباب ,, فتأكد تمام لو ما صار عنا العقوبات والاصابات بعمرك ما كنت شفت لا زبيدي ولا شوشرة والموصلي ولا حدا منهم

يعني ما كان عنده أي خيارات تانية ...

ومع احترامنا للوقفة يلي وقفها الحكيم مع الفريق السنة الماضية ,, بس بقاء الوحدة بالدرجة الأولى وفوزه على الشرطة والطليعة كلنا منعرف كيف صار ...!!؟؟؟

الشغلة بدها صبر ولا تنسوا نتائج نيناد أول ما استلم الفريق كيف كانت ...

[HasSsaN]

ياعزيزي يا يمان اسمحلي بهالشغلة ...

مابنقدر نحكي متال ماعم تتفضل لأسباب مهمة

انو نحن عم نتحاور بموضوع كرة القدم يلي مابتعرف المنطق

تانياً لكل مباراة ظروف و ليس نتائج و احصائات و مقارنات ؟؟؟!؟!؟؟!!؟

تالتاً عم نقارن فريق غير فريقنا اليوم باللاعبين

مابيجوز ندخل بهيك ترهات ابداً و رغم ان النقاش مفتوح و هاد رأيك ونحن بنحترمه

رح أرجع ركز على نقطة فيصلية خلونا جمهور و ننقد بموضوعية وشفافية و بتركيز وليس بالتعميم و النقد الهدام ...

[alwassouf]

ياشباب هدا مدرب اجنبي يعني لابيرف الخالد ولاغيرو
ومافي بينو وبين اي لاعب تارات قديمة
هو لسة ماقدر يفهم اللعيبة مظبوط استنو لنهاية الذهاب
وبعدين قرروا