لو كنت لاعب لما لعبت للوحدة [الأرشيف]

مشاهدة النسخة كاملة : لو كنت لاعب لما لعبت للوحدة

mmrdem

05-27-2010, 10:34 PM

اكيد اغلب الشباب هون بتحركون عواطفون لما تكون الشغلة متعلقة بنادي الوحدة فريق الشام الاول وانا واحد منون بس ياشباب بتمنى نوقف لحظة ونفكر بعقل انا حطيت حالي محل الزبيدي او اي لاعب وحداوي دو يترك الوحدة وحاولت فكر متل مارح يفكر
اكيد اولشي اي لاعب عنا جاية من بيئة فقيرة ويمكن عمبيعيل اهلو او اخوتوا او عندو عائلة الها متطلبات كتيرة اكيد هاللاعب بيفكر انو سنين ممارستو لكرة القدم محدودة واذا ماامن حالو خلال هالكم سنة ماحدا رح يسال عنو بعدين وبيجوز حتى السلام ماحدى يسلم عليه لهيك بغض النظر عن اي اعتبارات لازم يركد هاللاعب ورا مستقبلو ومصلحتو وهالشي كلنا عمنعملو يعني ليش الشباب المغتربة بمنتدانا تاركة بلدها واهلها وناسها ورايحة على اخر الدنيي لتشتغل بجو غير جوها وعمتتحمل كل الظروف كرمال ترجع على بلدها مامنة مستقبلها وتعيش حياة منيحة ليش منقبل هالشي على حالنا ومنستنكرو على غيرنا الزبيدي لما بيروح على الجيش هنيك في رواتب منتظمة
وفي مكافات وكلنا سمعنا عن المكافات الخيالية اللي صارت باخر الدوري للاعبين وهيك بيكون هاللاعب امن مستقبلو ماديا
تاني شي من الناحية الفنية اكيد اي شخص بيطمح للافضل يعني لما بيكون عمبيلعب بالجيش فهو عمبيلعب مع فريق بطل الدوري ومشارك بالاسيوية وعندو معسكرات ومشاركات كبيرة اكيد هالشي رح يشكل اضافة للاعب لما يفكر يحترف برات سورية اما نادينا فمركزو متاخر بالدوري مافي تخطيط
سليم عمبيطلع من كاس الجمهورية مو عرفانين شو بدنا ورح يوصل لمرحلة ملل واحباط وبحياتو ماحدى رح يسمع فيه
ثالت شي لما يحس اللاعب انو في ادارة متفهمة وقوية وبتحميه والها علاقاتها متل ادارة الجيش اكيد رح يفضلها على ادارة من اول مااجت وهي همها الوحيد باب المحافظ والاستثمارات بارض النادي وكانو ماضل شي غير هالشغلة ومافي مية باب لحتى تدعم النادي وكمان اسلوب السيد احمد قوطرش وقال للاعبين باكتر من مناسبة يلي مو عاجبو الله معو اكيد هالعنتريات كانت تمشي من زمان بس هلق صار الكل يطفش لانو باقي الاندية عمتحتار كيف تدلل لاعبيها ونحنا ادارتنا بدها اللاعب يجي ويطلب منها توقع معو وبشروطها هية بدون ماتقدم اي امتيازات متل العسكرية او عقود مناسبة
وبالنهاية متل مو شايفين بنادينا الجمهور عمبيقل وماعاد عامل جذب للاعبين انو يجو عالنادي ويتحملو الظروف كرمال اربعين الف متفرج عمبيهتفو باسمو هالشي ماعاد موجود بنادينا والجمهور البقيان همو يسب اللاعبين ازا قصروا
لهيك بصراحة انا كمشجع مستحيل اترك الوحدة لانو بدمي اما لو كنت لاعب محترف وعندي التزامات مادية كل اول شهر فاكيد مارح ضل بالنادي ولا ساعة

حسان الحسيني

05-27-2010, 10:41 PM

حكينهى من شوي ومنرجع منعيدها
هل الادارة من اول ما استلمت لحد الان ماقصرت باي راتب شهري لكل الاعبين والموظفين بالنادي
اذا في بيتحمل مسؤولية فواحد منهم يلي عطا صالتين افراح بمبلغ مليون ونص بالسنة
مع انه هاد الرقم لازم يكون لفترة شهرين
بيكون اللوم ليلي عطى المسبح والارض بمبلغ حمس مليون ولعن نفس النادي بالاستثمارات

حسان الحسيني

05-27-2010, 10:41 PM

هي قصي ماله ابن النادي وعليه التزامات ووقع كيف ظبطت معو طيب

wassim80

05-27-2010, 10:42 PM

لهيك بصراحة انا كمشجع مستحيل اترك الوحدة لانو بدمي اما لو كنت لاعب محترف وعندي التزامات مادية كل اول شهر فاكيد مارح ضل بالنادي ولا ساعة

يعني موضوعك منطقي بس مو بوقته؟ يعني نحنا عم نحلم من الهوى بلاعب وأنت عم تكسر مئديفنا ؟
بعدين شورأيك يفوت يشوف هالكلام شي لاعب محتار وبده يوقع لفريقنا؟؟؟؟
ياسيدي حتى عنوان موضوعك بيمئت وبيسد النفس :roll:

mmrdem

05-27-2010, 10:45 PM

اخي حسان الشغلة مو بس بالرواتب ادارة نادينا محددة سقف للعقود وبصراحة سقف كتير قليل بالنسبة لمواهب شابة يعني اي شب عنا بيحلم يركب سيارة مرتبة بيحلم يجيب بيت منيح ويتجوز صدقني انا كل يوم بمر من جنب نادي المجد وبشوف رجا رافع طالع من التمرين وبيركب بسيارتو الفولفو الحديثة واللاعبين التانيين عمبيستنو المكرويات ونظراتون كلها بؤس يعني اي لاعب من هدول عمبيستنى الفرصة لحتى يصير والمشكلة بنادينا انو بس وعود وابر بنج ووقت بتصير الحقيقة مابتشوف شي لهيك الزلمة لماا اجتو الفرصة مااستنى ومابلومو لانو بكرة الجمهور ازا انصاب واعتزل كرة القدم مارح يجو يصرفو عليه

حسان الحسيني

05-27-2010, 10:53 PM

وين الغلط اذا عاملة الرواتب 3 فئات
شو رائيك انت مثلا بلاعب بالفريئ مقدم عقدم حوالي 400 الف وراتبه الشهري بحدود ال 30 الف
ومالعب معك 3 دئايئ بكل الموسم

mmrdem

05-27-2010, 10:55 PM

يعني موضوعك منطقي بس مو بوقته؟ يعني نحنا عم نحلم من الهوى بلاعب وأنت عم تكسر مئديفنا ؟
بعدين شورأيك يفوت يشوف هالكلام شي لاعب محتار وبده يوقع لفريقنا؟؟؟؟
ياسيدي حتى عنوان موضوعك بيمئت وبيسد النفس :roll:

صح بيمقت وبيسد النفس بس هي الحقيقة المرة ولازم نتقبلها لانو نحنا عايشين على الاحلام ومتوقعين شغلات كبيرة يازلمة والله انصدمت لما قريت بالرياضية انو الكابتن نزار عمبيطلب من الشعبو انو يضل بالنادي وهداك عمبيتدلل يعني انا كنت متخيل انو اول مايخلص الدوري رح يقطعولو كرت دمشق اللاذقية يعني شو عاجبو فيه للشعبو وشو قدم الشعبو لحتى نتمسك فيه
بصراحة طول الموسم الماضي كنا عمنبني احلام بكرة شوفو بس يخلص الموسم وشوفوا التعاقدات وشي حطلك الزينو ووشوي تانية فراس الخطيب رح يصير عنا وبالاخر انصدما بالحقيقة المرة لعيبتنا الاساسيين عمبيتركو طيب فهمنا الاخلاق والقيم والعادات الدمشقية الاصيلة مابتسمح
انو نتعاقد مع لاعبين الفرق التانية والدوري شغال مع انو هالشي بكل الاندية العالمية بيصير والعربية والاسلامية بس عنل مابيصير طيب رضينا بهالشي بس ليش مابلشنا بالتفاوض مع لاعبينا قبل بوقت لما كانت باقي الاندية ملتهية بالمنافسة متل الجيش والكرامة وغيرون يعني والله اللي قاهرني انو السويدان صرلو معلم علينا تلت مرات وبكل مرة بيقول عبارتو الشهيرة عطينا اللاعب العقد اللي بيستاهلو كانو اللاعب عنا كان متشرشح ومشان اللاعبين اللي رح يتركو ازا قروا هالموضوع فصدقني انو هالموضوع عمبيحكو فيه اللاعبين من فترة طويلة وعمبيستنو بس يجيون عرض عليه القيمة ليتركو ويمشوا وشفت الزبيدي وعبد الناصر

mmrdem

05-27-2010, 10:59 PM

وين الغلط اذا عاملة الرواتب 3 فئات

شو رائيك انت مثلا بلاعب بالفريئ مقدم عقدم حوالي 400 الف وراتبه الشهري بحدود ال 30 الف
ومالعب معك 3 دئايئ بكل الموسم

اخي بدي اسالك ياترى هالسقف بيتقارن مع السقف الموجود بالجيش او بالاستقرار المادي الموجود هنيك اكيد لاء وبعدين ازا مالعب غير تلت دقايق فهي بيسال عنها اللي تعاقد مع هاللاعب ماشاف مستواه وماقيمو وعلى اي اساس تعاقد معو وفي بفريقنا كتير لاعبين عالة عالفريق واللي بيسال عن هالشي اللي اختار هاللاعبين واقتنع بمستواهم

حسان الحسيني

05-27-2010, 11:00 PM

طيب انت وين قريت الخبر تبع الشعبو
ومين الي كاتب الخبر

mmrdem

05-27-2010, 11:02 PM

جريدة الرياضية يوم الثلاثا الماضي

mmrdem

05-27-2010, 11:06 PM

بدك تقارن حالك بنادي الجيش

حكيك مزبوط اخ حسان وطابو وهاد مقصد كلامي انت صاححلك يكون الك نصيب من هالملايين بتروح مابترضى وبتقضيها شحادة انا هاد مقصد كلامي انو هي فرصة ذهبية للاعب لهيك مابينلام يعني لو كان رايح على امية او عفرين او حطين او المجد كنت لمتو بس الزلمة عمبيدور على مستقبلو وماحدى بيلومو

mmrdem

05-27-2010, 11:09 PM

طيب انت وين قريت الخبر تبع الشعبو

ومين الي كاتب الخبر

ونبقى مع الجانب المالي، حيث تنتظر الإدارة الموافقة على المشروع الاستثماري الذي ما يزال أسير مكاتب المحافظة، كما تنتظر الإدارة التصديق على دفتر الشروط الخاص بالملاعب المكشوفة والذي سيدر »5« ملايين ليرة سنوياً على النادي، وإلى أن تتحول هذه المشاريع إلى أرض الواقع ويتم العمل بها، ستبقى اللجنة الكروية »مكبّلة« ولاسيما أن مجموع ما تحتاجه اللجنة لإتمام تعاقداتها الجديدة يتجاوز العشرة ملايين ليرة سورية!.
»حكي«
خلال الأيام القليلة الماضية، انتشرت عدة أخبار عن تعاقدات جديدة أبرمها البرتقالي مع عدد من اللاعبين، وأبرز ما قيل وأشيع بذلك عن الاتفاق مع الحارس عدنان الحافظ ولاعب المجد السابق بشار قدور »حكي« ومع لاعبي الشرطة زياد دنورة وعامر أبطح.
ولكن، وكما قلنا سابقاً، يبقى ذلك »حكي بحكي«، حيث أكد عضو مجلس الإدارة واللجنة لؤي طالب أن الإدارة واللجنة لم تبرما أي عقد مع أي لاعب باستثناء قصي حبيب وسي الشيخ، وفيما عدا ذلك فلا يوجد أي شيء جديد بخصوص التعاقدات، وسنعمل في المستقبل »والقول للؤي« على عقد مؤتمر صحفي للإفصاح عن التعاقدات الجديدة حتى يكون الجميع على علم بها..
أخبار اللاعبين
ونبقى بأجواء الفريق الأول، حيث غادر المهاجم السنغالي سي الشيخ إلى بلده، حيث سيقضي إجازة مدتها »20« يوماً وأكد سي الشيخ للجهاز الفني أنه سيعود إلى دمشق في اللحظة التي يطلب بها الجهاز حضوره للبدء بفترة التحضير..
أما بالنسبة للمدافع الشاب محمد زبيدي، فقد قدمت اللجنة الكروية عرضها للاعب وأعطته مهلة للتفكير قبل الرد النهائي.
وبخصوص مهاجم الفريق زياد شعبو، فقد أكد في اتصال لـ»الرياضية« معه أنه جلس مع مدرب الفريق نزار محروس وتحدث معه بشأن وضعه بالفريق، حيث أبدى المحروس رغبة ببقائه مع الفريق لسنة إضافية، ولكن الشعبو اعتذر منه »كما قال« مؤكداً أنه ملّ من الغربة خارج مدينته اللاذقية لمدة »9« سنوات قضاها ما بين الجيش والوحدة والكرامة، وأشار الشعبو إلى أنه يفضل الاستقرار باللاذقية وتحديداً بناديه الأم حطين وإن لم يكن ذلك، فمن المرجح أن يغادر سورية للاحتراف الخارجي
الرياضية

wahdawi-alsham

05-27-2010, 11:21 PM

wahdawi-alsham

05-27-2010, 11:24 PM

حكيك مزبوط اخ حسان وطابو وهاد مقصد كلامي انت صاححلك يكون الك نصيب من هالملايين بتروح مابترضى وبتقضيها شحادة انا هاد مقصد كلامي انو هي فرصة ذهبية للاعب لهيك مابينلام يعني لو كان رايح على امية او عفرين او حطين او المجد كنت لمتو بس الزلمة عمبيدور على مستقبلو وماحدى بيلومو

احكي عن حالك بس
انا بلومو وبكون خاين وبلا انتماء ومعظم الردود معي

mmrdem

05-27-2010, 11:34 PM

احكي عن حالك بس
انا بلومو وبكون خاين وبلا انتماء ومعظم الردود معي

شبعنا حكي وعنتريات ومراجل طول الموسم بس هالشي مارح يغير انو تنين من احسن لعيبتنا طارو ولسة انتظرو وائل عقيل وترتيباتو ومفاجاتو ونحنا لساتنا عمنسب هاد ونشتم هاد ونحنا وقاعدين بمحلنا بس في شغلة بدي افهمها ليش نادي الجيش مابيقدر غير على الوحدة ليش مابيسحب لاعبين من الكرامة او الاتحاد مع انو نوعية لاعبينون افضل الا ازا هنن كبو اللاعب وماعاد بدون ياه بيروح عالجيش

wahdawi-alsham

05-27-2010, 11:40 PM

شبعنا حكي وعنتريات ومراجل طول الموسم بس هالشي مارح يغير انو تنين من احسن لعيبتنا طارو ولسة انتظرو وائل عقيل وترتيباتو ومفاجاتو ونحنا لساتنا عمنسب هاد ونشتم هاد ونحنا وقاعدين بمحلنا

ماحدا سب حدا
واذاكان الانتماء والاصول, عنتريات عندك فهي مشكلتك...

الكتلوني

05-27-2010, 11:56 PM

اذا الأدارة ماكانت عندا واسطات قوية بلبد رح يضل ال**** بحجة العسكرية ياخود لعيبتنا اذا كان عليهون ضو

SH@@MI

05-28-2010, 12:03 AM

بدو ن نتعليق للأسف

نستول

05-28-2010, 03:13 AM

يلي بيقرا هالموضوع بيحسب انو نادي الوحدة حرف ساقط نادي الوحدة كبير وكبير كتير ولاحدا يسألني شو انجازاتو لحتى عم احكي هالحكي
اخي نادي الوحدة حبو كبير بقلب كل برتقالي اصيل
عمي انا حاسس انو جو المحبة والالفة رجع عالنادي وانا هاد الشسي بيخليني انزل احضر اللعب السنة الجاية كيف ماكن اللعب دبالنهاية انا كوحداوي من عشرين سنة بدي يرجع الحب يخيم على نادينا وبلا دوري وبلا كأس حتى

wissam82

05-28-2010, 08:17 AM

أهم موضوع برأيي عم يخلي اللاعبين الشباب ينتقلوا هو موضوع العسكرية

أما موضوع مقدم العقد والراتب ما بتوقع ياخدوا بنادي الجيش أحسن من عنا ..

بس الشي يلي عم يجبر الزبيدي ويلي متله ع الانتقال هو موضوع العسكرية يلي حابب
يأمنها فوراً بدون مماطلة ووعود ما منعرف اذا لح تتنفذ ولا لأ ..

وقصي حبيب مافينا نعمله قاعدة عامة بالعكس يلي متل قصي استثناء بكل شي
لانه لاعب أول شي قمة بالأخلاق والأدب والاحترام ،، وتاني شي الإدارة عم تبذل مشانه
جهود مضاعفة لتأمين وضعه ،، ورغم هيك منشوف انه صرله تلت سنين بالنادي ولهلئ
لسى ما زبطت أموره تمام ..

بصراحة الزبيدي ويلي متل وضع الزبيدي معذور ع الانتقال
والمشكلة والبلاء مو منه وانما من استغلال نادي الجيش لموضوع عسكرية اللاعبين ..!!

أب عمر العرقسوسي

05-28-2010, 09:08 AM

الله يوفق نادينا بالتعاقدات يارب

كنان الرز

05-28-2010, 10:21 AM

هلأ هون في نقطتين حابب اطرحهم النقطة الأولى متعلقة بالزبيدي أنا بظن أنو الزبيدي راح عل الجيش مشان يأمن العسكرية و هي النقطة بتأكد أنو نادي الجيش مميز عن الأندية السورية لأنو أي لاعب بسورية عندو خدمة عسكرية بفكر أول شي بنادي الجيش و لو ببلاش .
النقطة الثانية الوضع المادي في النادي يعني النادي بهل الموضوع مظلوم و محارب يعني بيملك أفضل موقع بدمشق بس ممنوع يساوي استثمارات متل العالم لسبب مو غامض بس ما بينحكى .........................

wassim80

05-28-2010, 10:59 AM

بيملك أفضل موقع بدمشق بس ممنوع يساوي استثمارات متل العالم لسبب مو غامض بس ما بينحكى .........................

لأ بينحكى (ايه يلحلح حاله الاستاز أحمد شوي) إزا مامرئ مصاري من تحت الطاولة لهون ولهون بعمره مابيصير شي بالنادي :roll:

كنان الرز

05-28-2010, 03:05 PM

المشكلة مو موضوع مصاري من تحت الطاولة او فوقها المشكلة اكبر وهي ممنوع نادي الوحدة يوقف على رجليه و يجب يكون نادي الجيش هو النادي رقم واحد بالعاصمة و هي السنة جميع البطولات للجيش قدم سلة يد و جاية دور الطائرة هي مو صدفة و رئيس الاتحاد الرياضي العام من الجيش .و لسا امور كتير

أبو شام

05-28-2010, 08:49 PM

mmrdem

05-28-2010, 09:10 PM

أخ منير مرات العقل ما في يكون الا مبرر لغايات ..
ما منقبلها ..
مبرر لتنازلات ..بيرفضها ضميرنا..
أخ منير نحنا شرقيين ..هي حقيقة ..
نحنا عاطفيين ..وما مننكر هالشي ..
ومو عيب هالشي ...
العقل عادة متل ما بيقولوا الحكماء بيوصل لحياة هادئة ..وروتينية
بس الشجاعة والثبات على المواقف ..هي يلي ممكن من خلالا تكسب قلوب الناس ..
هيي يلي من خلالا كسب اغلب العظماء ..احترام المحيطين..
الحياة مواقف ..والعقل عنا نحنا الشرقيين وبهيك مواقف ..
اسمو تخاذل

كلام اكتر من رائع اخي العزيز بس اكيد قلوب الناس مابتطعمي خبز وروح اسال وين هيثم برجكلي
وطلاع معو بالتكسي تبعو وخليه يحكيلك قديش ندمان على العروض الاحترافية اللي ضوعها كرمال الجمهور والبلد وطلاع مع عبد الغني طاطيش بالميكرو واسمع معاناتو وغيرو من النجوم اللي بعد الاعتزال ماحدى انتكش فيون وانتركو يواجهو الحياة بكل صعوباتها بعد ماقدموا للشعب وللبلد كل البطولات والمواقف والمحبة لهيك عاطفتنا كشرقيين خلتنا نتاخر مئات السنين لورا بالوقت اللي العقل الغربي بكل احترافيتو وحياديتو وصل بشعوبو للتطور والحضارة اكيد نحنا عمنسعى لنلحق بهالتطور وعمنسعى لنطبق مفهوم الاحتراف وتقديم الافضل على الطريقة الغربية بس لسة بدنا كتير لنوصل لثقافة الاحتراف يلي اخترناها كخيار برياضتنا ولازم نتقنها على اصولها او نرجع للهواية والعواطف والمشاعر اللي حكيت عنون

MHDFA

05-28-2010, 10:26 PM

القصة وما فيها انو نادينا واقع في غبن ما بعرف ليش يعني انا لح قلكون قصة حسام الرفاعي كلنا منعرف انو كان يلعب بالنضال بالدرجة التانية وقت راح عالجيش وين خدم بنادي جبلة وبعد ما خلص عسكريتوا ضل معهون وما حدا من جماعة التحويشة أسترجى يقلو محلى الكحل بعيونك ما بعرف ليش بس نادينا هو يلي بيتاووا جماعة التحويشة وانا لو كنت لاعب بخدم جيش بشرف وبرجع بس لخلص جيش بكمل لعب مع النادي تبعي هلق بتئلي متطلبات الحياة وما بعرف شو لح قلك جرب شي مرة يجي واحد حئوا فرنكين مصديين ومو معروف قرعة أبوه منين وفشل بالحياة العسكرية وحطوا بمنصب رياضي ومفكر حالوا قائد دورة ويتحكم فيك ويبهدلك عالرايحة والجاية وانت بس من حقك ترد بالتحية العسكرية بتعرف معنى هالحكي هلئ يمكن الزبيدي غلط انو ما خبر حدا لانو مو معقول تنين تلاتة كذابين وهو الصادق على كل متلو متل غيروا شلح الكنزة البرتقالية ما بقى النا شغل فيه وما بقى يلزمنا ولا يهمنا اسف عالاطالة بالتوفيق للوحدة

أبو شام

05-29-2010, 09:02 AM

كلام اكتر من رائع اخي العزيز بس اكيد قلوب الناس مابتطعمي خبز وروح اسال وين هيثم برجكلي
وطلاع معو بالتكسي تبعو وخليه يحكيلك قديش ندمان على العروض الاحترافية اللي ضوعها كرمال الجمهور والبلد وطلاع مع عبد الغني طاطيش بالميكرو واسمع معاناتو وغيرو من النجوم اللي بعد الاعتزال ماحدى انتكش فيون وانتركو يواجهو الحياة بكل صعوباتها بعد ماقدموا للشعب وللبلد كل البطولات والمواقف والمحبة لهيك عاطفتنا كشرقيين خلتنا نتاخر مئات السنين لورا بالوقت اللي العقل الغربي بكل احترافيتو وحياديتو وصل بشعوبو للتطور والحضارة اكيد نحنا عمنسعى لنلحق بهالتطور وعمنسعى لنطبق مفهوم الاحتراف وتقديم الافضل على الطريقة الغربية بس لسة بدنا كتير لنوصل لثقافة الاحتراف يلي اخترناها كخيار برياضتنا ولازم نتقنها على اصولها او نرجع للهواية والعواطف والمشاعر اللي حكيت عنون

بفهم من كلامك انو المصالح هي رقم 1 بحياة اي انسان ..
المصالح وتحويل الانسان لالة بتنتج اكتر وبتحقق حاجات اكتر بغض النظر عن الوسيلة (حسب مفهومك الغربي)
..هاد الشي يلي بيحقق للانسان الراحة الجسمية والنفسية .؟؟؟
بختلف معك يا سيد منير ..الاحتراف ما منع ميسي من رفض عروض كبيرة مالية ..بس لانو حب برشلونة ...
الاحتراف ما منع اندريه بيتس من رفض عروض خيالية ..بس لانو حب الشام ..
بتمنى تكون فكرتي وصلت

زينكو

05-29-2010, 09:09 AM

الله معه وان شالله بيتوج الوحدة السنة القادمة

S-Masalkhi

05-29-2010, 11:40 AM

انا بتمنى اللي بيترك النادي ماحدا يرجعوا ع النادي بالمرة لك المحملجي نزل الوحدة ع التانية ومارضي يترك الوحدة مع انو كان جاي اكتر من عرض ومن برات سوريا

05-29-2010, 12:51 PM

هي قصي ماله ابن النادي وعليه التزامات ووقع كيف ظبطت معو طيب

ركز ع كلمة وقع

محمد سفاف

05-29-2010, 04:22 PM

هلاء حاجة دافعوا على يلي عم يتسمو أولاد النادي ويلي ماألو أصل مالو فصل وفهمكوت كفاية

الإمبراطور الدمشقي

05-29-2010, 08:49 PM

بصير خير أنشأ الله