حرام عليكون خلصونا ..

[Gazwan]

الحالة التي ظهر بها نادي الوحدة أمس حالة لاتليق بهكذا نادي و هكذا جمهور يا حرام ......................
فريق يلعب كرة عشوائية لا يوجد تكتيك على مبدأ ( يارب تجي بعينوا )
أين الأطراف أين الوسط أما الهجوم فحالته يرثى لها .
ماذا قدم المدرب للفريق أعتقد بأنه قدم دروس بالأحياء الشعبية
أنا لا ألوم اللاعبين ...
أضع كل اللوم على المدرب ..
هذا التكتيك لمدرب دراجات لا مدرب كرة ..
الفريق بالشوط الأول كان مقبولا ً لكن على حساب التعفيس الكرماوي حيث أننا لم نشاهد لمحة واحدة تدل على أن الكرامة فريق قوي .
لكن بالشوط الثاني الذي يسمى بشوط المدربين تاه الفريق و أصبح شكله كالأطفال الذين يمرحون بالحدائق العامة ..
حتى الآن نضع اللوم على المدرب الفلتة ..
لكن إذا بقي الحال على ما هو عليه دون حلول فنية و حلول لخط الهجوم فالمسؤولية ستقع على عاتق الإدارة بشكل كامل ..
الله يرحم أيامك يا رأفت و يا غسان مع أنو الزبيدي قام بواجبوا بس العطل تكتيكي
شركة تعمير الشام إن لم تتحرك و تضغط على الإدارة سوف تخسر أموال طائلة ..
كنت أعتقد بأن الشحمة ما زال بمستواه وهذا الشيء يجب أن يكتشفه العبقري كوستيكا ..
لم أشاهد سوا ماهر السيد في الأمام يلعب بشكل صحيح و الباقي عبء على الفريق
مهند خراط حركة بلا بركة و العلايا سلامتك و الاعب الأجنبي الوحيد عنا لا نحتاجه بهذا المركز
الأقرع كان جيد لكن فلتة وحدة فلتها الأسود تبع الكرام شق في الهلامي
أما الهلامي لم يختبر بشكل جدي لكن سهي شوي بكم طابة كنا رح ناكلها
أما كوستيكا آآآآآآآآآه
عالحمام
وينك يا أبو حامد يا ريت ترجعلنا و ترجع لبيتك و لعشك يلي اشتقلك
إذا بقيت الأمور على حالها بشركون بالتانية
أنا يلي كنت متفائل و عم أحكي بعد لعبة مبارحة صار معي أحباط
و الله ما بيستاهل جمهورنا هيك وضع حرام عليكون خلصونا ............................

[Radwan]

أنا يلي كنت متفائل و عم أحكي بعد لعبة مبارحة صار معي أحباط



والله غريب أمركم أخي غزوان ماتعودت على هالوضع .

يلي ضاع للآن 8 نقاط من أصل 9 بسيطه وصدقني أنا متفائل وبإذن الله تنعدل الأمور مع لاعبينا وجمهورنا .

[هنو]

مع احترامي لرأيك
ولكن نحن بالامس كنا رائعين باسثناء الهجوم
وسطنا كان ممتاز

[Abu Waseem]

كوستيكا جيد يعني مابعرف كيف بين انو سيء
صح خسرنا مبارح بسبب تكتيك القويض يلي تغلب فيه على كوستيكا بس هل الفريق يلي بدو يضل يربح ومايخسر بيكون فريق من المريخ يمكن
يعني لعبنا وعملو الشباب يلي عليهون في أخطاء تسببت بالخسارة وهي هية الرياضة
وبيبين الكوتش الجيد يلي بيتلافى هالأخطاء

[rami832]

مع احترامي لك كان الوحدة في مباراة الكرامة أفضل من المباراتين السابقتين

[ayham mardini]

معليش المبارايات التلاتة الماضية كانت قوية على الفريق يلي هو باخر فترة الاعداد
بس انا كتير متفائل بالمباريات القادمة يلي رح تكون سهلة نسبيا لفريق قدم هيك مستوى
بس لازم الفريق يتحضر لمباريات العودة مع الفرق التلاتة يلي لعبنا معهون من خلال المباريات القادمة و المفروض يقدمو الشباب افضل نتائج بالمباريات الجاية لانو بالذهاب رح يلعب الاتحاد معنا بالشام و طبعا الجيش ما عدا الكرامة و اذا نجحوا الشباب بهالشي
انا بضمن المنافسة على اللقب

[Radwan]

كوستيكا جيد يعني مابعرف كيف بين انو سيء
صح خسرنا مبارح بسبب تكتيك القويض يلي تغلب فيه على كوستيكا بس هل الفريق يلي بدو يضل يربح ومايخسر بيكون فريق من المريخ يمكن
يعني لعبنا وعملو الشباب يلي عليهون في أخطاء تسببت بالخسارة وهي هية الرياضة
وبيبين الكوتش الجيد يلي بيتلافى هالأخطاء


كلام درر يا أبو وسيم وبكير نحكم على المدرب إذا كان الأداء للفريق جيد ويصل لمرمى الفريق الخصم وتسجيل الأهداف ليست مهمة المدرب .

[حمودي اليوفاوي]

كوستيكا مبارح دخل بتشكيلة روووعة
والشوط الاول وحداوي مية بالمية

ولو لاعب تاني غير نبيل الشحمة اللي صحتلو الفرص .. لكان سجل هدفين ع الاقل




بس الشوط التاني ؟!؟!؟!؟!

[Gazwan]

الفريق كان جيد بالشوط الأول
لكن الشوط الثاني من أسوء الأشواط التي شاهدتها
لم يلعب لاعبونا باص صح طوال الشوط
أما بالنسبة لكوستيكا ...
من المفروض أن يكون الشوط الثاني للمدرب لقرائته الفريق المنافس بالشوط الأول
ماذا فعل مدربنا بالشوط الثاني ؟
هل لعب الفريق بخطة واضحة ؟
جاوبوني على سؤالي يمكن كون أجدب و ما شفت الوحدة أيام نيناد أو المحروس
يا سيد أبو وسيم
نحنا ما عم نضغط على حدا ليضل يربح الفريق
بس بدنا نشوف خطة واضحة لنفهم أنو الفريق عم يلعب كرة قدم
في مجال تشرحلي شو الخطة يلي لعبنا فيها أمس
الشوط الأول كان جيد لكن الكرامة قدم أسوء شوط له يعني لعبنا على حسابه
و للأخ هنو
أين خط الوسط بالشوط الثاني ؟
ممكن تشرحي ماذا فعل لاعبوه و ماذا قدموا ..
و للأخ رضوان
ضياع 8 نقاط من أصل 9 ما بتعنيلك شي ؟
أين الأمتياز الذي تتحدثون عنه اشرحوا لي

[Samerk]

والله غريب أمركم أخي غزوان ماتعودت على هالوضع .

يلي ضاع للآن 8 نقاط من أصل 9 بسيطه وصدقني أنا متفائل وبإذن الله تنعدل الأمور مع لاعبينا وجمهورنا .

كان لازم يكبوا هالنقطة يلي معاهون كمان لشو زيادة الحمل بس آآآآآآآآآآخ على هالأيام يلي عم تمر عالنادي شو مرة :sad::sad::sad:

[kashi]

شباب المدرب جيد صدقوني الفرص لي راحت بلعبت الجيش والاتحاد والكرامة من نبيل كفيلة للفوز للوحدة طبعن انا ما عم حط انو نبيل سبب الخسارة بس الفريق يحتاج الى مهاجم اجنبي مع نبيل لانو الفريق يملك دفاع ووسط وحارس جيدين بس الهجوم صفر

[rami832]

الصبر مفتاح الفرج يا شباب

[SH@@MI]

يلي ضاع للآن 8 نقاط من أصل 9
اي بس لا تنسو انو هدول راحو النقط مع الاتحاد جيش كرامة
يعني مع اصعب الفرق
ولعبنا احسن

بس يللي ناقصنا لاعب رأس حربة متل العالم
لأنو الصراحة نبيل حاجتو
والخراط سويعاتي

بس بدنا لاعب اجنبي راكز متل تراوري
وكللو بيمشي
لأنو شفنا كيف اللعب منيح بكل الملعب ما عدا جوا

[أبن الوحدة]

أنا مع أخي غزوان بس يعني المدرب بدو
فرصة تانية
بس منشان الاعب الأجنبي لو حضرت مباراة الوحدة مع الأتحاد بتعرف شو سوا للفريق
أما بالنسبة للهلامي لازم يعيدوا النظر منشانه أما الخراط خارج من أصابة وبدو فرصة ولاتنسوا أنو عم نلعب مع الكرامة
مو مع الشرطة

[أبو عامر]

الفريق كان بيجنن وكل اللي ناقصنا قلب هجوم والله انو مباراة مبارح احلى لعبة للوحدة من سنتين لهلق على كل حال هيك الحظ بدو نحن لعبنا وربح الكرامة بس بدنا هجوم يا ادارة لك والله نبيل الشحمة للجلطة وحدة بوحدة اما مهند خراط اي شو هاللاعب الفز اي والله مبارح رح تجينا جلطة لكن اربع طابات بالشوط الاول والله لازم يكونو غوال بس لنفهم شو بدو يصير بعدين يعني هي تلت مباريات مرقو ما جبنا غير نقطة بس ما بدنا ننسى انو اقوى تلت مباريات بالدوري ولنشوف المباريات الجاية كيف بدها تنحل مشكلة الهجوم لانو هاد اكبر عقم نلعب عالفاضي خط الدفاع منيح مبارح والوسط اروع واحمد الخالد ثروة لنادي الوحدة بس الهجوم شي بيجنن والله طابات على مبدا امور لا تصدق

[Abu Waseem]

أخ غزوان ممكن افهم القصد من خطة لعب؟يعني هل هو شو هية خطة لعب المدرب ولا بتقصد انو مافي خطط وشلون ماكان عم يلعبو؟منشان اعرف كيف جاوبك

[M o H a M e D]

والله الفريق لعب 65 دقيقة من أجمل ماشفته للوحدة ... مابدنا كمان نظلم الفريق واللاعبين ..

الوحدة كان ماسك المباراة من بابها لمحرابها ... و لو عنا مهاجم كنا حسمنا المباراة بهالوقت .. بس يلي صار أنو بعد هدف الكرامة الأول الفريق تعب بدنيا و نفسيا ...
وهاد شي غير صحي .. بس كمان مبرر .. يعني تلعب و تصحلك فرص بالخيال مابتضييع بعدين يتسجل عليك .. أكيد اللاعبين حيصيبهم إحباط ..

[Gazwan]

يا سيدي الله يبعد عنا و عنك الجنان
الفريق من ناحية بيجنن فهو بيجنن !!!
أخي أبو وسيم :
أنا أتابع الفريق منذ زمن و كنت أحضر التمارين اليومية عندما كان يدربنا الكوتش
خليل ابراهيم على أيام نزار و سامر درويش و أيمن حكيم و بشار شريف..الخ
عندما كانوا لاعبين آنذاك
و أعتقد بأنني أعرف ما هو نادي الوحدة و كيف يلعب .
على أيام نيناد كان يهاجم الفريق بالشوط الأول بدون مغامرة مع التأمين الدفاعي
و بالشوط الثاني كان يقرأ خطة الفريق المنافس و يلعب على أساسها
أبو حامد الله يذكروا بالخير كان رجل الشوط الثاني لقرأته الصحيحة للشوط الأول .
حتى بلعبة الجيش الشهيرة التي فزنا بها ب 3 أهدف لهدفين كان مدربنا موسى شماس
حينها خرج الفريق من الشوط الأول متأخر بهدفين
و أنهى الشوط الثاني بتقدم لا ينسى
وحينها عالج المدرب الأخطاء التي وقع بها الدفاع و بين للاعبين نقاط الضعف بفريق الجيش
أين الأطراف التي هي مكمن قوة الفريق ؟
أطرافنا مكسرة يا صاحبي السبب مو اللاعبين بل المدرب .
الفريق جيد بس اللعب عشوائي و الضغط كبير على ماهر لعدم وجود خط هجوم .
جميع فرق العالم التي تلعب كرة القدم الحديثة تعتمد على الدخول من الأطراف و عكس الكرات
ومن الممكن أن نحدث خلل بدفاع الفريق المنافس .
لاعب الكرامة فابيو يمتاز بالطول ( لوح ) لكنه بطيء هذا يعني بأن الكرات العالية غير مجدية
و المحترف تبعنا إذا لاحظت كل ما بيستلم طابة بيرفسها لعندوا
مباراتنا مع الاتحاد بحلب بنهائي كأس الجمهورية عندما فزنا 5 -3 عقدناهن بالأطرف
رأفت من اليمين و غسان من اليسار و ماهر من الوسط .
هدا رأيي و شو ما كان رأيك على راسي .

[الوحدة يا عشق كل دمشقي]

لك يا شباب شلون ما العبنا مبارح ما بصير هاد الحكي طيب قارن مستوى الوحدة بهاي السنة ومباريات الوحدة هديك السنة بعدين احكوم عل كوستيكا لك يازلمة نحنا عل الاقل عمنلعب بخطة واضحة طول المبارة ويلي صار بالشوط التاني يا اخي كنا بأول الشوط التاني نحنا يلي مسكنا المبارة لحتى اجا الكول تبعن بعدين ضاع الوحدة بس تئلي كل الحئ عل المدرب ما بصير هاد الحكي لأنو المدرب بنظري انا جيد مو ممتاز بس جيد مع شوية توفيئ بالمباريات الجاية وانشالله الوحدة بكون احسن ئولو الله لا نضل متشائمييين

[Gazwan]

الوحدة لحد الآن عم يلعب شوط واحد
بالمباريات الثلاث لعبنا شوط و خفسنا بالتاني
لاحظوا هالشي
ممكن المدرب بالمستقبل يعمل شي
بس لحد الآن مستواه تحت الوسط
ومباريات الدوري مو مباريات تجريبية ليلعب كل مباراة بتشكيلة مختلفة
أنتقادي لأسلوبه هو قلة التنويع بالهجمات
كل هجماتنا طابات مرفوعة من الوسط للهجوم عن طريق محترفنا
ما شفت هجمة منظمة وحدة من الناحية اليمنى أو اليسرى
كل الطابات مرفوعة لماهر السيد لخط الجزاء ليقوم بتسليمها للمهاجمين
ليفوتوا ببعضون
طريقة قديمة و مكشوفة من أي دفاع
عذرا ً منكم كل هذا الكلام من شدة حزني على النادي
لأني تعودت من أول ما اعشقتوا أنو بأسوء حالاتوا يتعادل على أرضو
كان الوحدة من أصعب الفرق على أرضه و بإذن الله
سيعود
الفريق القوي الذي عرفناه

[Abu Waseem]

والله كلام منطقي جداً أخ غزوان
طول عمرو فريقنا كان ينتفض بالشوط التاني هالكلام صحيح مية بالمية
بس هلأ اختلف كلشي لا عاد الوحدة وحدة متل أول ولا الدوري متل أول وعلى هاد الأساس المدرب جيد ويمكن نحن عم نقارن بالموسم الماضي يمكن

[وحداوي موت]

انا بلنسبة الي الفريق عاجبني والمدرب مروق عليه كتير
الفريق مبين انو رح يعمل شغل حجلو كتير بلملعب
بس لهلا سوق التوفيق ملازم الفريق
يعني الفريق بدو فوز واحد على الاقل ليرتاح وترتاح نفسية اللاعبين
وشوفوا بعدين الفريق كيف بدو يصير
بعدين بلنسبة لكوستيكا منظلموا كتير اذا منحكم عليه من هلا والله يوفقو ويوفق الفريق

[khaled rihawi]

الله يسامحكم يا شباب مين قال انو نحن داخلين لناخد الدوري هالسنة
و يمن قال انو نحن قادرين نربح الكرامة ثاني اسيا و من افضل 100 نادي بالعالم بالوقت الحالي يا شباب صلوا عالنبي و طولوا بالكم الفريق لا بأس به و ينقصه الهداف ليمتع و الايام القادمة لحتبرهن هالشي

[EmadAsfour]

والله لاعبينا السيئيين


خراط
وعلايا
والشحمة
الهلامي