انتهاء موسمنا الكروي بعد الخروج من كأس الجمهورية ..!!!

[wissam82]

يلي بيخسر بالشام من فريق جبلة مع احترامي لجبلة وهنن بهي الظروف الصعبة
فأكيد هاد فريق ما بيستاهل يتأهل لدور الـ16 ..

لا تلوموا اللاعبين يلي كبوا ضربات الجزاء ،، لأنه نحنا كبينا التأهل لما خسرنا بالشام ..

برأيي الشخصي هيك أحسن خلينا نخلص من هالموسم الكروي السيئ جداً
وحاجتنا حرق أعصاب كل مباراة ..

وهلئ خلينا نبلش تحضير للموسم الجديد .. على أمل تغيير صورة وشكل الفريق
بشكل كامل الموسم القادم ..

هاردلك ..!!!!!!!!

[f.torres]

موعدنا السنة الجاية ان شاء الله

[taiger]

كلام سليم خلينا نفضا ونرتب اوضاعنا ومافي ورانا شي

[love barca or die]

والله منيح يلي طلعنا من هالدور احسن ما تنحرث اعصابنا بمراحل متقدمه

[wassim80]

يعني مو بهالسهولة الكلام ...

يعني والله حرام فريق متل جبلة هابط يطالعنا من مسابقة الكأس يلي مشوارها لنصف النهائي سهل جدآ كان لفريقنا

(الله يكسر أجرين هيك لعيبة بلا ضمير)...........:crdr



(( فريق لازمه تغيير شامل وبجميع المراكز )) ... أتمنى أن يستطيع أبو حامد توليف فريق لينافس العام المقبل

[<MoHaMeD DaBoUL>]

الله وكيلك الجمهور كلو طفش
لك اذا بصير بيحضر للوحدة 2000 متفرج بكون منيح

[ابو كريم]

حرام فريق بكب بموسم واحد 5 ضربات جزاء ترجيحية هذا الفريق بدو تكسير رجلين مو بدو راتب
يالله ومن هلأ انطلقت عملية تنظيف الفريق من الـ.................... لحتى نشوف لعيبة أورانجية الموسم
المقبل مو لعيبة هفتانة والحمد لله على نهاية الموسم وكل عام وأنتو بخير

[مـهـنـد]

يلا خلينا نخلص الموسم على بكير مشان نبدا تعاقدات ونظف الفريق

الوحدة 2010

مركز 10 بالدوري
خروج من دور32 بالكأس

2011
موسم جديد ونشالله يكون موسم كبير للوحدة

وتفائلو بالخير تجده

[AMIN]

فريئ مسخرة من كبيرهن لصغيرهن :crdr:crdr

[abw sami]

ليش في حدا بيضمن هالحكي أنو الموسم الجاية رح نكون غير ولا متل مابلشنا هالسنة وفكرنا حالنا عنالعيبة بس(الله يسامح اللي كان السبب).

[Ahmedinho]

موسم وحداوي اخر للنسيان... :crdr

[wissam82]

يعني مو بهالسهولة الكلام ...

يعني والله حرام فريق متل جبلة هابط يطالعنا من مسابقة الكأس يلي مشوارها لنصف النهائي سهل جدآ كان لفريقنا
أنا معك أبو كريم ،، فعلا الكلام مو بهي السهولة
والله عم اكتب هالكلام ودمي محروق وفاير من هالهزلة يلي صارت ..

بس برجع بكرر هيك أحسن لانه اندبحنا بحرق الأعصاب واللعب بمشاعرنا
من لعيبتنا وفريقنا بنتائجه السيئة جداً والخسارات المذلة ..

يعني لو تأهلنا على حساب جبلة بدنا نضل عم نحرق أعصابنا للعبة يلي
بعدها وبعدين ..؟؟ لو بدها تشتي كانت غيمت بهدول اللاعبين ..

فهيك خلصنا هالموسم المذل وخلينا نغربل هاللاعبين ونعرف شلون
لح يكون شكل فريقنا الموسم القادم ..

[slan]

يعني مو بهالسهولة الكلام ...

يعني والله حرام فريق متل جبلة هابط يطالعنا من مسابقة الكأس يلي مشوارها لنصف النهائي سهل جدآ كان لفريقنا









والله لا تستبعد انو جبلة ياخود الكاس كمان


هيك احوال الطابة

[وحداوي انا]

والله يا شباب حرام

كل مرة عم ناول هاردلك

ما صار وقت ناول مبروك

والله اشتقنا للفرحة

بانتظار الوحدة في الموسم القادم

[ABOU MALEK]

سنة ال 2007 نسيناه

سنة ال 2008 نسيناه

سنة ال 2009 نسيناه

سنة ال 2010 نسيناه و قريضة بقا


مع جبلة نطلع ييا عالم

بتذكر موضوع حمودي من شهرين عن مقابلتنا مع جبلة و على اساس منربح جبلة و منقابل مليحة و فريق تاني معفن و منوصل للنهائي

طلعنا من دور ال 32 و ما حدا سما علينا

و فوق هيك ضربتين جزاء ؟؟؟؟؟؟


يكسر رجليكم

[Ammar Alfarawati]

اول شي لازم الدفاع , يتعزز بلاعبين مميزين

وشكرا لكل لاعب لعب هالموسم , ويعطيهم العافية

وبالاخص يلي لعبوا من قلبهم

[endless_lionheart]

موسم رياضي للنسيان وانشاء الله البناء والتعويض السنة الجاية

[MHDFA]

أول الشي مسا الخير لكل الوحداوية
وهاررررررررررردلك
الحمد الله خلصنا هالموسم الزفت يلي انضم ليلي قبلو
منقول انشالله خير وانشالله بالتوفيق للبرتقالي في الموسم المقبل
جاري الانتظار

[جيرارد]

هاردللللللللللللللللللللللللللللللللك للوحداوية والجمهور
موسم للنسيان كالعا دة
وانشاء الله السنة الجاية منقول مبروك
وكل عام وانتم بخير على اتهاء الموسم السيء

[شمعة الشام]

وعد الحر دين الفريق وعد واخلف الله يسامحون زعلونا وزعلو الشام
حرام هيك فريق يكون بدور ال16:crdr

[Wesam Eloti]

هارد لك للوحدة

[رامي الوحداوي]

فريق بدو تكسير رجلين ع هيك لعب لك يا الله مع جبلة يلي خاااالص بعد ما نزل عالتانية

وين بتصير هي


ولعيبة الخبرة عندك بتكب ضربات جزاء!!!!!!

ع أمل أن يكون الفريق بأحسن أحوله السنة الجاية

ومو هاردلك....:crdr

[W@SEEM]

هارد لك يا برتقالي :f)

[ابو محمد الوحداوي]

ولله ملينا كل سنة منقول السنة الجاية لك وبعدين

[الكتلوني]

انشا لله السنة الجاي تكون خير علينا ومو متل كل سنة ابر مخدر وبلأخر نتخوذاء بلعيبة مامعا تمشي

[الساهر12]

يعني معليش ياكابتن نزار بس ماعم تعمل شي للفريق

[أميرالشام]

الله يستر الموسم الجاية شو مخبيلنا
وانشالله يتوفق ابو حامد بالتشكيلة الجديدة

[DIABO MAN]

يارب صبر ايوب

[زينكو]

كل موسم نفس الجملة ان شالله الموسم الجاية

ايمتة بده يجي هالموسم بقى

[نستول]

عن جحد منيح يلي طلعنا لانو في عالم لازمها ترحيل وحوينة العشر ليرات فيهون ومن هون للسنة الجاية فرج ورحمة ومن زمان كتير ويمكن اول مرة بتاريخ دوري المحترفين بسمع انو فريقنا لح يبلش تحضيروا وتعاقداتوا من هلئ والله يقدم يلي فيه الخير :f)

[محمد سكر]

تعودنا على كلمة هاردلك ...