عبد الناصر يعتذر عن الاستمرار

[هنو]

لأننا بعصر الاحتراف (عذرا منك سيد احتراف)
فقد قرر لاعبنا السابق الذي و للأمانة كان من أفضل لاعبينا
الابتعاد عن البرتقالي
واختيار وجهة جديدة و قد تكون شرطاوية بعد أن علمنا أن وائل عقيل الذي و للأسف يفتقد لصفات التعامل الاحترافية
خاصة و أننا علمنا أن تعاقداته بدأت قبل انتهاء الموسم الكروي

المهم الآن أن عبد الناصر لن يكون وحداويا و بنسبة كبيرة

ولكن من واجبنا أن نقول لعبودة شكرا لك
فلقد دافعت عن قميص النادي بكل أمانة وشرف مهني أكثر من أبناء النادي

و بالتوفيق للبرتقالي دائما

[أبن الشام]

والله لاعب ممتاز

[ابو وسام]

مابعرف شو بدي قول مابقول غيرالله يوفقو
ومشان وائل عقيل بقلو كبرت ولا صغرت مالح يطلع بايدك شي واللي مافي خير لاهلو مافي خير لحدا تاني وفهمو كفاية

[MHDFA]

الله يسرلوا
ومتل ما قلت هنو بالتوفيق دائما للبرتقالي

[bmekhaled]

لا والله التحضير للموسم الجاية باينتو تمام !!!

و لا بدي أشكره لا هو و لاغيره
اللي حابب يلعب مع الوحدة عالحلوة و المرة على عيني و راسي و اللي مو حابب لستين عمره بالناقص منو

يعني يا قولولنا احتراف و معناها كل واحد عم يلعب منيح فعم يلعب بمصاريه و مالو علينا منية
يا قولوا لسه في شي اسمه إخلاص و حب لقميص النادي اللي عملك و أضعف الإيمان يشوف شو الوضع بناديه قبل ما يحمل حاله و يمشي

[<MoHaMeD DaBoUL>]

يا حرام
والله حرام ما يكون عبد الناصر وحداوي
يلا بالتوفيق للوحدة اولاً واخيراً

[عيون برتقالية]

و الله شي حلو بعد ما نتعب عاللاعب و نعقد عليه الآمال و يصير شوية ضو على وشو
بيجي واحد حقير و بيلعب بعقله ( الطفولي )
أرجو من الإدارة اتخاذ موقف و خاصة انو عم نحضر للموسم الجاية و خاصة دفاعنا
بدو شغل خير الله و لاعب متأقلم أحسن من لاعب جديد

[علي1991]

طلو بالكن انو اخلاص عم تحكو عنو شو نسيتو كيف باع لعبة جبلة السنة الماضية
الله معو اصلا كنت متمني هاد اليوم
مباراة جبلة كانت على الوصافة للاسف حط كول عالمي عل ازهر وكول تاني عطاها للاعب جبلة وسجل التاني


عسى ان تكرهو شيئ وهو خير لكم

[عمار عبار]

طلو بالكن انو اخلاص عم تحكو عنو شو نسيتو كيف باع لعبة جبلة السنة الماضية
الله معو اصلا كنت متمني هاد اليوم
مباراة جبلة كانت على الوصافة للاسف حط كول عالمي عل ازهر وكول تاني عطاها للاعب جبلة وسجل التاني


عسى ان تكرهو شيئ وهو خير لكم


حبيبنا
لما بدك تتهم لاعب ببيسع اللعب عطينا الدليل
والا فلا تتهم الناس جزافا


وبالنسبة لعبد هو الخسران

حدى بيبيع الوحدة بعشرين متفرج مشان المصاري
على كل حال هو مادي وروح قلبه العملة

فرق كبير بينه وبين رفيقه قصي

والي مابده يانا الله معوا
وخلي عقيل ينفعوا

وشكله لح يحترق متل الي قبله

كل يوم بنادي
وخلوها على الله

[ابو كريم]

أنا عم انتظر شي بدو يصير أجلا ام عاجلا وهو خروج العقيل من الشرطة
وقتها لنرى وجوه اللاعبين أغلبهم وأولهم عبد الناصر.
أنا أحب عبد جداً ولكن هل من المعقول ترك نادي كالوحدة بنادي كالشرطة
لا تعليق على عقلية لاعبينا الهاويييييييييييين

[Ahmedinho]

وين الاحتراف بالموضوع...!!!!!!!!!!؟؟؟؟؟؟

الوحدة فوق الجميع و اللي مو عاجبو يترك لفريق... و هو ادرى بمصلحتو

[wissam82]

الله يسرله

وهو يلي خسر الوحدة وجمهور الوحدة ...

[love barca or die]

و لا بدي أشكره لا هو و لاغيره
اللي حابب يلعب مع الوحدة عالحلوة و المرة على عيني و راسي و اللي مو حابب لستين عمره بالناقص منو

يعني يا قولولنا احتراف و معناها كل واحد عم يلعب منيح فعم يلعب بمصاريه و مالو علينا منية
يا قولوا لسه في شي اسمه إخلاص و حب لقميص النادي اللي عملك و أضعف الإيمان يشوف شو الوضع بناديه قبل ما يحمل حاله و يمشي

انا معك بهالحكي ميه بالميه وبحفض الصرمايه لعمه كل واحد عم يتمضرط علينا شكل عدم المؤاخذه

[SH@@MI]

الله ييسرله
مع انو بتمناله فريق أفضل من الشرطة وجماهيري أكتر من الشرطة
سيما اذا كان عقد احتراف

على أي حال نحنا لازمنا مدافعين خصوصي اذا كانوا شباب

بعدين هاد ما بتعرف ايمتا بيستقيل وائل عقيل

[<IBRAHIM>]

عفكرة اللاعب كتير عادي ومابينزعل عليه يعني متوسط لا اكتر ولا اقل بس المشكلة انو باقي لعيبتنا اقل من الوسط مشان هيك بيبان نجم بنتاتن
وهو صار فاشل كتير بالدفاع من وقت ماصار الكابتن نزار يلعبو وسط مستواه الدفاعي زفت يعني مو هاللاعب يلي بينبكى عليه

[<IBRAHIM>]

يعني كل مباراتين تلاتة الو غلطة بغول علينا وفيكن تراجعو الاهداف يلي تسجلت علينا لاعب هفواتو كتيرة

[هنو]

برهوم أنا مو زعلان ع حدا
بس عيب التفاوض مع أي لاعب بهالوقت
نزار مثلا حاكا لاعبين عقودن منتهية و رافض بشكل كبير يفاوض حدا بهالطرق الغير أدبية
و ع فكرة وائل حاكا قصي بس الرهيب سدو فورا

[سعدي]

مو مشكلة
يعني هالشي متوقع من عبد الناصر
و أغلب اللي قريبين منو متوقعين هيك شي

مو مشكلة المهم يتم تعويضه لتعزيز الدفاع ( في حال غادر فعلا )
و في حال بقي أهلا و سهلا .. عالعين و الراس ..
الموضوع متروك للجهاز الفني و للاعب
و اذا هو ما بدو ايانا منقلو الله ييسرلك . .
و عيب التفاوض مع اللاعبين قبل انتهاء الموسم . . هي بتوقع ما حدا مختلف عليها ..

اما لمن تكلم عن بيع و شراء . . هالحكي حرام حرام حرام
الزلمة يوم هالمباراة كان وضعو صعب للغاية و هالحكي انشرح كتير سابقا ..
و انعمل مليون لجنة تحقيق عن هاللعبة تحديدا و الزلمة ما عليه شي
حرام نتهم الناس هيك . .
حتى لو ناوي يترك نادينا بس ما منحكي كلام مو صحيح عنو

[f.torres]

والله حرام عبودة يروح
كان من افضل المدافعين

[wassim80]

والله متوقع اول واحد يمشي عبد الناصر

المهم نعرف نجيب احسن منه ...

مابعرف ليش خايف يفوتنا قطار التعاقدات متل كل سنة؟؟؟؟؟؟؟؟:roll:

[noel]

عبد لاعب جيد و لاكن في حال ترك النادي في غيرو كتير لعيبة مناح بمركزو و بخبرة اكتر و ع كيفنا

[abw sami]

خلي وائل عقيل يتمردح بالدوري وبالاعبين متل مابدو بس أوعى حدا يوقف بوشو( لأنو مسؤلين الكرة صيصان ومابيسترجوا يوأفو بوشو ويئللولو حاجة)

[وحداوي انا]

عبودة لاعب جيد

بس يلي بدو يلعب مع الوحدة

لازم يكون مخلص للقميص البرتقالي

ومع الوحدة بالحلوة والمرة

[وحدة قدم و سلة و طائرة]

مو على اساس فريق شباب

هي عبد الناصر 23 سنة عم نفرط به

حاجة ابر مخدرة و ضحك على الناس

[وحدة قدم و سلة و طائرة]

حاجة نحط الحق على وائل عقيل

ليش أدارتنا ( يلي عم نسمع منها بس )
ما جددت عقود اللاعبين يلي منحتاجهم للمستقبل و أولهم عبد الناصر

:))


؟؟؟؟؟؟؟؟؟

[جيرارد]

سيدي بدو يروح يروح عادي الله يسرلوا
بدو يبقى يبقى اهلا وسهلا

[W@SEEM]

لا تعليق

:f)

[ابو كريم]

حاجة نحط الحق على وائل عقيل

ليش أدارتنا ( يلي عم نسمع منها بس )
ما جددت عقود اللاعبين يلي منحتاجهم للمستقبل و أولهم عبد الناصر

:))


؟؟؟؟؟؟؟؟؟

شو رأيك ادارتك تبوس ............... لحتى يرضى يضل معنا
يعني وصلت انو الادارة وافقت تتنازل للتجديد من 3 سنين
يلي هي خطتها مع كل اللاعبين القادمين لسنة ومع هيك
ضل عبد عم يزوغل فشو بدك تساوي الادارة هات لشوف

[الكتلوني]

لاحول ولاقوة الا بلله ماكنت افهم الأحتراف عنا سيدي لي مابدو ناديك حدو ستين جهنم

[eu te amo]

الله معو ووووووووووو
المهم الوحدة ...

[nemr]

بالتوفيق للبرتقالي

[DIABO MAN]

بالتوفيق وكنا بنتمنى يبقى معنا

[ابوالعبدالشامي]

الله يقدم يلي فيه الخير للوحدة

[samer1]

خلي نادي شرطة ينفعو

[Orange Blood]

الله يسرلوا

[الساهر12]

يلي خلقو خلق غيرو وانشالله ولاد النادي بتسبت هالشي

[العاشق الوحداوي]

يعني والله ما بعف لو ادارة النادي دفعتلو لعبد اكتر من الشرطة ما كان راح عبد

ومع اجترامي ليلي كان عم يحكي انو عبد الناصر مو هامو غير المصاري انا بقول معو حق عبد الناصر انو يترك من شان المصاري لانو مالو جاية يلعب ببلاش

بس انا مستغرب من ادارة النادي تبعنا انو لاعب متل عبد الناصر بيتفرط فيه والله حرام حرام حرام

[ابو احمد]

اللي بدو يروح الله معو يعني ماني شايفو متل بيكيه لحتى كل هالقد نزعل عليه لاعب منيح ما اختفنا بس موهالسوبرستار بس لانو كان مدافعينا خالصين كان هو مبين منيح
وبعدين ليش لتلوموا العقيل الزلمة حلال عليه عميقوي فريقو وين الغلط ليش جماعتنا ما قطعوا الطريق عليه وجددوا مع هالاعب وغيرو

[وسيم م]

كلامكون كلو مزبوط

يعني لا عبد الناصر كتير بينبكا عليه

و لا الوحدة عم يشتغل صح انو لحد هلأ ما حكا معو مشان تجديد العقد

الا اذا كانت الادارة شايفة انو اللاعب ما بيناسبها

ساعتها الادارة بتعرف شغلها و نحنا منقول الله يوفق الفريق

أما عبد الناصر انا بتشكروه على يلي قدموا للوحدة

و لو انو الي تحفظ على كذا لعبة لعبها

بس نحنا مارح نتهم حدا الله ما بيننا و بينو

الله يسيرلو

[نستول]

لك سيدي بما انوا لاعب دفاع فانا مالي زعلان عليه اذا راح لانو خط الدفاع هالسنة مافي ولا لاعب بيستاهل يلعب معنا السنة الجاية الله ييسرلو

[bashardo الوحداوي]

الوحدة بمن حضر ويلي راحوا قبلوا مازعلنا عليهم
الله معو والقلب داعيلو

[محمد سكر]

الله معو وبالتوفيق للبرتقالي ....