شـو منـشـان هالخبـريـة .. لايمـتـى يعنـي يا وحـدة !!

[حمودي اليوفاوي]

تعرض عاطف جنيـات لعقـوبة من ادارة ناديه بالايقـاف حتى نهـاية المـوسم بسبب سوء تصرف منه بالمباراة الاخيـرة لفريقـه ، ووصلت الامور لـ طريق مسـدود بيـن ادارة الكـرامة ولاعبـها عـاطف جنيـات ، وتشيـر المصـادر الى اقتـراب انضـمام عاطف جنيـات من فريق الوحدة الدمشقـي !!




الخبــر منقـول للامـانـة .. خبـرية عقـوبة عاطف اكيدة مليون بالميـة ، بس خبرية انتقالو للوحدة مو اكيـدة

بس المهـم .. لايمـتـى بدنا نبقـى عايشيـن على " فضـلة " نادي الكـرامة .. مع احترامي لهالكلمة البشعـة !!

يعني عاطف بـوقت عزو بـ 2006 ما جبنـاه ، هلئ بس تراجع بشكل رررهيـب بدنا نجيـبو !! وبرايي زبيدي حاليا احسن من عاطـف جنيـات !!

المضـحك المبـكي .. انو نجـم الدوري سـامر عوض واللي مسجل 12 هدف هالموسم .. ينتـقـل من المجد للكرامة ، ونحن ناخد من الكـرامة عاطف جنيـات !!
ليش ما يتم التفكيـر بـ سامر عوض .. خصوصا هالصيفية سهل جدا ناخدو من لانو عقدو على ما اظن انتهى مع المجد .. واللي بيدفع مصاري اكتر لـ سامر بياخدو .

وانا متأكد اذا نحنا اخدنا عاطف .. الكرامة رح يتعاقد مع سامر عوض !

[حمودي اليوفاوي]

طنبـرونـا بـ عاطف .. منشان ياخدو سامر عوض

[عدنان شيخاني]

مابدنا عاطف لان خالص كازو عالآخر زبيدي مكفي وموفي اذا بدكون تجيبو ظهير مافي غير يا سامر عوض يا اما وائل عيان مافي غير هيك

[هنو]

والله ياحمودة كلامك سليم
بس أنا من فترة بحبشت عن قصة التعاقدات و قالولي انو ابو حامد حاطط سامر بقائمتو بس يمكن سامر موقع خالص متل واحد من لعيبتنا يلي للأسف طالبنا فيه و هو بايعنا من فترة

[علي1991]

شبكن شبب ولله عاطف شغلة بس مصاب
صح انو سامر بجوز احسن بس بطل عاطف منيح ومو خالص لانو عمرو يمكن 25 سنة يعنر صغير

[حمودي اليوفاوي]

بعد التأكد .. سامر عوض عقدو مستمر سنتين للمجد
بس برايي ادارة المجد بتبيع ابوها اذا عرضت مبلغ كبيـر على شي لاعب من عندها

والدليل باعت علي دياب بنص الدوري للدوري الصيني .. وكمان ساوت نفس الشي مع حمزة ايتوني قبل ما ينصاب
ورجا رافع كذا مرة باعوه بين سعودية وكويت لحتى يربحوا من وراه

[samer1]

ولله لوفي خير لاعاطف لامارماه طير
خلينا ندور على لعيبة مو خالصة صالحيتها

[ABOU MALEK]

مرحبا شباب

اول شي اللي ملاحظ انو ما حدا من جماعة الكرامة حكا بقصة عاطف جنيات

تاني شي اذا تأكد مجئء عاطف لعنا هي شغلة عليها اشارة استفهام

تالت شي عاطف جنيات هالسنة كان سئء كتير و خبص تخبيص و خصوصا لعبة الكرامة مع الجيش و بالشام

حتى بلعبة الجيش بالشام ما قدر يفوت عالمشالح بعد نهاية المباراة لانو جمهورو كان ناطرو ليسبو و يبهدلوا على مستواه الزفت و حتى مباراتنا معو بالشام كان سئ كتير و ابو شاكر كان صوته يوصل لبرا الملعب و هوي يقلو رجاع عالدفاع

رابع شي ما بعتقد انو الكرماوية يتركو لاعب كان اساسي معهم و يخلوا يجي عالوحدة

رابع شي هاللاعب ما بينطاق لانو من نفس طباع حسان عباس الحمار و نفسيتو حامضة متل الليمون

بتمنى ما يجي لعنا

[أغيد الفرا]

أنا سمعت انو إدارتنا حاطة عينا على سامر عوض

[fahmi]

سامر عوض حاليا هو احسن لاعب بسوريا ولازم نقاتل لحتى نحصل عليه لانه يلي بده ينافس عالبطولة لازم يكون عنده لاعبين ممتازيين مو خالصين

[عيون برتقالية]

على فكرة عاطف من مواليد الشام بعدين مو خالص لسه عمرو 25 سنة أذا 25 سنة و خالص
شوبدنا نقول على ماهر السيد و حسان عباس و عمر خليل

[MHDFA]

يلي عنا أحسن من مية عاطف
على كل أنشالله خير

[<MoHaMeD DaBoUL>]

والله العظيم لحنا ئصتنا ئصة

[عمار عبار]

كلامك سليم تماما يا حمودي

لسى كل ما نادي بده يخلص من لاعب بيخوزءنا فيه

[انا دمي برتقالي]

شباب ممكن سؤال غبي شوي... وتحملوني بعد إذنكون...

وين قواعد نادي الوحدة...؟

أنا من خمس سنين مادخلت مبنى النادي... ولا بعرف شي عن فرق الشباب والناشئين... بس كمان من خمس سنين ما سمعت عن لعيبةجدد رفعها النادي للرجال...!!!!!!!!!!!!!!!!

شو ما عم نلعب دوري شباب ودوري ناشئين يعني...؟

وين لعيبتنا..؟

عنجد حدى يشرحلنا الوضع إما هون أو بشي موضوع مستقل...

كنا نقول الوحدة مدرسة...

يا جماعة قليلة اللعيبة لي طلعها الوحدة بالعقدين الماضيين من سنة ال1991 ولحد الـ 2003 - 2005...؟

كان دائماً عنا أسماء جديدة بكل موسم... بس هلئ ماعاد سمعنا بكتير ناس...

وين أمثال الرأفت والكردية والعاقل والعاجي والمحملجي والطالب والأباظة والسيد والعلايا وغيرون وغيراتون...؟ مين عم يلعب بشباب النادي..؟ في اسماء حلوة..؟ ولا طنطات..؟

وين الترفيع...؟

[ابو كريم]

ما بعرف، يعني من كل هالردود مالقيت غير رد او تنين معارضين
معناتا جمهورنا عاطفي لدرجة كتير كبيرة حتى انو ما بيقدر
يطلع لقدام ، طبعا مع احترامي للكل
يعني مثلا بكون رأي كاتب الموضوع هيك منجي معو بتكون هيك
كمان منجي معو!!.
منرجع لموضوعنا الرئيسي عاطف لاعب جيد وليس باللاعب السوبر
لننظر إلى فريقنا حالياً ومن يملك في الجهة التي يلعب فيها عاطف
لا نملك سوى محمد زبيدي وبالطبع هو لن يأخذ مكانه
لأن فريقنا يلعب بخطة 4-4-2 وبالتالي في حال وجود الزبيدي
يلعب محمد كظهير وعاطف كجناح حيث أنه لاعب ذو مواصفات
هجومية إضافة للدفاعية التي يملكها.
اللاعب أحياناً يحتاج للتجديد وهذا يتم عند انتقاله من فريق لأخر
ولا تستغربوا أن يعطي عاطف الكثير بالوحدة عكس ما قدمه
للكرامة في السنوات الأخيرة.
دعونا ننظر للشيء من منظور علمي لا من منظور عاطفي
بكل تأكيد ان سامر أفضل منه ولكن ليس بالاعب السيء

[ابو كريم]

في حال رغبة لاعب بالخروج من نادي ليس هذا معناه أن اللاعب فاشل أو انتهى
وعبد الناصر حس أكبر مثال، هي رغبة منه لإيجاد تحدي جديد له في حياته الرياضية

[حسان الحسيني]

نحكي كلمتين بالعقل
اذا كل واحد فينا بدو يقول هل الاعب بدي ياه وهل لاعب مابدي ياه
بحياته مارح يصير فريقنا عنا

[ابو كريم]

حسان اذا الجمهور أبدو رأيو بلاعب فهذا مو يعني انو الكابتن نزار حياخد بكلامنا
بس بضل الموضوع للنقاش مو اكتر

[Ahmedinho]

عاطف جنيات اذا بدو يجي للوحدة راتبو رح يكون الدبل و رح يطلب انو يكون راتبو موجود باول لشهر بلا تاخير يوم واحد هيك متعود بالكرامة...

الزبيدي هي لسنة مقدم مستويات حلوة و حرام يطلع من التشكيلة الاساسية

[wissam82]

إذا كان بديل للزبيدي منيح

أما اللاعب الأساسي بهاد المركز الزبيدي يلي عم يقدم مستوى حيد وقابل للتطور،،
وسامر عوض بتوقع صعب كتير ينتقل لعنا لعدة أسباب ..

[SH@@MI]

اذا بدو يبقى زبيدي أساسي فوين الغلط اذا أجا عاطف

[<IBRAHIM>]

هلق اكيد سامر احسن من عاطف
بس عاطف لاعب مرتب ومنيح وبرأي صفقة ناجحة
بعدين يلي عم يقارن الزبيدي بعاطف
عاطف بيلعب وسط الزبيدي دفاع
عاطف لاعب منيح كتير بالنسبة لمستوى الطابة بسوريا وان شاء الله مع تجربة جديدة وفريق مرتب بيكون غير ومنضبط وبيرجع لعاطف ايام زمان

[قطناوي .. وحداوي]

مابدنا تكرر مأساة السنة الماضية عاطف ما مكانوو بالوحدة نهائياً

[wassim80]

انا قلتها بموضوع ماضي عن من تتمنى من اللاعبين مع الفريق للموسم القادم
( عبد الرزاق حسين - سامر عوض - أيتوني - رجا رافع )..........

بتمنى نقدر نتعاقد مع 2 من هالنجوم الموسم الجاية ...


بالنسبة لعاطف بيضل جناح ممتاز لو نزل مستواه السنة الماضية لكنه هداف وشويط ياشباب ومع نزار مافي راس كبير ياريت ييجي عالوحدة

[جيرارد]

اي والله عاطف لاعب منيح شبكن يا جماعة
وبعدين الله يقدم يلي فيه الخير للوحدة

[شمعة الشام]

سامر احسن من عاطف بكتير شو جاب هاد لهاد حرام يجي عاطف ناقصنا نحنا عوكات

[بسام وحداوي]

سامر عوض حاليا هو احسن لاعب بسوريا ولازم نقاتل لحتى نحصل عليه لانه يلي بده ينافس عالبطولة لازم يكون عنده لاعبين ممتازيين مو خالصين

[W@SEEM]

عاطف باقي بالكرامة

[الكتلوني]

الله يقدم الخير لنادينا ويجو لعنا لعيبة عليها القيمة حاج شنططا وقرف بيكفينا لي صار فينا من خمس سنين لهلأ

[nemr]

عاطف !!:roll:
الله لا يقدر والله لاعب ما بينطاق ونفسية كتير
وبأكتر من مباراة لاحظت عليه كيف بيعيط على زملائو بالملعب

[DIABO MAN]

انا مابدي اعطي رأيي لانه كل لاعب وأله وضعه بكل وقت
بس بقول الله يوفقق يا وحدة بلاعبين ياخدوا بطولات ويفرحونا
ياااااااااااااااااب

[أبو عامر]

عاطف جنيات شو صفي عندو هاد اللاعب كاااااان الو عز كبير بس هلق ما بعرف بس ليش فريقنا متكل عالكبار وعلى فضلة نادي الكرامة والله الكرامة لو مستفيد منو شوي ليخلي لا حول ولا فوة الا بالله شو بدو يحكي الواحد

[هاني المجداوي]

سامر عوض ابن الياسمينة رح يضل مع المجد انشالله لانه من اللاعبين الأوفياء لقميص النادي و رح يحقق معه لقب هداف الدوري بالموسم القادم انشالله بعد ما حرمه فريق عفرين من اللقب بهاد الموسم . و كمان ايتوني و رجا رافع رح يضلوا لأنهم كمان من الأوفياء للنادي . و بحب قول للي حكا عن ادارة المجد انو هي اضطرت فعلاً لتتخلى عن بعض ابنائها لصعوبات مادية لحد الآن عم تعاني منها .

[An@s]

سامر عوض ابن الياسمينة رح يضل مع المجد انشالله لانه من اللاعبين الأوفياء لقميص النادي و رح يحقق معه لقب هداف الدوري بالموسم القادم انشالله بعد ما حرمه فريق عفرين من اللقب بهاد الموسم . و كمان ايتوني و رجا رافع رح يضلوا لأنهم كمان من الأوفياء للنادي . و بحب قول للي حكا عن ادارة المجد انو هي اضطرت فعلاً لتتخلى عن بعض ابنائها لصعوبات مادية لحد الآن عم تعاني منها .



أهليييييييييييييينننن ياسمينة... هلا والله أي والله
شو يابي لاقي في مجداوية بحارتنا.... صبولوا شاي للشب

[عيون برتقالية]

و هي أحلى كاسة شاي للمعلم بس روح شربها بحارتك:mrgreen:
عم امزح أهلا و سهلا فيك

[وسيم م]

انا برجع بقول خلينا نعطي الادارة الوقت لتشتغل بصمت متل ما وصا الكابتن ابو عمر و نشوف شو رح يطلع معهون

[هاني المجداوي]

دعوتك مقبولة يا معلم على شرط نردلكم العزيمة بحارتنا . :))

أهلا و سهلا بكل الأخوة الوحداوية الأصلاء ...

[عمرالزهر]

الله يقدم يلي فيه الخير

[أسد الوحدة]

راح عالشرطة

[محمد سكر]

المشكلة دائماً نصل متأخرين ؟؟؟؟؟؟؟

[bmekhaled]

والله إذا بدنا نحكي مين بدنا و مين ما بدنا منضل ليبلش الموسم و ما منخلص

عموماً و عم حاول احكي بكل موضوعية
فريقنا مانو طمعة منوب لأي لاعب من برا ليجي للأسف
فريق منهي موسم بالمركز العاشر و طالع من الكاس طلعة مذلة و أول الأخبار اللي عم نسمعها عن التحضير ما بتبشر و ثبات مادي ما في و كمان مرة عم قول للأسف

أنا ببساطة ما بتمنى يجينا لاعبين من فريقي الكرامة و الاتحاد و هالشي الو أسبابه طبعاً
هلأ انو عاطف حابب يغير جو ناديه و يجي لعنا فمعلش نحنا جربناها مع التركماني اللي طلع من ناديه شبه مئلع و لما جد الجد ما لعب ضد الكرامة ، ببساطة نحنا مو من مصلحتنا نجيب من الأندية الكبيرة كتير بجمهورها

و أحسن شي لاعب من المجد و لاعب من الجيش (و مو ماهر و لا عبد الرزاق و لا ماجد) و هيك من هالفرق

و المشكلة الأكبر اللي ما عم نتحل قواعدنا ما عم تعطي متل الخلق للرجال و يمكن هي اول سنة من فترة طويلة منشوف لاعب أو اتنين على وشن ضو ممكن يفيدونا بالرجال