وبعدين ياوحداوية

[ابو محمود]

هذا هو نادينا باالامانة شي بفقع المرارة
لابالقدم فالح ولا بالسلة فالح
يعني وبعدين شو ناقصو النادي من دعم وقفة الجماهير الوفية معهم
يعني وبعدين وبتمنى منكن يلي بدو يعلق على موضوعي
بدون مسح جوخ وبدون مجاملات ابدا
صرلي زمان مادخلت ولا شاركت ابدا وهلا فايت عم اكتب من حرقة البي يعني وبعدين مشان الله

[ابو وسام]

انا بنصحك تروح وتقرا موضوع ابو انس .. وسام82

[W@SEEM]

طيب أخي الكريم أنت أقترح علينا الحلول والإقترحات مع الأخذ بكامل الأسباب وكيفية التنفيذ

ولا بدها بعدين ولا قبلين

الله يفرج ويقدم يلي فيه الخير للنادي أحسن شي

[أبو شام]

أخي من حقك تكتب لي بدك ياه وتفش قلبك وتشرح وجهة نظرك .
هاد المنتدى صوت لكل الوحداوية المقهورين ع حال فريق القدم..
بس بالسلة بخالفك..
السنة عملنا شي مهم

[رامي الوحداوي]

بدك تطول بالك
.....

[مـهـنـد]

بكير كتير على نفاذ الصبر وخاصة بهل الوقت

[أيهم القاضي]

المشاكل مارح تنحل إلا بالاستقلال المادي مع احترامي لكل مين عم يدعمنا من محبين والله يكتر خيرهم

بس إذا ما انحلت مسألة استثمارات النادي حنضل ندور بنفس الحلقة من المشاكل كل سنة

وأنا ما عم شوف بوادر حلول لأرض النادي والاستثمار عليها رغم الجهود الكبيرة من السيد أحمد قوطرش بس على ما يبدو الجهات الحكومية عم تعاملنا كأنو بدنا نعمر استثمارات النادي بدال مجلس الشعب مو على أرض فاضية محدا عم يستفيد منها بشي :crdr

كمان في شغلة شو وضع صالة الأفراح(أوسكار) لأيمتا العقد معهم؟ يعني مو معقول صالة أفراح كل عرس فيها بياخدو 250000ليرة وما عم يدفعوا للنادي أكتر من أربع ملايين بالسنة؟؟؟!!!!!

[ابو محمود]

ياشباب والله الود ودي انو نعمل شي لنادينا
انا بس عم شوف النوادي التانية عم تتقدم
ونحنا نادينا كل مالو لورا عم يحترق البي من جوا
لو مامنحب نادينا والنا غيرة عليه ما منحكي بنوب بنوب
على الله احسن شي
وانا بشكركن اخواني على مشاركتكم بموضوعي
ونحنا النا الفخر انو
وحداووووووووووووووووووووية

[انا دمي برتقالي]

المشاكل مارح تنحل إلا بالاستقلال المادي مع احترامي لكل مين عم يدعمنا من محبين والله يكتر خيرهم


حطيت إيدك عالوجع...

من أربع خمس سنين الوحدة عم يشحد ساعة من حبوباتي ساعة من تهديم الشام ساعة مدري من مين وكله بيمنن... وقلال لي عم يدعموا من تم ساكت وبدافع الإخلاص والأصالة الشامية أمثال الجواهر نظام الدين والدباس,,,

النادي عنده أماكن كثيرة للاستثمار... وممكن لسه يخترع كتير قصص... أنا مستعد ساعد بدارسة هي الأمور وتنفيذها وبشكل عمل طوعي...

ولكن هل ممكن نحنا كجمهور نسألون كيف عم يتم تعهيد هالاستثمارات... ولا رح يقلولنامو شغلتكون ...؟

طب مو عم تكون الحجة دائماً بالجانب المادي...؟
معناها من حقنا نسأل...
واردات النادي مو قليلة... وبتدعم بشكل جيد جداً إذا مو ممتاز

-------------------

إذا المتعهد بده يسرقنا (بقصد يسرق نادينا) ليش ما منستثمر هالأمور بأنفسنا...؟

يعني كتير صعبة نجيب كادر إداري من 4-5 موظفين لإدارة صالة الأفراح...؟ أديه راتب الموظف بالشهر...؟ 25,000 ل.س؟ أديه رح ندفع كهربا وضرايب وصيانة وتجهيزات بالنسة...؟

ولا شي بالمقارنة مع الأرباح...

كتير صعبة نأمن إدرة خاصة للمقصف وبدون تعهيد وتأجير...؟ النادي فينو هوي بنفسه يشكل كادر عمل وإشراف عالمقصف بالكامل وبأجور نظامية... يعني متل لي عنده مطعم... شو عم يروح يأجره...؟ لاء... هوي عم يعمل كادر إداري وعمالي... مو كيميا القصة...

كتير صعبة نبيع بطاقات المباريات بأنفسنا كنادي...؟ يعني المطابع معروفة وشباب البيع شغلة مقدور عليها ومو معقدة... بعدين... وممكن نعمل كبائن متنقلة لبيع البطاقات قبل المباريات منجيبون بسيارة (سوزاكية) منفردون حوالي الملعب منخلص بيع ومنرجع منحملون باليارة وبوشنا عالنادي... أخي وإجرة السيارة علىحسابي... وهيك منخلص من قرف المتعهدين كمان...

أنا ما بعرف كيف عم يتم تعهيد استثمارات النادي... بس غليان قلبي عالنادي من أكتر من خمس سنين...

لذلك وقت بدون يقلولنا النادي عنده مشاكل مالية فبيصير من حقنا نسأل عن هاد الموضوع... كنوع من أنواع الاستفسار عن هي المشاكل... والمساعدة ربما بتفهم الوضع... والأكثر قد تكون للمساعدة بحلها وتسويتها...

وبرجع بقلكون أنا ما عندي فكرة نهائياً شو أوضاع الاستثمارات بالنادي... يمكن تكون بخير وممتازة وبألف نعمة... بس أنا حاسس إنه هالنادي ولا كأنه عنده شي مستثمر...!!!! يمكن المستثمرين عم يسرقونا... وسبب هالإحساس إنه النادي مانه مستقل مادياً وماله مرتاح مادياً متل أيام زمان... ناهيك عن المشاكل الإدارية الناتجة عن هذه الثغرة المادية.

برجع بقلك...

حطيت إيدك عالوجع...





وعنا للأستاذ عامر آل رشي...

هو مدير أعمال ويستطيع دراسة هذه الأمور باحترافية...

[wissam82]

وأنا ما عم شوف بوادر حلول لأرض النادي والاستثمار عليها رغم الجهود الكبيرة من السيد أحمد قوطرش بس على ما يبدو الجهات الحكومية عم تعاملنا كأنو بدنا نعمر استثمارات النادي بدال مجلس الشعب مو على أرض فاضية محدا عم يستفيد منها بشي

الأستاذ أبو عبدو صدقني ما عم يوفر أي جهد بموضوع الاستثمارات
وهلئ بتوقع أخر الوعود كانت بالبت بالموضوع بشهر ستة ..

فالله يسر ويتمم على خير يارب ..

ما تنسوا يا شباب إنه الإدارة الحالية ما صرلها لسى غير أشهر معدودة
ولتظهر نتائج عملهم بدهم سنين ،، وهنن ما عم يقصروا ..

[الكتلوني]

عنجد الأستثمارات بدا حل يعني لئيمتا بدنا نضل هيك كل الأندية عندا استثمارات الا لحنا أكيد مو صح لازم الأدارة تشوف حل