المساعد الشخصي الرقمي

مشاهدة النسخة كاملة : الرجاء الدخول ضروري

WAEL -AL BRNE
10-08-2007, 03:34 AM
السلام عليكم ورحمة الله وبركاتة

كيف الشباب الوحداوين ان شاء الله الكل رواق


من شوي اجت على بالي فكرة وبتمنى اتساعدوني فيها


بعد مباراة الاتحاد شفت الهجوم على بعض اللاعبين

وهاد الشي عكس ردود بعض الشباب يلي حكيت مابدها اتنافس هل السنة

وبدها فريق بعد سنة اوسنتين ينافس بس بصراحة ماشفت هل الشي ولسه الفريق جديد العهد

يمكن هلئ بعض الشباب يقول بدنا فريق من شباب النادي وانا اول واحد معكم

بس هاد الموجود عنا حاليا

المهم بدون طول سيرة الفكرة هي عمل لافته كبيرة تنعرض بلعباسين

نرفع معنويات اللاعبين بمباراة الكرامة

ونوصل انو جمهور الوحدة مع اللاعبين وخصوصي الجدد معنا

بقى ياشباب يلي عندو اي فكرة شو بدنا نكتوب فيها ياريت يخبرنا ياها
حسان الحسيني
10-08-2007, 03:40 AM
بدها تفكير الحكاية والله
WAEL -AL BRNE
10-08-2007, 03:52 AM
اي فكر حجي وبسرعة لانو مافي وقت قبل ما اتعيد العالم
عمر نصري
10-08-2007, 06:11 AM
جمهور الشام للوحدة و بس
الوطن واحد و النادي للجمع
أهلاً و سهلاً بلاعبينا الجــدد
عمر نصري
10-08-2007, 06:13 AM
كل اللعيبة قديم و جديد
عزم و قوة و همة حديد
وحداوي موت
10-08-2007, 07:26 AM
فكرتك حلوة ابو اللول
لافنة كبيرة معقولة كتير
بهاء 2
10-08-2007, 07:42 AM
يا لعبية الوحدة كلكن غاليين
وازا بدر منا إساءة لحنا آسفين
بس والله اليوم للفوز لحنا مشتاقيين (أو محتاجيين)
EmadAsfour
10-08-2007, 07:49 AM
حسان يفكر

اذا ننتظر:m(
أغيد الفرا
10-08-2007, 12:13 PM
اي و الله فكرة حلوة

و العبارات يلي كتبوا الشباب ظريفة كتير
حسن عوده
10-08-2007, 12:19 PM
مرة غنينا بالملعب للوحدات هون بعمان

العبوا يا طنطنات ..... حاملين اسم الوحدات


الشوط التاني قلبوا الخسارة 1-0 الى فوز 3-1 وشو لعب !!! ناااااااااااااار


خخخخخخخخخخخخخخخخخخخخخخخخخ




انا بقترح لافتة مكتوب عليها
" شدوا الهمة الهمة قوية ..... يا نسور الوحداوية .... يا وحداوي هيلا هيلا "

شو رايكن ؟
الصالحية
10-08-2007, 12:27 PM
الوحدة ينادي أبناء النادي


يدا بيد لتبقى البرتقالة

دمشقية
WAEL -AL BRNE
10-08-2007, 12:50 PM
مشكورين شباب وبتمنى نتساعد الكل لنشوف شو بدنا نكتوب فيها
حسان الحسيني
10-08-2007, 03:06 PM
شباب في غنية بتغنيها اصالة
هذه دمشق
منها انتو ختارولكم شي بيت لنشوف
متل مثلا
انا الدمشقي لو قطعتم ....الخ
شو رائيكم
mmrdem
10-08-2007, 03:24 PM
ليش مايكون قمصان كبيرة بارقام اللاعبين تتوزع عالمدرجات وبعدين ازا بدكون تعملو لافتة كمان للمدرب كوستيكا بالروماني انا جاهز
أغيد الفرا
10-08-2007, 04:37 PM
ليش مايكون قمصان كبيرة بارقام اللاعبين تتوزع عالمدرجات وبعدين ازا بدكون تعملو لافتة كمان للمدرب كوستيكا بالروماني انا جاهز


فكرة حلوة كتير و الله

ياريت تعطينا شي جملة نكتبلو ياها لكوستيكا بالروماني و ترجمتا بالعربي مشان جمهور الوحدة يعرف شو هيي

و الله بتكون لفتة رووووعة من منتدانا
أغيد الفرا
10-08-2007, 04:38 PM
شباب في غنية بتغنيها اصالة
هذه دمشق
منها انتو ختارولكم شي بيت لنشوف
متل مثلا
انا الدمشقي لو قطعتم ....الخ
شو رائيكم

كمان فكرة واردة كتير .. بس لأسمع الغنية قبل ما بعرفا
حسن عوده
10-08-2007, 04:45 PM
قصدك عن هالقصيدة حسان ؟؟؟


هذي دمشق .. وهذي الكأس والراح
اني احب .. وبعض الحب ذباح
انا الدمشقي .. لو شرحتم جسدي
لسال منه .. عناقيد وتفاح
حسن عوده
10-08-2007, 04:47 PM
طيب شدوا الهمة كتيير حلمة باريي

اللي اقترحتها من اشوي

بس حطوا صور اللاعبين عليها واكتبوا المقطع !!



بس حسان بالنسبة للقصيدة !! كم دمشقي عندك بالفريق هههههههههههه
messi
10-08-2007, 05:58 PM
دمشق تناديكم لتنقذو برتقالتها يا ابناء دمشق
wissam82
10-08-2007, 06:11 PM
فكرة كتير حلوة وبدها تحرك سريع
أغيد الفرا
10-08-2007, 06:12 PM
شباب صح الوحدة دمشقي و جمهورو أغلبوا دمشقي
بس لا تنسوا أنو في معنا لاعبين من برات دمشق
أحمدهريدي
10-08-2007, 07:37 PM
لك نحنا مع الوحدة أن فاز أوخسر بس لكلشي ئلو اسباب و الوحدة نادينا بتعرفو شو يعني نادينا بس بصراحة ما عنا هجوم متل العالم وهل شي بخلينا نتصرف بطريقا عصبية مع أحترامنا لكل الاعيبة كل موسم بنفتقد لعناصر مهم منحنا بنعتزر لكل الاعيبة ونحنا وحداوية شو ما صار يصير
حسان الحسيني
10-09-2007, 12:43 AM
انا الدمشقي .. لو شرحتم جسدي لسال منه .. عناقيد وتفاح
حسان الحسيني
10-09-2007, 12:44 AM
وشغلة صور اللعيبة والله فكرة حلوة بس بتكلف
ومامنعرف شلون عزمات يلي بالمنتدى هون
خلوها شغلة مستقلة عن الرابطة
WAEL -AL BRNE
10-09-2007, 01:03 AM
كل الفكر حلو ويعطيكم العافية بنسبة للصور اللعيبة ان شاء الله بنحكي فيهاا
أبو عمر الحموي
10-09-2007, 01:10 AM
والله فكرة ولا اروع

انا بقترح نعمل لافتة كبيرة متل تبع موقعنا

ونكتب رقم كل لاعب وجنبو سطر مديح الو اما بيت شعر او اي شي

وخلونا نبلش من هلأ يلي عندو شي اختراع لشي لاعب يحطون هون بس
وانا راح اتكفل بالحموية تبعنا ايمن وعامر

وناطركون لشوف شو رح يطلع معكون

سلام
أبو عمر الحموي
10-09-2007, 01:18 AM
يعني رح اعملكون مثال

14 - علي يا خليل من يوم يومك لعيب
7- ابو عبدو ياغالي رقصهم بلا اغاني
6- يلي من النوكا احلى لمستك مافي احلى
9- ماهر السيد بالملعب خلينا نكيف

وما منخلي ولا لاعب كلو منحطو يلي اساسي ويلي احتياط
WAEL -AL BRNE
10-09-2007, 02:58 AM
يعني رح اعملكون مثال

14 - علي يا خليل من يوم يومك لعيب
7- ابو عبدو ياغالي رقصهم بلا اغاني
6- يلي من النوكا احلى لمستك مافي احلى
9- ماهر السيد بالملعب خلينا نكيف

وما منخلي ولا لاعب كلو منحطو يلي اساسي ويلي احتياط


واحلى ابو عمر الحموي ياسيدي هي هيه يلي عم دور عليهاا بدنا حسان ضرروري

لليبلش وبدنا اسماء باقي اللعيبة يلا ياشباب بدنا همه مافي وقت
الغزال الاسطوري
10-09-2007, 06:03 AM
21 علايا علي راسك انت وحداوي
11 اطيب من اللحمة اهدافك يا شحمة
M-AL MN@GED
10-09-2007, 09:27 AM
21 علايا علي راسك انت وحداوي
11 اطيب من اللحمة اهدافك يا شحمة


خخخخخخخخخخخخ

كتير حلوة هي تبع الشحمة


وفكرة بتجنن الله يقويكم ياشبيبة
HasSsaN
10-09-2007, 09:31 AM
انا برأيي نكتب لافتة للجمهور ما يشتم ويسب و يحترم حالو :mrgreen:
ديدو84
10-09-2007, 10:33 AM
يلي بدو يتحدى هي رجالنا مين ئدها ...
حسن عوده
10-09-2007, 10:41 AM
يلي بدو يتحدى هي رجالنا مين ئدها ...



يلي بده يتحدى .... هي الوحدة من قدها

عنا لعيبة زكرتية .... بالفن بيتحلوا

وجمهورهن دايما معهن رح يشجعوا و ورح يغنوا
أغيد الفرا
10-09-2007, 02:52 PM
حلوة تبع الشحمة :mrgreen:

يا شباب عملتو شي ولا لسا كلو حكي ؟

خلونا نظبطها قبل لعبة الكرامة
همام
10-09-2007, 03:32 PM
انا برأيي نكتب لافتة للجمهور ما يشتم ويسب و يحترم حالو :mrgreen:
ملعوبة :mrgreen::mrgreen::mrgreen::mrgreen: