الإتحاد يتأهل لربع نهائي كأس الإتحاد الأسيوي

[رامي الوحداوي]

تأهل فريق الإتحاد السوري إلى ربع نهائي كأس الإتحاد الأسيوي بعد فوزه على الكويت الكويتي بطل النسخة السابقة


وقد إنتهت المباراة والوقت الإضافي بالتعادل 1\1

ليلتجئ بعدها الفريقان لركلات الترجيح

ليتأهل الإتحاد بفوزه 5\4

مبروووووك لسفيرنا الأسيوي

[طارق الغبرا]

برافو فريق الأتحاد السوري يقصي الكويت الكويتي بطل كأس الآتحاد الأسيوي على أرض الكويت وينقتم لمواطنه الكرامة بفوزه بركلات الجزاء 5.4 مبروك سوريا

[wissam82]

ألف ألف مبروووك للأهلي ولسورية

والله حلال عليهم ..

ويا حسرتي على حالنا ..!!!

[ابو احمد]

انا تابعت المباراة والله اداء رائع وروح قتالية ممتازة وشي بيرفع الراس بلكي لعيبتنا بيحسوا على دمن شوي ازا \شافوا المباراة

[نستول]

والله انا يلي عجبني بالموضوع فوز فريق سوري على فريق كويتي بأرضو

[رامي الوحداوي]

هيك صار في فريقين سوريين بربع النهائي

بعد ما تأهل الكرامة مبارح

[abw sami]

اليوم كانت رايتنا حمرا والله نصر الاهلاوية وبلعوهون بالشوط التاني وانشاءالله ألف مبررررررررر:lol::lol::lol::lol:ررررررروك فرحونا

[ابو وسام]

مبروك للاهلي وانشالله بيتوفقو هنن والكرامة

[abw sami]

علا فكرة اليوم أوتوبنج كان مستواه ؟؟؟؟؟ ...............................................ولا عبينا السوريين كانو أحسن بكتير وهاد شي بيطمن

[مالك]

مبروك هاد فوز لكل سوريا وللسوريين

انشالله يارب نشوف الوحدة من جديد بهيك مناسبات

:syr:syr:syr

[wissam82]

يا ترى ليش بطل الدوري السوري ما تأهل لدور الـ 16
وتألع من دور المجموعات ..!!! :?

[Orange Blood]

لانو سارق الدوري السوري وليس بطل

[رهف الوحداوية]

مليار مبروك لكل اهلاوي وسوري على الفوز بجدارة وان شاء الله على النهائي
العب يااهلي ههههه العب يااهلي

واحد واحد واحد الوحدة والاهلي واحد
:syr

[Orange Blood]

واحد واحد واحد الوحدة والاهلي واحد





شو عدا مابدا

اي بعمرنا ما كنا واحد ولا بدنا نصير واحد

مو ناقصنا غير الجلئا الحلبية

[فادي النابلسي]

مبروك للأهلي هاد الفوز الغالي...
أكيد كل واحد شاف المباراة شاف اللاعب محمد فارس الشب الصغير يلي نزل الشوط التاني وشفتوا مهاراتوا والثقة يلي لعب فيها وهي رسالة للعيبتنا الشباب مالو أحسن منون بس بدنا الثقة بالنفس تكون موجودة مو بس سلم وأستلم الطابة؟

[جيرارد]

ما بهمني
فريقي مو موجود ما بدي شجع حدا

[مالك]

مبروك للأهلي هاد الفوز الغالي...
أكيد كل واحد شاف المباراة شاف اللاعب محمد فارس الشب الصغير يلي نزل الشوط التاني وشفتوا مهاراتوا والثقة يلي لعب فيها وهي رسالة للعيبتنا الشباب مالو أحسن منون بس بدنا الثقة بالنفس تكون موجودة مو بس سلم وأستلم الطابة؟

معك حق وهاد كان رأي الكابتن ياسر السباعي بأفضل اللاعبين بالدوري السوري بمقابلةسابقة


- مين أفضل لاعب سوري .. وأفضل لاعب بالدوري السوري . وأفضل مدرب سوري من وجهة نظر الكابتن ياسر ؟
إن أفضل لاعب سوري هو جهاد الحسين 0 وأفضل لاعب سوري بالدوري السوري علي غليوم من الوثبة وقصي حبيب من الوحدة ومحمد فارس من الاتحاد وعلاء الشبلي من الكرامة 0 وأفضل مدربين هم محمد قويض ونزار محروس.

[W@SEEM]

إن شاء الله الإتحاد والكرامة على النهائي

[<MoHaMeD DaBoUL>]

مبروك للاتحاد
مبروك للكرامة
وعقبال عنا ونصير منافسين عالالقاب الاسيوية
ياااااارب

[كمال بيطار]

مبروك للاهلي وان شاء الله البطولة سورية

[انا دمي برتقالي]

مبروك للأهلي الحلبي...

إنتوا النادي السوري الوحيد لي إنا صافف معه خارجياً...

مبروك للأهلي... وشد الهمة يا أهلي...