نداء الى تعمير الشام

[فراس لطفي]

السادة شركة تعمير الشام المحترمين
اقترح عليكم و بكل تواضع ان تساعدوا ادارة نادي الوحدةو حتى ان تجبروها
على التعاقد مع مهاجم محترف و حتى لو دفعتم مبالغ من خارج عقد الرعاية
لان هذة الزيادة سيتم تعويضها يعني زيادة 3 ملايين احسن من خسارة 45 مليون
لان النادي وضعه حرج و الفريق في خطر
و اللبيب من الاشارة يفهم

[عمر نصري]

ممكن
بس
يمكن

:m( :m( :m(

[EIHAB]

مشكلة الفريق مو بالمهاجم بس..

وين خط الوسط..

كأنو ما كان بلعبة الاتحاد..

يمكن نسيناه بالشام

[دلبيرو الوحدة]

والله مشكلت الفريق مو بخط الوسط عندك احستن خط وسط لكن كنان ديب بيضل برا واحمد الخالد بيضل برا حبيبي الغلط كلو من الخالص كوستيكا والله لو هل لعيبة كانت على ايام ايمن حكيم كان عمل شي لكن احمد الخالد وعمر خليل وكنان ديب برا ال وشو وعلايا بيك اساسي

[حمودي اليوفاوي]

انا مع ديل بييرو الوحدة

خط الوسط الو حلول ( وبايدنا بس نحنا عم نرفضها طبعا الحكي موجه للجهاز الفني )

اما خط الهجوم فمافي عنا اي لاعب قناص .. ونبيل الشحمة للنقع بكون احسن .. وخراط وعاجي لعيبة بتركد ومتل ما بقولوا حركة بلا بركة

اما خط الوسط في عنا كنان ديب واحمد الخالد وعمر خليل
وكل هدولة براااااااااااااااااااااااااا
يعني بتمنى بتمنى بتمنى يلعب اتنين منهم بس اساسي
ساعتها بتشوف الوحدة قلب 360 درجة

بس المهاجم ضروري جدا ..

[anas128]

اسف لكن لي وجهة نظر هي
لحد هذا الوقت مافي لاعب مميز ظهر بالفريق حتى الكابتن ماهر لحد هلق ما ظهر بمستواه المعروف عليه حتى التسديدات المباشرة ما عم يلعبها مظبوط عذرا من الكابتن ماهر ومن لاعبين الفريق بس مو هاذا المستوى هلي منحب يكون للاعبي فريق الوحدة

[HasSsaN]

المشكلة انو في مشكلة :mrgreen::mrgreen:

شباب لا تحملوها كتير الفريق بأولو مو نهاية العالم

و على طول البداية ممكن تكون مكركبة بس معو معو رح يظبط

و اذا زادت القصة ساعتها بنحكي و بننفتح

بس مع هيك عنجد لازمنا لاعب هداف و قناص من أمثال رجا رافع مثلاً :mrgreen:

[فراس لطفي]

يعني هلق مافي عذر للادارة ما تتعاقد مع لاعب مهاجم
يعني مصاري فيه و ادارة جديدة و جمهور رجع و شركة راعية
فريق عفرين او النواعير لا عندهم مصاري و لا شركة راعية و لاعندهم الشام و لا جمهور الشام و لا برتقال الشام

[حسان الحسيني]

خير ان شاء الله

[وحداوي موت]

بيصير خير
انتظروا مفاجئة السيد يلي رح تسعد الجميع

[محمد اشرق لبن]

لافي وسط ولافي هجوم الله يعينا هل الكم اسبوع لنفهم شو بدو يصير

[الرومانسي الحزين]

شبكم شباب عنا ماهر السيد بيحل اي مشكلة هو القناص وهو الممول وهو صانع الالعاب طولو بالكم عليه شوي بس

[samer88]

يا شباب خير انشالله
يعني هالفريف جديد و بدو فترة ليتجانس مع بعضو انشالله بنكون من الاربعة الاوائل بس يعني انو نربح الدوري بدكن طولو بالكن شوي