فتفرج يرعاك الله

[مـهـنـد]

مبارح كان يوم وحداوي حزين
بس الحمد لله على كل شي
بس بتصدقو مبارح نبسطت شوي
انبسطت لما شفت جمهورنا الكبير والوفي
جمهورنا الأصيل
جمهورنا يلي قاهر الجيشاوية
ويلي مبارح عبى الفيحاء أكتر من اللعبة الفاينل التانية
ولما قارنتو مع ما يسمى جمهور العسكر
دورة أغرار جاية تشجع التحويشة
يعني أفضل كلمة بتنقال الهتاف يلي رج الفيحاء

جمهور الشام للوحدة وبس

واحد تنين لا تلعب أنانية
جمهور الوحدة قاهر الجيشاوية
جمهور الوحدة قاهر الجيشاوية

وبتركم تقارونو وتتأكدو مين جمهور الشام

وعلى قولت المجيرمي : فتفرج يرعاك الله

جمهور العسكر

http://www9.0zz0.com/2010/05/12/11/417145842.jpg (http://www.0zz0.com)

جمهور الشام

http://www9.0zz0.com/2010/05/12/11/677532659.jpg (http://www.0zz0.com)


http://www9.0zz0.com/2010/05/12/11/848016009.jpg (http://www.0zz0.com)

[نستول]

اي والله انا معك منظر حلو ومبشر بعودة الجمهور باذن الله :))

[انا دمي برتقالي]

مبارح كنت آخد معي تنين وحداوية جدد... من تبعات وحداوية تحت الظل... يعني من هدول لي ما حضروا ولا مباراة لايف حي ومباشر...

إذا بدك أول ما دعسوا على آخر درجة هنن وفايتين عالمدرحات التوئوا...

قلي واحد منن... قلي شو هاد...!؟ أول مرة بشوف هيك جو...

قلي هدول وحوش يازلمة... قشعر بدني... شو هالصوت...؟؟

ضحكت وقلتله ما شفت شي لسه... ما شفت وقت الصالة بتكون أورانج عالداير الداير ومافي مكان تحط رجلك وشي صبايا وضي ختايرة وشي شباب وشي نسوان وشي لافتات وشي كنزات والعالم عالواقف خلف الكراسي... وكلون بصوت واحد.... ما شفت الصوت ومافيك تتخيل الجو الرائع والقوة والحماس والبور لي بيشحنها جمهور الوحدة للمباراة...

جمهور الوحدة رائع... ومافي متله بسورية...



أنا بعشقك يا وحدة...

وبعشق جمهورك المخلص الوفي الأصيل...


هدول الشبين راحوا معي انبسطوا وكيفوا وصحي زعلنا للخساراة بس كنا مبسوطين كتير بحضورنا لمباراة للوحدة... والحمدلله نهارنا كان حلو كتير.. وبغض النظر عن الخساراة...

وحتى دغري ونحنا وطالعين سألوني إيمت في مباريات جاية...؟

عنجد ضحكت... قلتلون للأسف الموسم بآخره...

[علي1991]

لاء في كاس معلم

[wissam82]

المشكلة انه كل ما رجع الجمهور يشجع بكثافة بالملاعب والصالات
ما عم تكمل معنا النتائج الايجابية وعم ينكسر خاطرنا وهاد الشي عم
يأثر وعم يسبب عزوف للجمهور بالمباريات يلي بعدها للأسف ..!!

إن شاء الله ترجع الأيام يلي يكون فيها جمهورنا معبي الملاعب ع الأخر
متل الصور هدول ..

[محمد سكر]

معليش شو صار جمهورنا البرتقالي مثل النار ...

[Orange Blood]

لازم نطول بالنا

ما عنا اي خيار تاني

وحداوي اصيل وشو ما صار يصير

[انا دمي برتقالي]

المشكلة انه كل ما رجع الجمهور يشجع بكثافة بالملاعب والصالات
ما عم تكمل معنا النتائج الايجابية وعم ينكسر خاطرنا وهاد الشي عم
يأثر وعم يسبب عزوف للجمهور بالمباريات يلي بعدها للأسف ..!!

إن شاء الله ترجع الأيام يلي يكون فيها جمهورنا معبي الملاعب ع الأخر
متل الصور هدول ..



أنا بدي خالفك شوي صغيرة أخي وسيم...

مشكلة الجمهور وحياة الله مو مع النتائج... وروح سئال أي وحداوي...

مشكلة عدم حضور الجمهور سببها الأداء السيء للفريق من بعد حصولناعاللقب بالـ2004...

وبدليل...

وقت نزل الوحدة عالتانية... ليش كان جمهوره أربعين ألف متفرج؟؟؟

ليش وصل متوسط حضور مباريات الوحدة بالدرجة الثانية 25,000 متفرج للمباراة الواحدة مع إنه كان بالدرجة الثانية وليس بالأولى...؟

وبالتالي لا يختلط عليكون الموضوع وتقولوا النتائج... جمهورنا مو جمهور نتائج... ولكنه جمهور ذواق...

الفريق يرجع يلعب حلو متل زمان رح ترجع تشوفه 30 و 35 ألف متفرج...

بس إذا حالياً بدك تروح مشان تجيك الجلطة... ليش؟

وكمان دليل تاني...

السنة لي حقق جمهور الوحدة فيها ثالث أكبر جمهور في الوطن العربي بمعدل 29,500 متفرج للمباراة الواحدة ما كان بهديك السنة عم ينافس عاللقب... بالعكس... كات مركزه خامس سادس بالدوري... وما كان للنتائج أي دور بحضور الجمهور الغفير... وإنما كنا نحب نشوف اللعب الحلو والطابة الممتعة...

فعذرني وتحملني... لو أن جمهورنا كان جمهور نتائج لكان وقف خلف الجيش بالكامل الآن... وهذا مستحيل أن يحدث

وبإذن الله نزار رح يكون إله فضل بعودة الجمهور... وبالأداء الجميل لي أصلاً نزار من أوائل وائل من شهر الوحدة بأنه فريق اللعب السهل الممتنع

[wahdawi-alsham]

أنا بدي خالفك شوي صغيرة أخي وسيم...


مشكلة الجمهور وحياة الله مو مع النتائج... وروح سئال أي وحداوي...

مشكلة عدم حضور الجمهور سببها الأداء السيء للفريق من بعد حصولناعاللقب بالـ2004...

وبدليل...

وقت نزل الوحدة عالتانية... ليش كان جمهوره أربعين ألف متفرج؟؟؟

ليش وصل متوسط حضور مباريات الوحدة بالدرجة الثانية 25,000 متفرج للمباراة الواحدة مع إنه كان بالدرجة الثانية وليس بالأولى...؟

وبالتالي لا يختلط عليكون الموضوع وتقولوا النتائج... جمهورنا مو جمهور نتائج... ولكنه جمهور ذواق...

الفريق يرجع يلعب حلو متل زمان رح ترجع تشوفه 30 و 35 ألف متفرج...

بس إذا حالياً بدك تروح مشان تجيك الجلطة... ليش؟

وكمان دليل تاني...

السنة لي حقق جمهور الوحدة فيها ثالث أكبر جمهور في الوطن العربي بمعدل 29,500 متفرج للمباراة الواحدة ما كان بهديك السنة عم ينافس عاللقب... بالعكس... كات مركزه خامس سادس بالدوري... وما كان للنتائج أي دور بحضور الجمهور الغفير... وإنما كنا نحب نشوف اللعب الحلو والطابة الممتعة...

فعذرني وتحملني... لو أن جمهورنا كان جمهور نتائج لكان وقف خلف الجيش بالكامل الآن... وهذا مستحيل أن يحدث

وبإذن الله نزار رح يكون إله فضل بعودة الجمهور... وبالأداء الجميل لي أصلاً نزار من أوائل وائل من شهر الوحدة بأنه فريق اللعب السهل الممتنع





klaam sleem:))

[MHDFA]

انشالله بيرجع جمهورنا يعبي الملاعب والصالات متل ما كان واحسن
جمهور الشام الوحدة وبس

[f.torres]

تحية لكل جمهور الوحدة الكبير
بس انا بعتبر بهل وئت جمهور الوحدة الاصيل مابيتجاوز 5000 مشجع فقط والباقي بالأسم جمهور للوحدة
الجمهور الوفي بكون مع النادي باي ظرف شو ماكانت حالة النادي
وهاد الشي غير موجود غير عند حوالي 5000 مشجع هدول يلي بكونو بالملعب بكل مباراة للوحدة شو ماكانت الظروف
اما البقية فغير أوفياء للنادي ولو كانو أوفياء لحضرو عل مباريات حتى لو كان اللعب بقرف

[WALID STAR]

جمهور الشام الوحـــــــــــدة وبس


وحداوي أصيل شو ما صار يصير

[انا دمي برتقالي]

لاء في كاس معلم

انشالله يا رب... انشالله يكون في كأس... والله أنا متفائل....

خسارة 0-1 لا تعني فقدان الأمل... لو مثلاً خسرنا 2-0 كان ممكن نخاف... بس 1-0 ولا شي... بكرا بأول عشر دقايق كوول للوحدة ورجعت لأمور للصفر... محلولة الأمور انشالله

وانشالله بكرا الفريق رح يتوفق ويرجع عالشام متأهل...
وبركي بتكمل معنا ومنطئ الاتحاد بالفيحاء ومنحصل عالمركز الثالث بالسلة

قولوا آمين

[الكتلوني]

انشا لله بدا ترجع هلأيام بأذن الله