الوحدة و جبلة ( ذهاب الكأس )

[هنو]

للأسف الشديد الشوط الأول انتهى واحد صفر لجبلة و ح يبلش التاني

[هنو]

للعلم قريقنا كان جيد بالشوط الاول بس افتقد للمسة الأخيرة

و يارب نعوض بالتاني

[مورا]

يعني لسا مشكلة نقص الهداف موجودة

[maxteero]

هجمة خطيرة بس الخليل بالعلالي لبرا

[Orange Blood]

طمنونا شباب شو الاخبار

[maxteero]

ركينة للوحدة

[Orange Blood]

يالله يارب

[maxteero]

لعب بارد من الفريقين

[maxteero]

هجمة حلو للسي شيخ بس بتضيع للأسف

[مورا]

المباراة منقولة شي؟؟؟

[Orange Blood]

يا خسسسسسارة

[maxteero]

بلش الضغط للوحدة

وتبديل نزل توشوكو

[Orange Blood]

شد الهمة يا وحدة
شد الهمة يا وحدة
شد الهمة يا وحدة

[maxteero]

المباراة مو منقولة

بس أبو الوليد فايت عالنت من موبايلو وعم يكتبلي الاحداث والاخبار من الملعب

[maxteero]

خطأ جديد لمصلحة الوحدة

ياااااااارب

[maxteero]

بتتحول لركنية

[مورا]

المباراة مو منقولة

بس أبو الوليد فايت عالنت من موبايلو وعم يكتبلي الاحداث والاخبار من الملعب

الله يعطيكون العافية

خلونا بالجو اول باول

[Orange Blood]

المباراة مو منقولة

بس أبو الوليد فايت عالنت من موبايلو وعم يكتبلي الاحداث والاخبار من الملعب


الله يعطيك العافية انت وابو الوليد

[maxteero]

هجمات بلا معنى للفريقين

[مورا]

اديش بقيان وقت

[maxteero]

على راسي الشباب الوحداوية ولعيونكم


للأسف الفريق عم يلعب بس عم نستفقد للمسة الأخيرة

[Orange Blood]

اديش باقي للعبة

[مورا]

على راسي الشباب الوحداوية ولعيونكم


للأسف الفريق عم يلعب بس عم نستفقد للمسة الأخيرة

هي كانت مشكلتنا بمبارياتنا الأخيرة بالدوري

[maxteero]

قصي حبيب عالأرض


سلاماااات

[maxteero]

باقي تقريباً 10 دقائق


يااااااااارب التعادل

[maxteero]

قصي رجع الحمد لله

تعالج برا الملعب ورجع

[محمد سكر]

جبلة 1/0 :roll::roll::roll: والله ماعم صدق ؟؟؟؟؟

[maxteero]

اللعب والسيطرة للوحدة


بس متل العادة قانون لعب جبلة " لاتجيب هدف ولا تخلي حدا يجيب هدف "

بس للأسف جابو الأول :(

[محمد سكر]

يالله يارب التعادل على أقل تقدير ....

[Orange Blood]

لا حول ولا قوة الا بالله

[محمد سكر]

لعب وسيطرة بدون أهداف مابفيد بشي ومنصير برا لاسمح الله ...

[محمد سكر]

والله لهلأ ماعم صدق النتيجة ؟؟؟ جبلة يلي هبط عالثانية ماغيروا :roll:

[maxteero]

رأسية من سي الشيخ خطرة كتير بس بتضيع برا المرمى


ضغط ضغط للأورانجي

[maxteero]

اي والله يا محمد

جبلة ما غير يلي هر عالتانية غالبنا 1-0 لهلأ

[مورا]

اديش باقي وقت

[محمد سكر]

قديش باقي وقت ؟؟؟؟؟

[maxteero]

5 دقائق وقت بدل ضائع


يا الله تيسرلنا

[maxteero]

حارس جبلة عالأرض

عم يضوع وئت

[مورا]

المجد فاز عالتحويشة 2/0

يارب عقبالناااااااااااااااا

[wahdawi-alsham]

شو هالمسخرة

[محمد سكر]

يعني اذا بأرضنا وعم نخسر مع جبلة ؟؟؟؟ فأنو كأس بدنا ننافس عليه ؟؟؟؟

[maxteero]

قربت تخلص و 1-0 لجبلة

[محمد سكر]

حسبي الله ونعم الكيل أحسن شي ......

[maxteero]

دبل كيك بآخر الوقت لتوشوكو كمان ضايعة

[wahdawi-alsham]

شو عذرن هلأ جبلة يلي نزل عتانية من يومين معنوياتو احسن ومنظم اكتر ودفاعو قوي وعندو هدافين وعم يلعب بأرضو
حاج مسخرة شو في اسهل من هيك مباراة

[محمد سكر]

فعلاً مابعتقد فيه أي عذر ممكن يكون منطقي ومقبول ؟؟؟؟؟

[maxteero]

صفر الحكم نهاية المباراة

بفوز جبلة 1-0

هاردلك للبرتقالي وبأذن الله التعويض باللعبة الجاية

يلا شباب دعواتكم لرجال السلة

ماضل غيرا

[ابو احمد]

فعلاً مابعتقد فيه أي عذر ممكن يكون منطقي ومقبول ؟؟؟؟؟

لاتخاف بكرة بيلاقولك مليون تبرير

[محمد سكر]

بدون تعليق على النتيجة أحسن شي :roll::roll::roll:

[Orange Blood]

كل لعبة هاردلك

[ابو احمد]

والله ملينا الخسارات كمان نحنا بشر النا عواطف واحاسيس رحمونا شوي

[محمد سكر]

لاتخاف بكرة بيلاقولك مليون تبرير


أخي حسام يعني عنجد أخر شي كنت متوقعوا وبأسوء الأحوال نربح بس 1/0 يعني مو 2 أو 3 كون اللعبة على أرضنا وفريق جبلة بالأساس مستوى عادي جداً ومعنويات منخفضة بعد الهبوط للدرجة الثانية أما نخسر المباراة ونحن يلي كنا عم نحلم بالكأس فهي يلي مابتتصدق ؟؟؟؟؟

[AMIN]

هاردلك وانشالله التعويض بالاياب

[محمد ربيع]

هاردلك للبرتقالي