غداً لنساند فريق السلة فقط..

[ابو كريم]

لكي نكون مع الحق، ولأن فريقنا يتعرض لظلم هو الأكبر في تاريخه
ولأن اتحادا الكرة والسلة لم ينصفا البرتقالي
فلنكن نحن أبناءه معه في هذه المحنة
على أمل أن تتوج بما نريد نصران يرفعان من أسهمنا المرفوعة
سلوياً وكروياً.
غداً فريق الكرة يبدأ مشواره في كأس الجمهورية بلقاء جبلة واللقاء
في تمام الساعة الخامسة.
المشكلة أن فريققنا السلوي أمامه مهمة انتحارية عندما يلاقي الجيش
على بطاقة الوصول إلى الدور النهائي والمباراة في تمام الساعة السادسة
إذاً أمام جمهور الوحدة حلان، فإما حضور الشوط الأول من لقاء الكرة والتوجه
مع نهاية الشوط إلى مباراة السلة أو الحضور فقط لمباراة السلة لأنها الهم
والاهتمام في البيت البرتقالي.
فيا جمهور نادي الوحدة الكبير لنترك فريق الكرة ونبقي الله وملائكته معه على أمل
أن يوفقوا وينهوا الدور 32 بسلام في لقاء الذهاب، وللنذهب ونؤازر اورانجي السلة
لأنه بحاجة كل بحة صوت، بحاجة كل حجنرة تقف وراءه وتدعمه وتقول
جمهور الشام الوحدة وبس
إذاً فلنكن على الموعد غداً في تمام الساعة الخامسة في صالة الفيحاء كما أنتم على العهد
ولندعي الله بأن يخرجنا منصورين من هذه الموقعة.

[أبو شام]

هاد الحل المنطقي والواقعي والمزبوط..
هاللعبة اهم لعبة بتاريخ نادينا من شي 5سنين

[bmekhaled]

موعدنا بصالة الفيحاء بإذن الله
قول الله يا وحدة

[Ahmedinho]

مبارتنا مع جبية باذن الله حتكون محسومة بمعية نزار محروس و لعيبتو..

انا كمان بشوف الاهم لعبة السلة و لازم لكل يروح ع لصالة...

بالتوفيق للوحدة قدم و سلة

[-Halola-4444]

بإذن الله رح تكون مفصولة
من اول شوط
:iron:

[wissam82]

بإذن الله بيكون بكرا يوم انتصارات برتقالية
يا رب توفق فرقنا بالقدم والسلة ..

و الكل ع الصالة يا شباب لدعم ومساندة فريقنا البرتقالي بمباراته مع ال**** ..
الجمهور هو الاعب الأهم والأكثر تأثير بهيك مباريات فلا تقصروا كرمال الوحدة الغالي ..

[زاهر الوحداوي]

انشاء الله عا الصالة
وبالتوفيق لفريق القدم وانشالله منتصرين

[ملك الظلام]

ما بعرف يا معلم أبو كريم بس أنا رأي أنو بوجود الجلاء مالنا أي حظوظ بلقب الدوري السنة وبرأي أنو لاعبين القدم بحاجتنا أكتر (وبيبقى هاد رأي أنا ) والناس حرة تساوي يلي بدها ياه

[nemr]

أن شاء الله عالفيحاء

[f.torres]

ما بعرف يا معلم أبو كريم بس أنا رأي أنو بوجود الجلاء مالنا أي حظوظ بلقب الدوري السنة وبرأي أنو لاعبين القدم بحاجتنا أكتر (وبيبقى هاد رأي أنا ) والناس حرة تساوي يلي بدها ياه
انا بحترم رأيك
بس المسألة ماعادت مسألة تأهل وفوز باللقب
الشغلة صارت اكبر من هيك
أغلب الجمهور مقتنع بأنو لامنافس للجلاء بس مو هاد المهم المهم بالنسبة النا اخراج التحويشة من البطولة لانو هي لحالا بتعتبر بطولة

وفريق القدم ان شاء الله رح يربح ويتأهل ولسا المباريات بالادوار التانية جاية

[وحداوي انا]

بكرة على الفيحاء ان شاء الله

بس كنت بتمنى احضر القدم

والجمهور كلو يطلع على لعبة السلة

الله لا يوفق اتحاد الكرة خلو اللعبة الساعة خمسة

مشان ما يحضر الوحداوية لعبة السلة

ولا رضي اتحاد السلة ياخر لعبة السلة للساعة 8

هنن عم يحاربونا بالقرارات ونحنا سلاحنا رح يكون الحضور بكثافة

لنصرة الوحدة

:lol: وحداوية :lol:

[أغيد الفرا]

منحضر أول شوط بلعبة القدم
بعدين على مباراة السلة

[العاشق الوحداوي]

يعني ما عرفو يأجلو لعبة السلة شي ساعة يعني

بس هاد حال نادي ال**** نادي الواسطات بيعمليلي بدو ياه

بس عيب والله عيب

بالتوفيق للوحدة بالقدم والسلة

[أبو فؤاد هندي]

أمور هي المباراة أهم من أي مباراة تانية لاأنو فريق الجيش تأثر كتير كتير كتير بحضور الجماهيري الكبير يوم الجمعة وهدفون تكون العالم ملتهية بمباراة القدم بس فشرو بإذن الله راحين عصالة بأعداد أكثر من يلي شافوها يوم الجمعة والفوز ألنا ان شاء الله تعالى وفريق القدم مابينخاف علية مع جبلة

[شمعة الشام]

يارب يا عالي انصر الوحدة الغالي
كلامك السلة اهم بكرى لئنها مباراة ليس فيها لقط نفس
بتوفيق يا برتقالة دمشق

[W@SEEM]

بإذن الله الفوز برتقــــــــــــــــالي

[ابو وسام]

فليعذرنا فريق القدم .. رجال سلتنا بامس الحاجة لنا الان

[جيرارد]

الكل ع الصالة بكرا وبعون الله النصر للعبتين بكرا برتقالي خالص

[ممدوح ابو معاذ]

سلام يا شباب
بتمنى منكم تصوير بعض المقاطع خلال المباراة
وتصوير الفرحة باذن الله بعد المباراة داخل وخارج الصالة
مشكورين وبعون الله منصورين

[عدنان شيخاني]

عالفيحاء يا شباب منصورين بعون الله

[رامي الوحداوي]

بإذن الله ع الصالة من الساعة5

ويمكن المباريات تبع الكأس منقولة ع سورية الغد

[نستول]

يارب يارب الله يجبر بخاطرنا قدم وسلة

[WAJDI]

ليش ما خلو لعبة القدم الساعة 4